John 11:51 - Sümi Tiqhelimi Bible

⁵¹ Pa ye pa kutoshi no atsa hipau pimoe, ikemu pa no tipau mpe lo achinetomiqo shou atou shi ake lono Jisü ye Jewmi shiye ghenguno thive nani kepi tungkuptsa kütüghütsü ke,

BAIBEL (BSI)

⁵¹ Hiye pa likhi pa kutoshino pikeuke kumoe, ikemu tipa mipelo Achinemi gholo Akijeu kehu Jisu ye pano shiayeh ghenguno thimasa kepi pano tungkupu-tsa pike,

Sumi Naga CL (Re-edited) Bible (BSI)

⁵¹ Hi ye pa kutoshino pike kumoe, ikemu tipa mpe lo achinetou shi akehu pa no Jisü ye shiye ghenguno thive nani kepi tungkuptsa pi,

John 11:51 ပူးပေါင်းရင်းမြစ်များ

MATTHEW 20:28

kughengu Timi Nu ghí kütami pelo pa qe peniye ighike kumoe, ikemu kütami qe niye ighike, eno pa küxü pesü tsü no timi kutomo xaphelu niye ighike.”

John 10:15

tiye I pù no ni ithi eno I no I pù ithi akeu toi ke—eno I no ambeqo ghenguno I küxü tsüve cheni.

John 11:49

Ikelo panongu gholo Caiaphas ipikeu khuu tipau mpe lo achinetomiqo shou atou shi akeno, pa no ishi pi ipeghi, “Nongu ye kiumu ithi amoe!

John 18:13

atüghishi Annas lau saighi. Annas ye tipau mpe lo achinetomiqo shou atou shi ake eno Caiaphas ye pangu ke.

1 Kor. 13:2

Ni ye tungkuptsa pikulupu ghò aghiluvi eno akümzapu tuqhou jeli ngò akighithi kümtsü ithikutolu aghiluvi, eno ni ye naghuto tukiqeve kulupu küpülü aghiluvi, ikemu kikimiye küha aye ni ye kiumu kumoe.

2 Kor. 5:21

Khristo ye axiné kühae, ikemu Alhou no pa pesü ningu ghenguno axinemi kughulhove tsüke, tishi keu lono ningu pelo pa gholo küqha pe akeu vechewo Alhou’w achipiumikucho küsajelu peniye ke.

Galatiami 3:13

Khristo no ningu züqhu shi angsü puluve keu vechewo pa no ayeza ngusü lono ningu xachilelu ke, kughengu ishi yèpüani: “Timi khuu no kros lono tshüqhi thiveni keno pa ye müsüinivae.”

1 Peter 2:24

Khristo ampi no kros lono “Pa phimpi no ningu xinéqo puluve tsüke,” tishi keu vechewo ningu pelo axiné lo ye thive no achipiumikucho ghenguno xüpe niye ke; “Pa zakuqo vechewo nongu ye shipivi luvae.”

1 Peter 3:18

Kughengu Khristo ghí Alhou lau ningu saighi nike axiné ghenguno ghuthukhavi no kümtsü ghenguno imeve ke, amikuchou no amikucho kumomi ghenguno thive ke. Pa phimpi ye pìthíve ke ikemu Aghungu lono xüputhuveke.

1 John 2:2

Pa ye ningu xinéqo ghenguno aghakishiu ke, eno ningu ghengu likhi no kumoe ikemu ayeghiqha kümtsü xinéqo ghenguno ghí ke.