John 14:27 - Sümi Tiqhelimi Bible

²⁷ Alokiqi I no nongu gholo qhitsü ani; I lokiqi I no nongu tsü ani. Ni ye ayeghiqha no nongu tsüke toi tsü amoe. Nongu mlo kütakihi pe kevilo eno msà kevilo.

BAIBEL (BSI)

²⁷ Ino alokiqipu nongu gholo qhitsu ani; alokiqipu ino nongu tsuani; ayeghilomino tsuchekeu hutoi nongu tsuanike kumoe. Nongu mlo kutakihi akevilo momu msakevilo.

Sumi Naga CL (Re-edited) Bible (BSI)

²⁷ I no nongu gholo aloino keu qhitsü ani; Iw aloino keu I no nongu tsüani. Ayeghilomi no tsü chekeu toi nongu tsü anike kumoe. Nongu mlo kütakihi kevilo, momu msa kevilo.

John 14:27 ပူးပေါင်းရင်းမြစ်များ

MATTHEW 10:26

“Tighenguno panonguqo msà kevilo, kughengu tilehi lakhimu pephe-piyemo keu shimo nani eno nhapüa keu lakhimu ithive pemo keu shimo nani.

Luke 1:79

tiye àküzǘ yeghi lo xü akemi eno akithí yekükhü lo akemi, ni pukhu nepa kichesü aloino keu là lo sawu nikeu ghenguno ke.”

Luke 10:5

“Kughou nongu no aki lo ilo nike no, ‘Aki hipau lo aloino keu alo,’ ipi paghilo.

Luke 12:4

“I küsàmiqo, I no nongu vilo pìní, khunoqo no aphimpi pìthíve tsülu nani kemu tithiu ye kiumu shimla nani keno tipaqo msà kevilo.

Luke 2:14

“Kungugha akiqheu lo Alhou lau ajuküvü shilo! eno ayeghi lo pa lokiqi akemi shou aloino keu apelo.”

John 14:1

“Nongu mlo kütakihi pe kevilo. Nongu no Alhou shou pülülo eno I shou ghí pülülo.

John 16:33

“I no thime hipaqo pesü nongu vilo pive akeu ye nongu pelo I vechewo alokiqi ithulu peniye ke. Hipau yeghi lo nongu ye aveküsa sholu anani. Ikemu amlo mutotoilo! Ni ye ayeghiqha theqhiluvae.”

John 20:19

Apinedo tsalà atüghiu avelau kughou akhopemiqo no Jewmi sakiphemiqo kümsà lau no ahukikha khapesü aqoshi ngoa keno Jisü no ighino panongu gholo puthugho no pi, “Aloino keu nongu gholo apeniu!”

John 20:21

Itaghi Jisü no pi, “Aloino keu nongu gholo apeniu! Apù no I puwu ketoi, ni ghí nongu puwu ani.”

John 20:26

Apinedo lakhi thiu akhopemiqo ye itaghi aki alou ngoa, eno Thomas ghí panongu gholo ae. Ahukikhaqo ye khapüa keghi Jisü ye ighino panongu gholo puthugho no pi, “Alokughuno nongu gholo apeniu!”

Apostolmi 10:36

Nongu ye Alhou no Israelmi lau akükütsü sütsa tsü keu hu ithi ani, tiye Jisü Khristo khuu kümtsü shou Ampeu keno pa vechewo alokughuno tsakiviu piputo tsüke.

Apostolmi 18:9

Kijili lakhi Ampeu no kungunhetsü lono ishi Paul pütsae: “Msà kevilo; tamo no pialo, inaqhoi ngove kevilo.

Rommi 1:7

I no Rome lo Alhou no kimiye chekemiqo eno paw akimthe timi shipe nike kulùve kemiqo kümtsü lau yèlu ani: Ningu Papù Alhou eno Ampeu Jisü Khristo lau no ighi keu küpükini eno aloino keu nongu gholo apeniu.

Rommi 15:13

Nongu no pa shou pükhübe ake toi, lajupu tsü chekeu Lhou pelo alokiqi eno alokughuno chhitoi nongu shepichhi tsü peniu, tishi keu lono nongu pelo Aghungu Kimthe küká vechewo lajupu qochililu apeniu.

Rommi 5:1

Tighenguno, ningu ye aküpülü vechewo achipikaluvea ke ghenguno ningu ye ningu Mpeu Jisü Khristo vechewo Alhou sasü külashiluvae, eno

Rommi 5:10

Kughengu tsalá ningu no Alhou ghümi shi aphi lo thotsü pa Nu kithí vechewo pa sasü külashilu aye, ningu ye külashiluva ake tinguno alau pa küxü vechewo ningu süsholu nani.

Rommi 8:6

Timi lhoaye no ghasüpe akeu kükümsü ye akithí süghi cheni, ikemu Aghungu no ghasüpe akeu kükümsü ye aküxü eno aloino keu süghi cheni.

1 Kor. 1:3

Ningu paPù Alhou eno Ampeu Jisü Khristo lau no ighi keu küpükini eno alokiqi nongu gholo apeniu.

Galatiami 1:3

Ningu papù Alhou eno Ampeu Jisü Khristo lau no ighi keu küpükini eno alokiqi nongu gholo apeniu,

Galatiami 5:22

Ikemu Aghungu xathi ye kikimiye, alokiqi, aloino keu, kheakulu, küpüqhiyi keu, akivi, pichebekulu,

Galatiami 6:16

Ayeza hipau papelu kemi eno Alhou’w timi Israelmi kümtsü lau alokiqi eno kimiyekini apeniu.

FILIPIAMI 4:7

Tishiaye Alhou’w aloino keu khikhi timi no ithikuthulu keu nguno alau ani keno, tipau no Khristo Jisü lono nongu mlo eno nongu kükümsü khekuto anani.

Kolosiami 1:2

Kolosia lo Alhou’w akimthe timiqo, Khristo lono pükhübekulumi athiküzümi eno achelimiqo lau yèlu ani: Ningu Papù Alhou lau no ighi keu küpükini eno aloino keu nongu gholo apeniu.

Kolosiami 1:20

Eno ayeghi lo thimeqo shi aghí na kungugha lo thimeqo shi aghí namu Khristo no kros lo pa jì peleve keu vechewo thowkha kümtsü pesü Apù Alhou lau külashilu peniye ke.

Kolosiami 3:15

Khristo’w aloino keu pelo nongu mlo lo ayè pelu pelo, kughengu aphimpi lakhi lo kihiküsümi toi aloino keu lo nongu kulùvea ke. Eno Alhou shikimthiqhiyi achelo.

2 Thes. 1:2

Apù Alhou eno Ampeu Jisü Khristo lau no küpükini eno aloino keu nongu tsü peniu.

2 Thes. 3:16

Itehi ye alokughuno-kütsüu Ampeu pelo pa ampi no ado aghuloki kümtsü lo eno alaghi kümtsü lo aloino keu nongu tsü peniu. Ampeu no nongu kümtsü gholo apeniu.

2 Tim. 1:7

Kughengu Alhou no anguagha ningu tsü keu ye ningu pelo msaichive peniye ke kumoe, ikemu aküka, kikimiye eno alikhi aghasükulupu ningu tsü cheni ke.

IBRIMI 13:20

Itehi ye alokughuno tsü chekeu Lhou, ambeqo Kheu akijeu, khuu lhokta puloshoqhi jì vechewo akithí lono Jisü xüchile saighi keno,

IBRIMI 7:2

eno Abraham no thime kümtsüw chighí saje pesü pa tsüke. Atüghishi, Melchizedek je kiqi ye, “achipiumikucho kükau”; tisheno itaghi, “Salem kükau” kiqi ye “aloino keu kükau.”

Piyeküsü 1:4

John no, Asia bocho lo akukuhou tsünì lau yèlu ani: Alhou khuu acheghi, acheni, eno ighi niye ani, eno pa küká lakhü zülo aghungu tsünì akeqo eno Jisü Khristo, pükhübekulu thopiu, akithí lono atüghishi xülethughi keu eno ayeghi lo kükamiqo shou ayekipeu keno, pama lau no ighi keu küpükini eno aloino keu nongu gholo apeniu. Khuu ningu kimiye cheni eno pa jì vechewo axiné lono ningu kuqhophevea

Piyeküsü 2:10

Nono imeve niye akeu ghenguno msà kevilo. I no O vilo piani, tüghami ye nongu peju nike ghenguno akughuki lo nongu khami sǘ nani, eno nongu ye atsala chighí kutólo pishi-puju no ghimeqhi nani. Ikemu akithí kutólo pükhübekulu shilo, tishiaye I no aküxüpu pesü ow tokulu kütsükuqho shitsü nani.

Piyeküsü 21:8

Ikemu bamsami, pülümo kemi, ayiküsami, hekiqhimi, kipito xüküpsami, kuduu shi chekemi, ajulho mülá chekemi eno akimkimiqo kümtsü huchuhuyi piti akeu amichu yizükucho lo vesüve nani. Hino akithí akiniù ke.”