John 16:14 - Sümi Tiqhelimi Bible

¹⁴ Pa no I juküvü shitsü nani kughengu pa no kiu I lau no ithulu keno tipau pa no nongu lau pephe-piye nani.

BAIBEL (BSI)

¹⁴ Pano ijepipitsu nani, kughengu ino kiu pikepu ani keno pano tipau pesu nongu vilo pi nani.

Sumi Naga CL (Re-edited) Bible (BSI)

¹⁴ Pa no I jepipi tsü nani, kughengu kiu no Iw keno, pa no tipau pesü nongu lau sheshu nani.

John 16:14 ပူးပေါင်းရင်းမြစ်များ

John 14:21

I yezaqo ikhilu eno pelu chekemiqo ye I kimiye cheni. I kimiye chekemiqo ye I pù no pa kimiye nani, eno ni ghí panoqo kimiye eno panongu lau I likhi I pìye nani.”

John 15:26

“Kughou I no Apù lau no puwu keu Shikumtokütsüu—Apù lau no ighi keu kuchou Ghungu—ighini keno pa no I shepe shi nani.

John 7:39

Pa no hipau pikeu kiqi ye kutou pa pülü kemiqo no Aghungu ithulu niye shi akeu tsa ke. Jisü ye ajuküvü lono xüputhumo no ake ghenguno tipau do kutólo ye Aghungu tsümo no ae.

1 Kor. 12:3

Tighenguno I no nongu pelo ithi penishi akeu ye khukhumu Alhou Ghungu vechewo piche kemi ye, “Jisü ye müsüinivea,” kepi pimo nani, eno Aghungu Kimthe vechewo likhi no kumo aye khunomu, “Jisü ye Ampeu,” kepi pimla nani.

2 Kor. 4:6

Kughengu Alhou khuu no, “Aküvü pelo àküzǘ lono vüipeghi pelo,” ipi keno, Jisü Khristo gi lo Alhou juküvü pephe-piye keu ithilu kepu küvü ningu tsüní ke ghenguno pa küvü pesü ningu mlo lo yepüvü tsüke.

Galatiami 5:5

Kughengu ningu ye Aghungu vechewo aküpülü lono ningu no laju achekeu achipiumikucho hu khekulhoshi anike.

1 Peter 2:7

Itehi nongu khunoqo no pülü ani keno, atu hipau ye akughupu ke. Ikemu khunoqo no pülümo keno, “Aki kishimi no atuqu milive keu no akhotou tuqu shivae,”

1 John 3:23

Eno pa zakütsü ye hipau ke: pa Nu Jisü Khristo je lo pülübe nikeu, eno pa no azah tsüve keu toi lakhi no lakhi kimiye nikeu ke.

1 John 5:20

Ningu no itaghi ithi akeu ye Alhou Nu ye ighivea eno vethakulu pesü ningu tsüvae, tishianguno ningu ye khuu no kuchou keno ithilu peniye ke. Eno ningu ye pa Nu Jisü Khristo khuu kuchou keno pa gholo xü kimepe keu vechewo pa lolo ani. Pa ye kuchou Lhou eno lhokta küxü ke.

1 John 5:6

Azü eno ajì vechewo ighi keu ye hipau ke—tiye Jisü Khristo ke. Pa ye azü vechewo likhi no ighike kumoe, ikemu azü eno ajì vechewo ighike. Eno Aghungu hu no thopi shi acheni, kughengu Aghungu ye kuchou ke.

Piyeküsü 19:10

Pa no hipau pi kelo ni ye pa mülá niye pa pukhuphi lo qhoqhünheluve. Ikemu pa no ishi pi, “Tishi kevilo! Ni ye no ngò O thiküzümi eno O achelimi khunoqo Jisü kükütsü pape cheni keno tipaqo gholo lakhi ke. Alhou mülá lo! Kughengu tungkuptsa Ghungu kümlà ye timiqo pelo Jisü shepe shilu pe nikeu ke.”