John 14:12 - Sümi Tiqhelimi Bible

¹² Kuchou no I no nongu vilo pìní, khukhumu I shou pülü kemi ye I no shi chekeu kümlàqo shi nani, eno panongu ye hipaqo nguno akijeu kümlà ghí shi nani, kughengu ni ye Apù lau wucheni ke.

BAIBEL (BSI)

¹² Kuchouno ino nongu vilo pini, khunono ipuluni keno paye ino mlakeu kumla ghi mlalu nani, eno ino Apu lau wuniake ghenguno paye hipaqo kumla nguno akumla kije mlalukha nani.

Sumi Naga CL (Re-edited) Bible (BSI)

¹² “Kuchou no I no nongu vilo piani, khunono I pülüni keno pa ye I no mlakeu kümlaqo shinani; eno ni ye Apu lau wuchea kehu pa no hinguno akijeu mla nani.

John 14:12 ပူးပေါင်းရင်းမြစ်များ

MATTHEW 21:21

Jisü no khochile, “Kuchou no I no nongu vilo pìní, tsalá nongu no lipimo no aküpülü aghí aye, nongu no mububo shou kiu shive keno tilikhi kumo, ikemu nongu no naghuto hipau vilo, ‘wuvelo, O pesü azüghi lo vesüve lo,’ ipi aye tishive nani.

Mark 11:13

Putou no pishipuwo mububo anipa minibobo shi aghí keu ithulu, ikehu pa no axathi lakhimu pithí ani keo mokeno ju niye wue. Ikemu mubuthiqo pithí keu ghuloki kumo kehu kughou pa no tile ighi keno lakhimu pithí aghimo eno anipaqo likhi aghí keu ithulue.

Mark 16:17

Eno khuno no pülübeni keno amichipu hipaqo pano gholo anani: I je lono panongu no tüghaküsaqo haphelu nani; panongu no amili kithé lono pi nani,

John 14:28

“Nongu no I no ishi pikeu chiluvae, ‘Ni ye wuchea eno ni ye nongu lau ideighi nani.’ Nongu no I kimiye cheghi aye nongu ye I no Apù lau wuche keu lo alovi nani kughengu Apù ye I nguno akijeu ke.

John 16:7

Ikemu kuchou no I no nongu vilo piani, I no wuve keu no nongu kivipu ke. I no wuvemo ke thaqhülo Shikumtokütsüu hu ye nongu lau ighimo nani; ikemu I no wu anguno, I no nongu lau pa puwu nani.

John 4:37

Ikehu aholetsa, ‘Lakhi no vesü eno kütami no ghile hu cheni,’ ipikeu ye kuchou ke.

John 5:20

Kughengu Apù no Anu kimiye cheni eno pa no mülà keu kümtsü Anu pìye cheni. Iye, eno pa ye hinguno akümlà kijè alau Anu pìye nani, tishianguno nongu pelo akümzaqhiyive pe nani ke.

John 7:33

Jisü no pi, “Ni ye ado ikhonhei nongu gholo anani, eno tisheno ni ye I puwu keu lau wuve nani.

John 7:39

Pa no hipau pikeu kiqi ye kutou pa pülü kemiqo no Aghungu ithulu niye shi akeu tsa ke. Jisü ye ajuküvü lono xüputhumo no ake ghenguno tipau do kutólo ye Aghungu tsümo no ae.

Apostolmi 10:46

Kughengu panongu mili lono pi aghí keu eno Alhou sheqhe aghí keu panongu no chilu ke. Tile Peter no pi,

Apostolmi 16:18

Li no ghulo atsütsǜ hitoi shiauve. Ikehu Paul ye azüzüve no tsüghüwo aghawu vilo pi, “Jisü Khristo je lono O pelo li qhive no ipeve penike I no azah O tsü anie!” Tipa mtsa aghawu no li qhive no wuve.

Apostolmi 19:12

tiye pa bulu keu tiphimini eno aküghüsüpu phì kutólo pesü wu no küsükinimi eno tüghaküsa ghawu akemi lau peighi aye aküsǜ jeliqo viluve eno tüghaküsaqo no panongu qhive no pove ke.

Apostolmi 2:33

Pa süqhe pesü Alhou u ajeu qhi eno Apù lau no tushoqhi püakeu toi Aghungu Kimthe ithulu püzü nongu no itehi ithulu eno chilu akeu toi lepuku tsüke.

Apostolmi 2:41

Pa kükütsü sütsa ikhilu kemiqo ye baptiz shiluve, eno tipau tsalà lo timi 3,000 qhalo panongu gholo kihiküsü shiluve.

Apostolmi 4:16

Panongu dolo ishi iniju ae, “Ningu ye timi hi pama pesü kiu shiveni kea? Jerusalem lo xüküami kümtsü no pama no paküta keu amichipu kümlà shive keu ithivae, eno ningu ye tipau lachileve mülae.

Apostolmi 4:33

Apostolmiqo no aküka kumto lono tamo no Ampeu Jisü xülethughive keu shepe shi. Eno Alhou’w küpükini no ighono akumto shi panongu kümtsü gholo akümlà shikeu

Apostolmi 4:4

Ikemu timi khunoqo no akükütsü sütsa chilu keno pülüluve; ikehu pülüluve kemi kikihi ye qhethonhe pungu kutólo ikughive.

Apostolmi 5:15

Tishikehu, Peter no vechesü wuche kelo phimpi yekükhü likhimu küsükinimi khami shou ikughilu peniye timiqo no küsükinimiqo sasü ighino alaghila mükü lo alipa eno ayephuqo lo püzü pe qhike.

Apostolmi 6:7

Ikehu Alhou tsa ye veküpha wove. Jerusalem lo paikhavi lono küpülümi kikihi alau shi iko wove, eno Jewmi achinemi kutomo no atsakiviu gholuve no küpülümi shiluve.

Apostolmi 8:7

Kughengu mithekumo ghungu no ighamuku ghi timi kutomo phi lono ipeghi, eno aphimpi ithamlave kemi ngò apukhu kinitave kemi kutomo shipivi ke.

Apostolmi 9:34

Peter no pa vilo ishi pi, “Aeneas, Jisü Khristo no O shipivi anie. Ithu no O züa liküzüluve lo.” Aeneas ye paikhavi ithuve.

Apostolmi 9:40

Peter no panongu kümtsü achebo lono khalau ipeve pe; tisheno pa no qhoqhünhe no inikhu. Pa no thive keu totimi küdau tsüghǜ ighi püzü ishi pi, “Tabitha, ithuvelo.” Li no anhethi tsükhove, eno pishipuwo Peter ithulu kelo, li no ithu iqave.

Rommi 15:19

Panongu ye amichipu ngo akümzapu küká eno Alhou Ghungu küká vechewo pütsaqhilu ke. Ike Jerusalem lono homüxa süsü Illyricum kutólo ni ye Khristo tsakiviu kümtsü pe asheshuvae.