John 14:21 - Sümi Tiqhelimi Bible

²¹ I yezaqo ikhilu eno pelu chekemiqo ye I kimiye cheni. I kimiye chekemiqo ye I pù no pa kimiye nani, eno ni ghí panoqo kimiye eno panongu lau I likhi I pìye nani.”

BAIBEL (BSI)

²¹ Khunono ino ahza tsukeu ikhiluni eno tipaqo peluni keno timi tipauno ikimiye cheni. Khunono ikimiye chenikeno iPuno pa kimiye nani, eno nighi pa kimiye nani eno ilikhi ino pa pephe piye nani.”

Sumi Naga CL (Re-edited) Bible (BSI)

²¹ Khunono I zakütsü ikhilu eno peluni keno, pa no I kimiye cheni. Khuu no I kimiye cheni keno I Pu no pa kimiye nani, eno I no pa kimiye no pa lau ni ampi pephepe piye nani.”

John 14:21 ပူးပေါင်းရင်းမြစ်များ

Luke 11:28

Jisü no khochile, “Khunoqo no Alhou tsa chilu eno tipau ghokulu shini keno tipaqou no akümghapue.”

John 14:15

“Nongu no I kimiye cheni aye, I zakütsüqo pelulo.

John 14:18

Niye mighimi toi nongu qhivemo nani; I no nongu lau ighi nani.

John 15:14

Nongu no I no azah tsü keqo pape aye nongu ye iw shompamiqo ke.

John 16:14

Pa no I juküvü shitsü nani kughengu pa no kiu I lau no ithulu keno tipau pa no nongu lau pephe-piye nani.

John 16:27

Moe, Apù ampi no nongu kimiye chenie kughengu nongu no I kimiye ke eno ni ye Alhou lau no ighi kepi pülü cheni ke.

John 17:23

I no panongu lolo ani eno nono I lolo ani—tishi keu vechewo panoqo pelo qhoi küqhakulu shilu peniye ke. Tishianguno ayeghilomi ye nono I puwu eno nono I kimiye ketoi panongu kimiye kepi ithi nani.

Apostolmi 22:18

eno Ampeu ithulu no pa no I vilo pi ‘Papashi lo! Mtazü Jerusalem qhivelo, kughengu timi hile akemiqo ye nono I shepe shikeu ikhilutsümo nani ke.’

2 Kor. 12:8

I lau no ikhi sawuve tsü penike ghenguno I no ghuthu küthü kutólo Ampeu vilo qhüiniju ke.

2 Kor. 3:18

Eno ningu khunoqo agi küzümo no Ampeu juküvü kümsükütü acheni keno, ningu pesü alhokuthu thuwu chekeu juküvü lono pa jukimihi shive tsü ani, eno tiye Ampeu khuu Aghungu keno pa lau no ighike.

2 Kor. 4:6

Kughengu Alhou khuu no, “Aküvü pelo àküzǘ lono vüipeghi pelo,” ipi keno, Jisü Khristo gi lo Alhou juküvü pephe-piye keu ithilu kepu küvü ningu tsüní ke ghenguno pa küvü pesü ningu mlo lo yepüvü tsüke.

2 Thes. 2:16

Ningu Mpeu Jisü Khristo ampi no eno ningu Papù Alhou khuu ningu kimiye eno paw küpükini vechewo lhokta shikumtokütsü eno lajupu kivi ningu tsü keno,

2 Tim. 4:22

Alhou no O gholo ache peniu. Alhou’w küpükini nongu kümtsü gholo apeniu.

1 John 2:5

Ikemu khukhumu pa tsa ghokulu shi aye, Alhou kimiye chekeu ye kuchou no panongu vechewo shikupuvae. Hitoi shikeu vechewo ningu ye pa lolo ani kepi ithi cheni:

1 John 3:1

Ningu pelo Alhou nuliqo ipi kulù pe moayesa keu ghenguno Apù no kiutoi kikimiye kijè eno kupukuno shi ningu shou tsü keno julo! Eno kuchou no ningu ye tike! Ayeghiqha no ningu mtha keu kiqi ye panongu no pa mtha keu ghenguno ke.

1 John 5:3

Kuchou lo ye, Alhou ghengu ye hino kikimiye ke: pa zakütsüqo pape aní keu. Eno pa zakütsüqo ye amakho kimshi kumo ke,

2 John 1:6

Eno hino kikimiye ke: tiye ningu aghokulu shi pa zakütsüqo qholo xü nikeu ke. Nongu no abothu lono chiluve ketoi, pa zakütsü tiye nongu pelo kikimiye lono xüpe nikeu ke.

Piyeküsü 2:17

Aghungu no akukuhouqo vilo kiu piani keno chilu nishi kemiqo pelo chilu pelo. Khuu no tokuluu keno, I no manna küsüpüa keu khami pesü tsü nani. Tisheno I no itaghi atu miyetsüghoi keu lakhi lo aje kithé lakhi yèpuku no timi tipau tsü nani. Eno tiye timi khuu no tipau ithuluni keno pa likhi no ithi nani.

Piyeküsü 22:14

“Khuno no panow tiphiminiqo mithemighei aghíni keno panongu kümghae, tishianguno panongu ye khagho lono Akimthe Mishighüna lo ilolu no aküxüpu süboqo lono axathi chulu nikeu chipiu anani.

Piyeküsü 3:20

Julo! I no ahukikha lo puthugho no kukhu cheni. Khukhumu I sütsa chilu no ahukikha khaqhi aye, I no iloghi no timi tipau gholo chu nani, eno panongu no I gholo chu nani.