John 14:6 - Sümi Tiqhelimi Bible

⁶ Jisü no khochile, “Ni ye alaghi eno kuchou, eno aküxü ke. I vechemo kelo ye timi khumu Apù lau ighi mülae.

BAIBEL (BSI)

⁶ Jisu no pa khochile, “Niye alaghi, niye kuchou eno niye akuxupuke, ivechemo keloye timi khunomu Apu lau wumlae.

Sumi Naga CL (Re-edited) Bible (BSI)

⁶ Jisü no pa vilo pi, “Ni ye alaghi, kuchou eno aküxü ke, I veche moke loye khunomu Apu lau ighimlae.

John 14:6 ပူးပေါင်းရင်းမြစ်များ

MATTHEW 11:27

“I pù no thowkha kümtsü pesü I pichevetsüae. Apù nguno alau ye khumu Anu mthae, eno Anu nguno alau ye khunomu Apù mthae eno khunoqo lau Anu no Apù pephe-piye nike no tipaqo likhi no ithi cheni.

John 1:14

Atsa hu no ashi shive eno ningu gholo xüke. Ningu no pa juküvü ithuluvae, ajuküvü tiye Anu lakhi likhi akeu ke, Anu ye küpükini ngò kuchou no chhitoi shi püzü Apù lau no ighike.

John 1:17

Kughengu ayeza ye Moses vechewo tsüke, ikemu küpükini ngò kuchou ye Jisü Khristo vechewo no ighike.

John 1:4

Pa lolo aküxü ae, eno aküxü tipau no timi jeli kümtsü ghenguno aküvü hu ke.

John 10:28

I no lhokta küxü panongu tsü, eno panongu ye khilemu pühavemo nani; khunomu I u lono panoqo süxa pewumo nani.

John 10:7

Tighenguno Jisü no itaghi pi, “Kuchou no I no nongu vilo pìní, ni ye ambeqow khagho ke.

John 10:9

Ni ye khagho ke; khukhumu I vechesü ilo kemi ye sükusho anani. Panongu no iloghi eno ipeve anani eno atsüni kümtsha phulu nani.

John 14:19

Kusho kumo lo ayeghiqha ye ni ithulu kithemove nani, ikemu nongu ye ni ithulu nani. I no xü anike ghenguno nongu ghí xü nani.

John 15:1

“Ni ye atsaibo kuchou ke, eno I pù ye atsailukichiu ke.

John 18:37

Pilate no pi, “Tishiaye no ye akükau lakhi keshea?” Jisü no khochile, “Nono ni ye akükau lakhi kepi pi anie. Kuchou lo ye, I punú keu eno ayeghi hipau lo ighi keu kimiji ye kuchou thopi shipe niye ke. Kuchou küdau akemi kümtsü no I tsa chilu cheni.”

John 5:21

Kughengu Apù no kithimi xüputhu no aküxü panongu tsü keu toi, Anu ghí pa no tsünishi kemiqo aküxü tsü chenie.

John 6:33

Kughengu Alhou’w asho ye kungugha lono iqighi cheni eno ayeghilomi lau aküxüpu tsü chenie.”

John 6:51

Ni ye kungugha lono iqighi keu aküxüpu sho ke. Khukhumu asho hipau chu keu ye lhokta kutólo xü anani. Asho hipau ye I shi ke, tiye I no ayeghilomi pelo xülu penike ghenguno tsü nani.”

John 6:57

Xü akeu Apù no I puwu eno Apù vechewo I no xü ake toi, khuu no I no lojí keu chuni keno pa ye I vechewo xülu nani.

John 6:68

Simon Peter no pa khochile, “Ampeu, lhokta küxüpu tsaqo O gholo anike ningu ye khuu lau wuni kea?

John 8:32

Tishianguno nongu no kuchou ithi nani, eno kuchou no nongu khaqhiphe nani.”

John 8:51

Kuchou no I no nongu vilo pìní, khukhumu I tsa gholu keu ye khilemu akithí ithulumo nanie.”

Apostolmi 3:15

Nongu no aküxü mpeu heqhipithíve, ikemu Alhou no akithí lono pa xüputhuveke. Ningu ye hipau thopimiqo ke.

Apostolmi 4:12

Xakulu ye khuu lau nomu ithulu chemoe, kughengu atsütsǘ qholo ningu timi jeli pelo xakulu ithulu penike aje kütau kiumu tsüpe püamoe.”

Apostolmi 9:2

no pa vilo Damascus lo Synagogqo ghenguno yèsüqo khu, tishianguno tilau Ampeu Là püla chekemi, kipitimi na totimi namu, pa no phulu kemiqo akughumi shi sasü Jerusalem lo ighi niye ke.

Rommi 15:16

ni ye Jewkumomiqo lau Khristo Jisü qeu lakhi ke. Pa no Alhou tsakiviu pe asheshu pe nikeu chine kümlà I pichhe tsüke, tishianguno Jewkumomiqo pelo Aghungu Kimthe no shikimtheve no Alhou no ikhikulupu kümlagho shilu peniye ke.

Rommi 5:2

Jisü Khristo vechewo ningu pelo aküpülü lono ningu no itehi puthugho akeu küpükini lo ilolu pe ke. Ikehu ningu ye Alhou juküvü küsaje nikeu lajupu akeu lo alovini nolo.

Rommi 5:21

tishianguno axiné no akithí vechewo ka keu toi, ningu Mpeu Jisü Khristo vechewo lhokta küxü süghi nike ghenguno Alhou’w küpükini pelo achipiumikucho vechewo kalu peniye ke.

1 Kor. 15:45

Ike ishi yèpüani: “Timi atüghiu Adam ye aküxü küami lakhi shi lhophe ke”; ikemu Adam ashekhau, tiye Khristo ke, ye aküxü-kütsüu ghungu shive ke.

Ephesiami 2:18

Kughengu pa vechewo nongu ghí eno ni ghí Aghungu lakhi vechewo Apù lau wu kulupu shi cheni ke.

Kolosiami 2:17

Hipaqo ye ighi niye shi akeu thimeqow yekükhü lakhi ke; eno kuchou ampi ye Khristo lolo likhi no ithulu cheni.

Kolosiami 2:9

Kughengu Alhou lhoaye kuchopu kupukülai shi Khristo phimpi lo anike,

Kolosiami 3:4

Khristo khuu nongu küxü kuchou keno kughou pa no ipeghini keno nongu ghí ajuküvü lono pa gholo ipeghi nani.

IBRIMI 7:25

Tighenguno pa ye khunoqo no Alhou vechewo pa lau ighini keno panoqo kümtsü xaluve cheni ke, kughengu pa ye alhokuthu panongu ghenguno alakipi shitsü nike ghenguno xü acheni ke.

IBRIMI 9:8

Hipau vechewo Aghungu Kimthe ye Akimthe Nguno Akimtheu-a lo ilo nikeu laghi ye puloshoqhi-chebo atüghiu peitha ake kutólo pephe-piye mphi kepi pìye anike.

1 Peter 1:21

Pa vechewo nongu no Alhou khuu akithí lono Jisü xüputhu no pa juküvü shitsü keno pa shou pülü ke, ike tighenguno nongu küpülü eno lajupu ye Alhou lau anike.

1 Peter 2:4

Nongu no pa lau ighi. Pa ye aküxüpu Tu ke. Aküxüpu Tu ye timiqo no milive ke ikemu Alhou no pa kishelu eno pa ye Alhou ghenguno akughupu ke.

1 Peter 3:18

Kughengu Khristo ghí Alhou lau ningu saighi nike axiné ghenguno ghuthukhavi no kümtsü ghenguno imeve ke, amikuchou no amikucho kumomi ghenguno thive ke. Pa phimpi ye pìthíve ke ikemu Aghungu lono xüputhuveke.

1 John 1:8

Tsalá ningu no axiné küha kepi pükha aye, ningu ye nilikhi ningu pishiqhi ani eno kuchou hu ye ningu lolo küha ke.

1 John 2:23

Khukhumu Anu milive aye pano lolo Apù kühae; khukhumu anu ikhilu aye Apù ghí pano lolo anie.

1 John 5:20

Ningu no itaghi ithi akeu ye Alhou Nu ye ighivea eno vethakulu pesü ningu tsüvae, tishianguno ningu ye khuu no kuchou keno ithilu peniye ke. Eno ningu ye pa Nu Jisü Khristo khuu kuchou keno pa gholo xü kimepe keu vechewo pa lolo ani. Pa ye kuchou Lhou eno lhokta küxü ke.

1 John 5:6

Azü eno ajì vechewo ighi keu ye hipau ke—tiye Jisü Khristo ke. Pa ye azü vechewo likhi no ighike kumoe, ikemu azü eno ajì vechewo ighike. Eno Aghungu hu no thopi shi acheni, kughengu Aghungu ye kuchou ke.

2 John 1:9

Khukhumu azüu powuve no Khristo kükütsü papemove aye pa lolo Alhou kühae; khukhumu Khristo kükütsü pape aye Apù eno Anu kinikujo acheni.

Piyeküsü 19:11

Tile I no kungugha hukikha khaqhipüa keu ithulu eno I zülo khurshi miyetsüghoi keu lakhi ae, tipau küsáu vilo Pükhübekulu eno Kuchou ipi kue. Amikucho pesü pa no küghathabe eno aghüshi ke.

Piyeküsü 20:15

Khukhumu aküxüpu kaku lo aje yèpüaghimo kemi ye ami yizükucho lo vesüve.

Piyeküsü 22:1

Tile no kungumi hu no aküxüpu zü ghoki I pìye. Aghoki tipau ye ighono tsüghükhüi eno tiye Alhou eno Ambeti küká lakhü lono qò ipeghi püzü

Piyeküsü 22:17

Aghungu eno külaliu no ishi pi, “Ighilo!” Khuno no chilu ani keno, “Ighilo!” pilo. Khuno no tüghüthi ani keno ighi pelo; eno khuno no aküxüpu zü kümsá ghò lunishi ani keno ikhilu pelo.

Piyeküsü 3:14

“Laodicea lo akukuhouw kungumi lau yè ani: Atsa hipaqo ye Amen’w ke, pükhübekulu eno thopi kuchou, Alhou no lhoqhipüa keu shou ayekipeu tsa ke.

Piyeküsü 3:7

“Philadelphia lo akukuhouw kungumi lau yè ani: Atsa hipaqo khuu no akimthe eno kuchou eno David’w khayi pesü ani keno pa tsa ke. Pa no kiu khaqhivea keno khunomu khamlae, eno pa no kiu khavea keno khunomu khaqhi mülae.