John 13:3 - Sümi Tiqhelimi Bible

³ Jisü ye Apù no thime kümtsü pa küká qholo qhipüani kepi ithi ake, eno pa ye Alhou lau no ighi eno Alhou lau idechile wucheni kepi ithi ake;

BAIBEL (BSI)

³ Apuh no akuka kumtsu Jisu ulo suvetsukeu Jisu no ithi ae eno paye Alhou launo ighi eno Alhou lau wuveni cheni kepi pano ithi ae.

Sumi Naga CL (Re-edited) Bible (BSI)

³ Apu no thokha Jisü u lo süve tsükeu, eno pa ye Alhou launo ighi no Alhou lau wuveni chenie pikeu pa no ithi akehu,

John 13:3 ပူးပေါင်းရင်းမြစ်များ

MATTHEW 11:27

“I pù no thowkha kümtsü pesü I pichevetsüae. Apù nguno alau ye khumu Anu mthae, eno Anu nguno alau ye khunomu Apù mthae eno khunoqo lau Anu no Apù pephe-piye nike no tipaqo likhi no ithi cheni.

MATTHEW 28:18

Ikelo Jisü no panongu lau ighino pi, “Kungugha lo eno ayeghi lo kükagha kümtsü pesü I tsüvae.

Luke 10:22

“I pù no thowkha kümtsü pesü I pichevetsüae. Apù nguno alau ye khumu Anu mthae, eno Anu nguno alau ye khunomu Apù mthae eno khunoqo lau Anu no Apù pephe-piye nike no tipaqo likhi no ithi cheni.”

John 1:18

Khunomu Alhou ithumla aphie, ikemu Apù ye Anu lakhi likhi akeu lau pa pephe-piyevae, Anu ye Alhou ke eno pa ye Apù sasü kupunukhoi kütshükime pe acheni.

John 13:1

Hechekulu ghulhu Tiqhitini shi niye akeu zülo Jisü ye ayeghi hipau qhive no Apù lau wuve nikeu do ighivea kepi ithi ae. Pa ye ayeghi lo pa pülü chekemiqo kimiye ke eno ashekha kutólo panoqo kimiye ke.

John 17:2

Kughengu nono timiqo kümtsü shou kükagha puloza pesü pa tsüke eno pa pelo lhokta küxü pesü nono pa tsüke miqo kümtsü lau tsülu peniye ke.

John 3:13

Kungugha lono ighi keu Timi Nu hu kumo aye khunomu kungugha lo wuju mphie.

John 3:35

Apù ye Anu kimiye cheni eno thowkha kümtsü pa u lo sǘvetsüae.

John 7:29

ikemu ni ye pa ithi ani kughengu ni ye pa lau no ighi eno pa no I puwu ke.”

John 7:33

Jisü no pi, “Ni ye ado ikhonhei nongu gholo anani, eno tisheno ni ye I puwu keu lau wuve nani.

John 8:14

Jisü no khochile, “I no I likhi I züqhu shi thopi shi aghimu iw thopi ye peithakulupu ke, kughengu ni ye khilau no ighi eno khila wu niye shi ani keno I no ithi anie. Ikemu ni ye khilau no ighi momu khila wucheni keno nongu ye khumu mthae.

John 8:42

Jisü no panongu vilo pi, “Tsalá Alhou no nongu papù shi aghí aye nongu ye I kimiyeni cheke, kughengu ni ye Alhou lau no hilehi ighike. Ni ye I likhi I kutoshi ighimoe; Alhou no I puwu ke.

Apostolmi 2:36

“Tighenguno Israelmi kümtsü no hipau mütsüqheilu lo: Jisü khuu nongu no yedave keno, Alhou no pa pesü Ampeu eno Messiah kinikujo shive tsüae.”

1 Kor. 15:27

Kughengu Kuchoyesü no pikeu toi, “Alhou no thowkha kümtsü pesü pa pukhu qholo qhivetsü ake.” Ike kughou “thowkha kümtsü” pa qholo qhivetsü ipi keno, tiye mütsümishei no Alhou khuu thowkha kümtsü Khristo qholo qhivetsü keno pa ampi ye kihisü amoe.

IBRIMI 1:2

ikemu hi ashekha tsalaqo lo ye pa ye pa Nu, khuu thime kümtsü mheghi kiyighiu shipe niye pa no süküsü shi, eno khuu vechewo pa no ayeghiqha lhosü keno, pa vechewo ningu pütsa ke.