John 15:19 - Sümi Tiqhelimi Bible

¹⁹ Nongu no ayeghiqha’w shi aghí aye ayeghiqha ye paw toi nongu kimiye nani. Nongu ye ayeghiqha’w kumoe, ikemu I no ayeghiqha lau no nongu kishepheluvae. Tighenguno ayeghiqha no nongu mithi ke.

BAIBEL (BSI)

¹⁹ Nonguno ayeghiqha laumi keaye, ayeghiqhano pano laumi kimiyeni cheke. Ikemu ayeghiqha launo ino nongu kishelu eno nonguye tipau laumi kumoe, tighenguno ayeghiqhano nongu mithi cheni.

Sumi Naga CL (Re-edited) Bible (BSI)

¹⁹ Nongu no ayeghiqha laumi keaye, ayeghiqha no pano laumi toi nongu kimiyeni cheke; ikemu ayeghiqha launo I no nongu kisheluve ke ghenguno ayeghiqha no nongu mithi ani.

John 15:19 ပူးပေါင်းရင်းမြစ်များ

MATTHEW 10:22

I ghenguno timi kümtsü no nongu mithi nani, ikemu khuu no ashekha kutólo mutotoi puthugho aghíni keno xaluve nani.

MATTHEW 24:9

“Tishi no nongu ye pishi-puju eno pìthíve penike pesü tsüve nani, eno shiyeqo kümtsü no I ghenguno nongu mithi nani.

Luke 6:32

“Nongu no nongu kimiye kemi likhi kimiye aye nongu ghenguno kiu alá ani kea? Axinemiqo thotsü khuno no pano kimiye keno tipano kimiye cheni.

John 13:18

“Ni ye nongu kümtsü ghili piamoe; Ni ye I no kisheluve kemiqo ithi ani. Ikemu hiye Kuchoyesü hipau shikupu niye ke: ‘I sasü asho kijechu keu hu no I ghümi shivae.’

John 15:16

Nongu no I kishelu ke kumoe, ikemu I no nongu kishelu eno nongu pelo wu no axathi ado kushuwa pithí chekeu pithipe niye süküsü shilu ke eno tishi keu vechewo nongu no I je lono kiu-kiumu khu aye I pù no nongu tsü nani.

John 6:70

Ike Jisü no khochile, “Ni ye nongu Chighikini kishelu ke kumo keshea? Ikemu nongu dolo lakhi ye tüghami ke!”

James 4:4

Nongu shupu chekemiqo, nongu ye ayeghiqha sasü shomipami shikeu kiqi ye Alhou lachile keu ghümi shi ani kepi mtha keshea? Tighenguno, khukhumu ayeghiqha sasü aküsàu lakhi shini ke kishelu keu ye Alhou ghümi shive cheni ke.

1 Peter 4:3

Kughengu nongu ye wove keu lo Jewkumomiqo no shi chekeu lo aghakiqi shi ado kutomo puwovae—tiye ghüpoghüzü küxü, ghaghu, shokümzü, ghaghu-ghale ghulhu, itho-igho keu lono eno kuchubekütsüla julho mülá keu lono ke.

1 John 3:12

Cain toi shi kevilo, pa ye küsaküghau laumi lakhi shi no pa thiküzüu ghiqhive ke. Eno pa ye kushiye pa thiküzüu ghiqhive kea? Kughengu pa likhi pa kümlà no küsakügha ke eno pa thiküzüu kümlà ye amikucho ke.

Piyeküsü 12:17

Tipathiu tüghaküsa ye totimi hu ju pesü aghaideve no li nuli-kughukomi khijehi ani keno tipaqo sasü aghüshi niye wuve. Li po lo kughukomiqo ye Alhou zakütsü pape chekemi eno akumto shi Jisü shepe shi chekemiqo ke.

Piyeküsü 12:9

Tüghaküsa kijè hu ye aqhou vepiqive. Tüghaküsa hu ye khaghi apighi khikhi tüghami momu Satan ipi ku chekeu hu ke. Pa ye ayeghilomi kümtsü pishikiqhiu hu ke. Paw kungumiqo gholo no pa ye ayeghi lo vepiqive ke.