John 13:14 - Sümi Tiqhelimi Bible

¹⁴ Itehi ye ni, nongu Mpeu eno Kükütsüu, no nongu pukhu qhuvetsü ake, nongu ghí lakhi no lakhi pukhu qhutsü moayesae.

BAIBEL (BSI)

¹⁴ Tishiaye, ni nongu Mpeu eno nongu Kukutsuuno nongu pukhu qhutsu aye, nongu ghi lakhino lakhi pukhu qhutsu kepue.

Sumi Naga CL (Re-edited) Bible (BSI)

¹⁴ Imaye ni, nongu Mpeu eno nongu Kükütsüu no nongu pukhu qhutsü aye, nongu ghi lakhino lakhi pukhu qhutsü kepue.

John 13:14 ပူးပေါင်းရင်းမြစ်များ

John 11:2

(Mary hipau ye tsüngqüi keu thazü pesü Jisü shou lepuku püzü li sà pesü pa pukhu isüve tsü keu hu ke, ike li pèu Lazarus ye sǜ akehu ihozü ae.)

Apostolmi 20:35

I no shikeu kümtsü lo shishe aghime shi mülà püzü miqemilei kemi kuphu moayesae ipi nongu pìye ke, eno Ampeu Jisü ampi no hitoi pipüa keu tsa kümsülu akepue, ‘Tsü keu no lu keu nguno akümghapue.’ ”

Rommi 12:10

Athiküzümi kimiyekilé ketoi nongu lakhi no lakhi kimiyekilé lo. O nguno akiqheu shi lakhi no lakhi gihu kilé lo.

Rommi 12:16

Lakhi no lakhi sasü kuloniküghüvüi shi xülo. Aqheküza shi kevilo, ikemu chuninei xüche kemiqo sasü kuloji nikeu lo puloniqhiyi shilo. Khilemu nono thowkha ithi akeu shi kevilo.

1 Kor. 12:3

Tighenguno I no nongu pelo ithi penishi akeu ye khukhumu Alhou Ghungu vechewo piche kemi ye, “Jisü ye müsüinivea,” kepi pimo nani, eno Aghungu Kimthe vechewo likhi no kumo aye khunomu, “Jisü ye Ampeu,” kepi pimla nani.

1 Kor. 8:13

Tighenguno, I no kiu chu cheni keno tino I thiküzümi momu I chelimi pelo axiné lo ikiqi ilove pe aghí aye, ni ye khilemu akiniù ashi chumae, tishianguno I vechewo panongu pelo ikiqive pemo nike.

2 Kor. 10:1

Khristo kümtsha küghüvü vechewo ni Paul khuu nongu gholo agi kinheqhi no kusholu kelo kujo-kighiyi cheni kemu kughou putosüveni keno amlo kumto shi chekeu hu no nongu qhüiniju ani.

2 Kor. 8:9

Kughengu nongu no ningu Mpeu Jisü Khristo’w küpükini ithi anike. Pa ye kiními shi anamu nongu ghengu kumlhomi shive ke, tishi keu lono pa thokha vechewo nongu pelo kiními shilu peniye ke.

Galatiami 5:13

I thiküzümi eno I chelimiqo, nongu ye kuqhopheve keu küxü xüpe niye kulù ke. Ikemu nongu ye kuqhophevea kepi tino ajekukivi shive no timi lhoaye pulou lo chhosü wuve kevilo; tishini ke züqhulo kikimiye vechewo akuchunu shi püzü nongu lakhi no lakhi qe lo.

FILIPIAMI 2:11

eno Apù Alhou juküvü shi ghi timi kümtsü no Jisü Khristo ye Ampeu kepi ikhilu no asheshu nani.

1 Tim. 5:10

eno li kümlà kivi ghenguno ajekipi shikemi. Akümlà kiviqo ye anuliqo saputhu keu, sasükini shikeu, Ampeu’w timiqo pukhu qhutsü keu, aveküsa shi akemi kuphu keu eno akümlà kivi jeliqo kümtsü lo amlo tsü keu ke.

IBRIMI 12:2

eno Jisü amsüu eno aküpülü kupukülai kütsüu shou ningu nhethi süküqümo no juni nolo. Alokiqi pa zülo qhipüatsü keu ghenguno pa ye kros kukujo phitsümo no kutuuluve eno Alhou küká lakhü lo au ajeu küdau iqave ke.

1 Peter 4:1

Tighenguno, Khristo ye pa phimpi lo imeve ake ghenguno, nongu ghí titoi keu kükümsü athoshi pulo, kughengu khukhumu aphimpi lono ime keu ye axiné shichemoe.

1 Peter 5:5

Tipau tho lono, nongu khunoqo no alhothe shi ani keno, nonguw kichimiqo lau aghokulu shilo. Nongu kümtsü lakhi no lakhi lau aqhokigheu shilo, kughengu, “Alhou ye aqheküzami lachile cheni ikemu aqhokighemi kümgha tsü cheni.”