John 13:1 - Sümi Tiqhelimi Bible

¹ Hechekulu ghulhu Tiqhitini shi niye akeu zülo Jisü ye ayeghi hipau qhive no Apù lau wuve nikeu do ighivea kepi ithi ae. Pa ye ayeghi lo pa pülü chekemiqo kimiye ke eno ashekha kutólo panoqo kimiye ke.

BAIBEL (BSI)

¹ Hiye Hechekulu Ghulhu zuloke. Jisu no paye ayeghiqha hipau qhiveno Apuh lau wuvenikeu tuqhudo tovekeu ithive! Ayeghiqhalo khunoqono pawu keno pano pulhapuju tipaqo kimiye che, eno pano ashekha kutolo panoqo kimiyeche.

Sumi Naga CL (Re-edited) Bible (BSI)

¹ Hechekulu Ghulhu zülo Jisü no hipa yeghi qhive no Apu lau wuveni keu tüqhüdo tove keu ithive kelo, pa no ayeghi lo paw shive keqo kimiye chekehu ashekha kutolo panoqo kimiye.

John 13:1 ပူးပေါင်းရင်းမြစ်များ

MATTHEW 26:45

Tisheno pa ye akhopemi pano küthü lau ideighi eno ishi pi, “Nongu ye itehi kutólo akulhoqhi zü aphi keshea? Julo, ado hu ye ighivae eno Timi Nu ye axinemiqo u lo phesüve tsüae.

MATTHEW 28:20

eno I no azah nongu tsüve keu kümtsü papelu penike panongu kütsü tsülo. Eno ni ye kuchou no, ashekha ghuloki kutólo pülhapuju nongu sasü ache nani.”

Luke 22:53

Ni ye nongu gholo tsalà kipetsü achineki khalau achemu nongu lakhimu I shou au bupukumoe. Ikemu hipau tüqhüdo ye nonguw ke tiye àküzǘ no ka nikeu ke.”

Luke 9:51

Kungugha lo Jisü saikuve kepu do kupunú woche kelo, pa no pa kükümsü ighomo no Jerusalem lo wuni keu shi.

John 11:55

Kughou Jewmi Hechekulu ghulhu do kupunú ighive keno, timi kutomo no Hechekulu ghulhu züu no chine-chini kiqi lono shikimthe nike ghenguno hokümxaqo lono Jerusalem lo iqhoe.

John 12:23

Ikelo Jisü no khochile, “Timi nu juküvüpu shini keu tüqhüdo ighivae.

John 13:29

Kughengu Judas no pisa jukütsü che kehu, khami no kümsü keu no Jisü ye pa vilo tiqhitini lo kiu avehupu shi nani momu kiuala pesü kumlhomiqo tsü nike qhü lo piani küghashive ke.

John 13:3

Jisü ye Apù no thime kümtsü pa küká qholo qhipüani kepi ithi ake, eno pa ye Alhou lau no ighi eno Alhou lau idechile wucheni kepi ithi ake;

John 13:34

“I no azakütsü kithé nongu tsü ani: Lakhi no lakhi kimiye lo. I no nongu kimiye ketoi, nongu ghí lakhi no lakhi kimiye moayesae.

John 14:28

“Nongu no I no ishi pikeu chiluvae, ‘Ni ye wuchea eno ni ye nongu lau ideighi nani.’ Nongu no I kimiye cheghi aye nongu ye I no Apù lau wuche keu lo alovi nani kughengu Apù ye I nguno akijeu ke.

John 14:31

ikemu pa no ighi keu ye ayeghiqha pelo I no Apù kimiye chekeu eno I pù no azakütsü I tsüke toi shikupulu keu ithi peniye ke. “Itehi shilo; ningu wuvenie.

John 16:28

Ni ye Apù lau no ayeghi lo ighike; ni ye itehi ye ayeghi qhive no Apù lau idewove cheae.”

John 17:1

Jisü no hipau pive kethiu pa no kungugha küdau jupuku no inikhu: “Apùo, ado hu ye ighivae. O Nu juküvü shitsülo, tishianguno O Nu pelo O juküvü shi tsülu pe kepu shi.

John 17:16

I no ayeghi laumi kumo ketoi panongu ghí ayeghi laumi kumovae.

John 17:26

I no panongu pelo O je ithivepe ae, eno tamo no no ithi ape nani tishianguno nono kikimiye I ghenguno akeu toi panongu lolo apenike, eno ni ampi no panongu lolo ape niye ke.”

John 17:5

Ike itehi ye, Apùo, ayeghi lho mphi züu O gholo I juküvü achekeu pe O zülo no I juküvü shitsülo.

John 18:4

Jisü ye pa shou kiu shive niye akeno kümtsü ithi akeghi wu no panongu vilo ishi iniju, “Nongu ye khuu avehupu shi ani kea?”

John 19:28

Tithiu, Jisü ye thowkha kümtsü shikupuve keu ithive eno Kuchoyesü shikupu nike ghenguno, “Ni ye tüghüthi anie,” ipi.

John 2:13

Kughou Jewmi Hechekulu ghulhu do kupunúve keno, Jisü no Jerusalem lo iqho.

John 6:4

Jewmi Hechekulu ghulhu Tiqhitini ye kupunukhoi ake.

John 7:30

Tishi akelo panongu no Jisü kügha niye shi, ikemu pa do ighimo no ake ghenguno timi lakhimu pa shou au bepukumoe.

John 7:6

Tighenguno Jisü no panongu vilo pi, “I do ye ighi mphie; nongu ghengu ye kiu-kiu do shi aghimu achipi ke.

John 8:20

Atsa hipaqo ye achineki khala lo akümlaghoqo süche keu phivilo kütsü ake lono pikeqo ke. Ikemu pa do ighimo no akehu timi khumu pa küghamoe.

Rommi 8:37

Moe! hi kümtsü lo Khristo khuu ningu kimiye cheni keno pa vechewo ningu ye tokulumiqo nguno akiqheu ke.

1 Kor. 1:8

Pa no ashekha kutólo ghí nongu pelo mutotoilu pe nani, tishianguno nongu pelo ningu Mpeu Jisü Khristo tsalà ighi kelo tukutiye küha no aghí peniye ke.

IBRIMI 3:14

Kuchou lo ye ningu no atüghi lo pülütoilu keu hu ashekha kutólo ithamo no tsüqüpe aye ningu ye Khristo gholo küsaje niye ighiluvea ke.

IBRIMI 3:6

Ikemu Khristo ye Anu lakhi kehu Alhou kibolomi shou ghí pükhübekulu shike. Ningu no ninguw pülükibe eno ningu no ajuküvü shi achekeu shou lajupu qhi akeu lo ithamo no tsüqüpe aye mütsüqhei no ningu ye pa kibolomi ke.

IBRIMI 6:11

Ningu ye nongu lakhi-khi pelo ashekha kutólo hitoi azükini pìye penishi ani, tishianguno nongu no kiu laju ani keno tipau kuchopu ithilu peniye ke.

1 Peter 1:13

Tighenguno kutokughoi eno tsükhütsüvai keu kükümsü xapusü nonguw lajupu kuchopu pe Jisü Khristo pephe-piye ghi ighi kelo küpükini süghi niye akeu shou belo.

1 John 4:19

Ningu ye pa no atüghishi ningu kimiye keu ghenguno kimiye cheni.