John 15:24 - Sümi Tiqhelimi Bible

²⁴ Khunomu shimo keu akümzapu kümlàqo I no panongu gholo shimo ke aye panongu ye panongu xiné kühani cheke. Panongu ye ti ithuluve ake, tishi keghi panongu ye I pù ghí eno ni ghí mithi cheni ke.

BAIBEL (BSI)

²⁴ Khunomu shichemokeu kumla ino panongu gholo shimo ke aye panonguye axine shikeu kukuqu kuhani cheke, ikemu itehiye ino kiu mlakeno panonguno ithuluve keghi panonguno ni eno iPuh ikujo mithi cheni.

Sumi Naga CL (Re-edited) Bible (BSI)

²⁴ Khunomu shichemo keu kümla I no panongu gholo shimo keaye panongu ye axine shikeu küküqü kühani cheke, ikemu itehi ye panongu no ithuluve akehu, ni eno I Pu nikujo mithi ani.

John 15:24 ပူးပေါင်းရင်းမြစ်များ

MATTHEW 11:5

Anhethi kighichemi no ithulu ani, apukhu kinitave kemi no alachelu ani, apügha kupumiqo shikimtheve ani, akìní kughupomi no chilu ani, kithimi xüputhuve ani, eno tsakiviu pesü athokhami lau asheshu anie.

MATTHEW 21:32

Kughengu John no nongu lau ighi keu ye achipiumikucho laghi nongu pìye nike ghenguno ke, tishimu nongu no pa pülümoe; ikemu zame küqhami eno kütüqhamiqo ye pa pülüe. Eno nongu no ti ithulu kethiu ghi, nongu ye amlo pebidemoe eno pa pülümoe.

MATTHEW 9:33

Eno kughou tüghaküsa hapheve keno, atsa pimla no akeu timi hu ye atsa piluve. Timi aqokitikhi hu ye akümzave no ishi pi, “Hitoi keu ye Israel lo khilemu ithumla aphie.”

Mark 2:12

Pa no ithuve püzü pa yephu ikhiluve no panongu kümtsü nhekithe lono wuve. Timi kümtsü hi ithulu no akichiqhive eno panongu no Alhou sheqhe ghi ishi pi, “Ningu ye khilemu hikithipu ithumla aphie!”

Luke 24:19

“Kiu shivea kea?” ipi Jisü no iniju. Pama no khochile, “Nazareth nó ghami Jisü ghili. Pa ye tungkupumi lakhi eno pa ye Alhou eno timi kümtsü zülo atsa eno akümlà lo akümzapu küká akemi ke.

John 10:32

ikemu Jisü no panoqo vilo pi, “I no I pù lau no akümlà kivi kutomo nongu pìyevae. Tipaqo ghenguno nongu ye atu pesü I veqhi niye ani keshea?”

John 10:37

I no I pù kümlàqo shimo ke thaqhülo I pülü kevilo.

John 12:10

Ike achinetomiqo no Lazarus ghí pìthíve niye aküpüghü shie,

John 12:45

Timi khuu no I shou jupuku ani keno pa ye I puwu akeu ithulu ani.

John 14:9

Jisü no khochile, “Philip, I no nongu gholo ado kushuwa ngo ighive kethiu ghí no ye ni mtha keshea? Khukhumu ni ithuluve keu ye Apù ithuluvae. No ye kíshi püzü, ‘Apù hu ningu pìyelo,’ ipi ani kea?

John 15:21

I je ghenguno panongu no hitoi nongu pishi-puju nani, kughengu panongu ye khuu no I puwu keno mtha ke.

John 15:22

I no ighino panongu vilo pimo ke aye panongu ye panongu xiné phumlani cheke; ikemu itehi ye panongu ye panongu xiné ghenguno ajeku kühavae.

John 15:23

I mithi chekemi ye I pù ghí mithi chenie.

John 16:9

eno axiné ghili kimchitsü nani, kughengu timiqo no I pülümo ke,

John 3:2

Pa no putho lono Jisü lau ighino ishi pi, “Rabbi, no ye Alhou lau no ighi keu kükütsümi lakhi kepi ningu ye ithi anie. Kughengu Alhou no timi lakhi gholo aghimo ke aye nono amichipuqo shi akeu ye khilemu shimlae.”

John 5:36

“Ni ye John nguno ashepe akimishiu anie. Kughengu I no itehi müla akeqo ye Apù no I pelo shiqhive penike akümlà tsü keqo ke eno tino Apù no I puwu kepi ashepe shitsü ani.

John 6:36

Ikemu I no nongu vilo pive ketoi, nongu ye ni ithuluve keghi I pülümo ke.

John 7:31

Tishimu, aqokitikhi dolo timi kutomo no pa pülüluve. Panongu no pi, “Kughou Messiah ighini keno, pa ye timi hipau nguno akichiù amichipu kümlàqo shi nani keshea?”

John 9:32

Khunomu anhethi iche no punú kemi lakhi nhethi khaqhi tsü keu ghili chilu mphie.

John 9:41

Jisü no pi, “Nongu no anhethi kighichemi shi aghí ke aye, nongu ye axiné kipimí aghimoni cheke, ikemu itehi ye nongu no ithulu ani ipi pükha ani kehu nongu xiné kipimí ye aniae.”

Apostolmi 10:38

Nongu ye Alhou no kíshi Nazareth nó ghami Jisü shou Aghungu Kimthe eno aküka vechewo nukishelu keno ithi ani. Jisü no akümlà kivi shisü iqho-iqi eno tüghami küká lo qhasü pe akemi kümtsü shipivi ke, kughengu Alhou no pa gholo ae.

Apostolmi 2:22

“Aküsàmi Israelmiqo, hi inilo: Nazareth nó ghami Jisü ye Alhou no akümzapu, akichiqhipu eno amichipuqo vechewo nongu lau kishe pesü tsüke, tiye nongu no ithi ake toi Alhou no pa vechewo nongu gholo mülà keu ke.

Rommi 1:30

pipütha chekemi, Alhou kimthimi, ayiküsami, akuchhoma eno aqheküzami; panongu ye küsakügha shi chekeu laghi iqikiphemi; panongu ye panongu pù-aza hebide cheni;

2 Tim. 3:4

pishikiqhi shi nani, chho-chhoshi nani, alikhi apülü pivi nani, Alhou kimiye kemi shini ke züqhulo aghakiqipu kimiye kemi shiuve nani.

James 4:4

Nongu shupu chekemiqo, nongu ye ayeghiqha sasü shomipami shikeu kiqi ye Alhou lachile keu ghümi shi ani kepi mtha keshea? Tighenguno, khukhumu ayeghiqha sasü aküsàu lakhi shini ke kishelu keu ye Alhou ghümi shive cheni ke.