John 12:25 - Sümi Tiqhelimi Bible

²⁵ Khukhumu pano küxü kimiye keu ye pühave nani, ikemu khukhumu ayeghi hipau lo pano küxü mithive aye lhokta küxü ananie.

BAIBEL (BSI)

²⁵ Khunono pa likhi pa kuxu kupu nikeno tipau puhave nani; khunono ayeghi hipaulo pa kuxu kupumo nikeno lhokta kuxu ghenguno tipau pekutsulu nani.

Sumi Naga CL (Re-edited) Bible (BSI)

²⁵ Khunono pa küxü küpüni keno pühave cheni, khunono hipa yeghi lo pa küxü küpü moni keno lhokta küxü ghenguno pekütsü tsünani.

John 12:25 ပူးပေါင်းရင်းမြစ်များ

MATTHEW 10:39

Khuno no pano küxü phuluni keno pühave nani, eno khunoqo no I ghenguno pano küxü tsüveni keno xaluve nani.

MATTHEW 16:25

Kughengu khuno no pano likhi pano küxü süsho nishi cheni keno pühave nani, ikemu khuno no aküxü ikhiphe pe I ghenguno tsüveni keno xaluve nani.

MATTHEW 19:29

Eno I je ghenguno aki-alu, athiküzümi momu achelimi, apù momu azá, anipu momu anuliqo qhive kemi kümtsü ghuthu aqhe no küghüsü ithulu nani eno lhokta küxü ighílu nani.

Mark 8:35

Kughengu khuno no pano likhi pano küxü süsho nishi cheni keno pühave nani, ikemu khuno no aküxü ikhiphe pe ni eno atsakiviu ghenguno tsüveni keno xaluve nani.

Luke 14:26

“Khukhumu I lau ighi püzü papù eno azá, pa nipu nuliqo, pa thiküzümi eno achelimiqo, eno iyei, pa likhi pa küxü kutólo milivemo aye, titoi kemi ye I papemi shimlae.

Luke 17:33

Khuno no pano likhi pano küxü süsho niye pükapütsa cheni keno pühave nani; khuno no pano küxü tsüveni keno xaluve nani.

Apostolmi 20:24

Tishimu I ghengu ye I küxü pesü ameküa shi kümsü chemoe, I kimiji ye Alhou’w küpükini tsakiviu pesü ashepe shini keu kümlapù saje khikhi Ampeu Jisü no I tsü keno tipau mülà kupuve no ashetove niye po cheni.

Apostolmi 21:13

Ikelo Paul no khochile, “Nongu ye kushiye anhezü-piji eno I mlo shikighimeve tsü ani kea? Ni ye I tsüghaluve pe keu likhi kumo püzü Jerusalem lo Ampeu Jisü je ghenguno thiveni ke kutò pe anie.”

IBRIMI 11:35

Totimiqo pelo pano kibolomi thive kemiqo itaghi aküxü lo xüputhuve keu ithulu pe ke. Kütamiqo ye ghimeqhi ake, eno panongu ye kuqhopheve nikeu lo milive ke tishianguno panongu ye tinguno akiviu xülekuthu hu ithulu kepu shipe niye ke.

Piyeküsü 12:11

Panongu no pa shou toluvae tiye Ambeti jì vechewo eno panongu no kuchou shepe tsa pikeu vechewo no ke; panongu ye ighono panongu küxü kimiyemo ke eno panongu ye thive nikeu kutólo msàmo ke.