John 14:10 - Sümi Tiqhelimi Bible

¹⁰ Ni ye Apù lolo ani eno Apù ye I lolo ani kepi no ye pülü chemo keshea? I no nongu vilo pichekeqo tsa ye I likhi iw kükagha lono pichemoe. Ikemu tiye Apù I lolo xü akeu hu no pa kümlà shi anike.

BAIBEL (BSI)

¹⁰ Niye Apu lolo ani eno Apuh ye ilolo ani kepi noye pulu chemo kesha? Ino nongu vilo kiu picheni keno tiye igho-apulou lono kumo ikemu Apu ilolo achekeu huno pa kumla shichenie.

Sumi Naga CL (Re-edited) Bible (BSI)

¹⁰ Ni ye Apu lolo ani eno Apu no I lolo ani kepi no ye pülü chemo keshea? I no nongu vilo pi akeu tsa ye I gho-apulou lono kumoe ikemu Apu I lolo achekeu no Pa kümla shi anike.

John 14:10 ပူးပေါင်းရင်းမြစ်များ

John 10:30

Ni eno I pù ye lakhi ke.”

John 10:38

Ikemu tsalá I no tipaqo shi aye nongu no I pülümo namu akümlàqo pülülo, tishianguno nongu no Apù no I lolo akeu eno I no Apù lolo akeu ithi no vethalu nani ke.”

John 11:26

eno khukhumu I pülü keu vechewo xüni keno khilemu thivemo nani. No ye hipau pülü anima?”

John 12:49

Kughengu ni ye I likhi I ghò shi pichemoe, ikemu I no piakeu kümtsü Apù khuu I puwu keno pa no I vilo pilo pi azah tsüve keu ke.

John 14:11

Kughou I no ni ye Apù lolo ani eno Apù ye I lolo ani ipini keno I pülülo; tikumo aye akümlà shipe pìye keqo vechewomu kuchou kepi pülülo.

John 14:20

Tipau tsalà lo nongu no ni ye I pù lolo ani, eno nongu ye I lolo ani eno ni ye nongu lolo ani kepi vethalu nani.

John 14:24

I kimiyemo kemiqo I kükütsüqo ikhilumo nani. Nongu no chilu akeu tsa hipaqo ye I tsa kumoe; tipaqo ye I pù khuu I puwu keno paw ke.

John 17:8

Kughengu nono I tsü keu tsaqo panoqo tsüke eno panongu no tipaqo ikhilue. Panongu ye mütsüqhei no ni ye O lau no ighi kepi ithi ani, eno panongu ye nono I puwu kepi pülüluve ake.

John 3:2

Pa no putho lono Jisü lau ighino ishi pi, “Rabbi, no ye Alhou lau no ighi keu kükütsümi lakhi kepi ningu ye ithi anie. Kughengu Alhou no timi lakhi gholo aghimo ke aye nono amichipuqo shi akeu ye khilemu shimlae.”

John 5:17

Pa süsho ghi Jisü no panongu vilo pi, “I pù ye ishí tsalà kutólo tamo no pa kümlà shi achenie, eno ni ghí mülà anie.”

John 5:19

Jisü no hitoi khokichile panongu tsü: “Kuchou no I no nongu vilo pìní, Anu ye pa likhi pa kutoshi kiumu shimlae; pa ye Papù no mülà keu kiu ithulu keno tilikhi shilu nani, kughengu Apù no kiu shi keno Anu ghí tipau shi cheni.

John 7:16

Jisü no khochile, “Iw shiküka ye I likhi iw kumo ke. Hiye I puwu keu lau no ighike.

John 8:28

Ike Jisü no pi, “Nongu no Timi Nu pesü kros lo pepukuve kethiu no nongu no ni ye pa kepi ithi nani eno ni ye I likhi I kutoshi ye kiumu shichemo kemu Apù no kiu I shika keno ti pi cheni kepi ithi nani.

John 8:38

Ni ye nongu vilo I pù küa lono kiu ithulu keno ti pi anie, eno nongu ye nongu papù lau no kiu chilu keno tishi anie.”

John 8:40

Ikemu nongu ye I pìthíve nike ghenguno alaghi phu chenie. Ni ye Alhou lau no kuchou tsa chilu keu pesü nongu vilo pi cheni ke. Abraham ye hitoi keu kümlà shipüamoe.

Apostolmi 10:38

Nongu ye Alhou no kíshi Nazareth nó ghami Jisü shou Aghungu Kimthe eno aküka vechewo nukishelu keno ithi ani. Jisü no akümlà kivi shisü iqho-iqi eno tüghami küká lo qhasü pe akemi kümtsü shipivi ke, kughengu Alhou no pa gholo ae.

2 Kor. 5:19

Ike tiye hike, Alhou no timiqo ghimeqhi nike ghenguno axiné kihikülai tsü keu shimo no Khristo vechewo ayeghilomi sasü külashilu ke. Eno pa no külashilu keu kükütsü sütsa pesü ningu lau pichetsüke.

Kolosiami 1:19

Kughengu Alhou ye pa lhoaye kuchopu pesü Khristo lolo ngo nikeu lo amlokiqi shike.

Kolosiami 2:9

Kughengu Alhou lhoaye kuchopu kupukülai shi Khristo phimpi lo anike,

1 John 5:7

Kughengu thopi shi chekeu küthü ani: