John 14:13 - Sümi Tiqhelimi Bible

¹³ Eno nongu no I je lono kiu-kiumu khu keu I no shitsü nani, tishi keu hu no Anu vechewo Apù juküvüpu shipe niye ke.

BAIBEL (BSI)

¹³ Nonguno ijeku puzu kiu kiumu khuni keno ino shitsuni, tishikeu lono Anu vechewo Apu jepipilu penike.

Sumi Naga CL (Re-edited) Bible (BSI)

¹³ Nongu no I je lono kiu kiumu khukeu I no shitsü nani, tishikeu lono Anu vecheo Apu jekipipu shinani.

John 14:13 ပူးပေါင်းရင်းမြစ်များ

MATTHEW 21:22

Nongu no aküpülü aghí aye, akighini lono kiu-kiumu khu keu nongu no ti ithulu nanie.”

MATTHEW 7:7

“Khulo eno ti nongu tsü nani; phulo eno nongu no phulu nani; kukhulo eno O ghenguno ahukikha khaqhi tsü nani.”

Mark 11:24

Tighenguno I no nongu vilo pìní, nongu no akighini lono kiu-kiumu khu kelo tipau ithuluvea kepi pülülo, eno tipau hu nonguw shiluve nani.

Luke 11:9

“Tighenguno I no nongu vilo piani: Khulo eno ti nongu tsü nani; phulo eno nongu no phulu nani; kukhulo eno O ghenguno ahukikha khaqhi tsü nani.

John 10:30

Ni eno I pù ye lakhi ke.”

John 12:44

Tisheno Jisü no ighamuku pi, “Khukhumu I shou pülübeluve keu ye I shou likhi pülü anike kumoe, ikemu khuu I puwu keno pa shou pülü ani.

John 13:31

Kughou Judas no wuve keno Jisü no pi, “Itehi ye Timi Nu juküvüpu shiva eno pa vechewo Alhou juküvüpu shivae.

John 14:14

Nongu no I je lono kiu-kiu ghengumu khulu nani, eno I no tipau shitsü nani.

John 14:6

Jisü no khochile, “Ni ye alaghi eno kuchou, eno aküxü ke. I vechemo kelo ye timi khumu Apù lau ighi mülae.

John 15:16

Nongu no I kishelu ke kumoe, ikemu I no nongu kishelu eno nongu pelo wu no axathi ado kushuwa pithí chekeu pithipe niye süküsü shilu ke eno tishi keu vechewo nongu no I je lono kiu-kiumu khu aye I pù no nongu tsü nani.

John 15:7

Nongu no I gholo kimepe aye eno I tsaqo no nongu lolo aye, nongu no kiu-kiumu pulo keu khulo, eno nongu ghenguno tipau shitsü nani.

John 16:23

Tipau tsalà lo nongu ye I vilo kiumu injumove nani. Kuchou no I no nongu vilo pìní, nongu no I je lono kiu-kiumu khu aye I pù no nongu tsü nani.

John 16:26

Tipau tsalà lo nongu no I je lono khu nani. Tiye I no Apù vilo nongu züqhu shi khu nani ipi anike kumoe.

John 16:7

Ikemu kuchou no I no nongu vilo piani, I no wuve keu no nongu kivipu ke. I no wuvemo ke thaqhülo Shikumtokütsüu hu ye nongu lau ighimo nani; ikemu I no wu anguno, I no nongu lau pa puwu nani.

John 4:10

Jisü no li khochile, “Tsalá nono Alhou no tsü keu ghò ithi aghí eno khuu no O vilo azü khu ani keno pa ithi aghí ke aye, no ye pa vilo aküxüpu zü khuni cheke eno pano ti O tsüní cheke.”

John 4:14

ikemu khukhumu I no tsü keu zü ye kemi ye tüghüthi kithemo nani. I no azü panongu tsü keu hu no panongu lolo lhokta küxü zü qò ipeghi anani.”

John 5:19

Jisü no hitoi khokichile panongu tsü: “Kuchou no I no nongu vilo pìní, Anu ye pa likhi pa kutoshi kiumu shimlae; pa ye Papù no mülà keu kiu ithulu keno tilikhi shilu nani, kughengu Apù no kiu shi keno Anu ghí tipau shi cheni.

John 7:37

Tiqhitini pinedo ashekhau eno ajekipi tsalà lo, Jisü no puthugho no ighamuku pi, “Khukhumu tüghüthi kemi ye I lau ighino yelu pelo.

1 Kor. 14:13

Hi ghenguno timi khuu no amili kithé lono pi cheni keno panongu ye panongu no amili kithé lono piakeu pekililu penike ghenguno inikhu moayesa ke.

Ephesiami 2:18

Kughengu pa vechewo nongu ghí eno ni ghí Aghungu lakhi vechewo Apù lau wu kulupu shi cheni ke.

Ephesiami 3:12

Pa gholo xüküqha pe akeu ghenguno eno pa lau aküpülü akeu vechewo ningu ye ighümo no pülükibe shi Alhou lau wulu nani.

Ephesiami 3:14

Hipau ghenguno ni ye Apù Alhou gizülo qhoqhünhe acheni,

FILIPIAMI 4:13

Khristo no I shikumto tsü keu vechewo ni ye thowkha shikulupu küká anie.

Kolosiami 3:17

Eno nongu no kiu-kiu shimu, atsa lo na akümlà lo namu, Ampeu Jisü je vechewo Apù Alhou lau shikimthi tsü ghi thowkha kümtsü shilo.

IBRIMI 13:15

Tighenguno, ningu kichí lono ipeghi keu tsa pesü pa je shuphe ghi Jisü vechewo tamo no shekiqhe ghakishi pesü ningu Alhou müláni nolo.

IBRIMI 4:15

Kughengu ninguw achinetomiqo shou atou ye ninguw miqemilei keqo vethalu tsü cheni, kughengu ningu ghuju ketoi alaghi kümtsü lono pa ghí ghuju ke, tishi namu pa ye axiné shimoe.

IBRIMI 7:25

Tighenguno pa ye khunoqo no Alhou vechewo pa lau ighini keno panoqo kümtsü xaluve cheni ke, kughengu pa ye alhokuthu panongu ghenguno alakipi shitsü nike ghenguno xü acheni ke.

James 1:5

Tsalá nono alokütsü mikhe aghí aye, no ye Alhou khuu no kümtsü lau akipimí phumo no tsünishiqhiyi tsü cheni keno pa vilo khu moayesa, eno ti O tsü nani.

James 5:16

Tighenguno nongu xinéqo pesü lakhi no lakhi vilo piphe lo eno nongu ye viluve nike ghenguno lakhi no lakhi ghenguno akighini shilo. Amikuchomi kighini lo aküka kijè eno shikulupu anie.

1 Peter 2:5

Nongu ghí aküxüpu tuquqo toi akimthe chine kümlamì lakhi shi no aghungu xülo aghakishi kümlagho pe Jisü Khristo vechewo Alhou no ikhilu küzüpu shi mülá peniye aghungu lo ki lakhi gholo no nongu shiqhepuku anike.

1 John 3:22

eno ningu no kiu-kiumu khu kelo pa lau no ithulu nani, kughengu ningu no pa zakütsüqo pelu cheni eno kiu no pa pulou keno tishi cheni ke.

1 John 5:14

Alhou lau ighilu achekeu lo ningu ye pülükibe hipau ani: tiye ningu no pa pulou kiqi lono kiu-kiumu khu aye, pa no chilutsü cheni.