John 10:3 - Sümi Tiqhelimi Bible

³ Khagho kheu no pa ghenguno khagho khaqhi tsü cheni, eno ambe no pa sütsa ini cheni. Pa no ajeku ghí pa mbeqo ku püzü panoqo sasü khalau ipe cheni.

BAIBEL (BSI)

³ Pa pelo ilopeniye khagho kheuno khaqhitsu cheni; bherino pa sutsa chilu cheni, pano pawu bheriqo aje pighi kucheni eno khalau sawu cheni.

Sumi Naga CL (Re-edited) Bible (BSI)

³ Khagho kheu no pa khaqhisü cheni. Ambeqo no pa sütsa chilu cheni eno pa no pa mbeqo aje pi ghi kucheni eno khalau sawu cheni.

John 10:3 ပူးပေါင်းရင်းမြစ်များ

John 10:14

“Ni ye ambe kheu kiviu ke; I no I mbeqo ithi ani eno I mbeqo no ni ithi ani—

John 10:16

Ni ye khaküthabo hilehi küha keu ambe kütauqo anie. Ni ye panongu ghí süghi moayesa ani. Panongu ghí I sütsa ini nani, eno tilehi ye ambe loji lakhi ngò ambe kheu lakhi anani.

John 10:4

Kughou pa no paw ambeqo kümtsü khalau sasü ipeghiveni keno, pa no panoqo züu shi no wucheni, eno paw ambeqo no pa pape cheni kughengu panoqo no pa sütsa ithi anike.

John 10:9

Ni ye khagho ke; khukhumu I vechesü ilo kemi ye sükusho anani. Panongu no iloghi eno ipeve anani eno atsüni kümtsha phulu nani.

John 6:37

I pù no I tsüke miqo kümtsü I lau ighi nani, eno ni ye I lau ighi kemiqo ye khilemu hapuwuvemo nani.

John 6:45

Tungkupu kakuqo lo ishi yèpüani: ‘Panongu kümtsü Alhou no shika nani.’ Apù tsa chilu kemi eno pa lau no shikalu kemi kümtsü I lau ighi cheni.

Rommi 8:30

Eno khunoqo azüu no kughuchho pe qhive keno, pa no panoqo ghí kulùve; pa no khunoqo kulùve keno, panoqo pelo no ghí achipikaluve pe: pa no khunoqo achipikaluve pe keno, panoqo pelo no ghí pa kimthe juküvü küsajelu pe ke.

1 Kor. 16:9

kughengu alá shikulupu kümlà shilu penike ghenguno I lau ahukikha kijè lakhi khaqhive tsüae, eno tilehi I lachile kemi kutomo ani.

FILIPIAMI 4:3

Iyei, I küsàmi kuchouqo, ni ye nongu vilo totimi hipaqo kuphulo ipi qhüiniju ani kughengu panongu ye Clement gholo eno I gholo mülà küqha chekemi kümtsü gholo küqha püzü atsakiviu ghenguno I gholo kutubo no mülà ache kemiqo ke, eno panongu je ye aküxüpu kaku lo anie.

Kolosiami 4:3

Eno Alhou pelo atsakiviu ghenguno ningu laghi khaqhi tsü penike ningu ghenguno ghí inikhu tsü alo, tishianguno ningu pelo Khristo’w tuqhou ghili pesü asheshulu pe kepu shi, kughengu ni ye hi ghenguno akughuki lo anike.

2 Tim. 2:19

Tishiaghi namu, Alhou kumto boqha ye ithamo no athoshi aphi eno atsa hipau mekhave no hitoi küxüpuku pe püani: “Ampeu ye khunoqo no paw timi keno ithi ani,” eno, “Ampeu je pipheluve kemi kümtsü küsakügha lau no tsüghüve moayesae.”

1 Peter 1:12

Alhou no tungkupmi lau piyesü keu no panongu no mülà akeu ye pano likhi pano ghenguno kumo no hi nongu ghenguno ke; tihu itehi ye nongu lau kungugha lono ighi keu Aghungu Kimthe vechewo atsakiviu pikülhave keu vehu ke. Kungumiqo ghí thime hipaqo lo jusünishikütü cheke.

1 John 4:6

Ningu ye Alhou lau no ighike, eno khukhumu Alhou ithi kemi ye ningu tsa ini acheni; ikemu khukhumu Alhou lau no ighimo kemi ye ningu tsa ini chemoe. Hitoi ningu ye kuchou Ghungu eno kichileu ghungu kimchilu cheni.

3 John 1:14

Ni ye pai O sasü kusholu nike lakuju shi ani, eno nikujo agi no agi kinheqhi küptsa kepu shini.

Piyeküsü 20:15

Khukhumu aküxüpu kaku lo aje yèpüaghimo kemi ye ami yizükucho lo vesüve.

Piyeküsü 3:20

Julo! I no ahukikha lo puthugho no kukhu cheni. Khukhumu I sütsa chilu no ahukikha khaqhi aye, I no iloghi no timi tipau gholo chu nani, eno panongu no I gholo chu nani.

Piyeküsü 7:17

Kughengu aküka lakhü mtá lo Ambeti akeu hu no panonguw ambe kheu shi nani; ‘pa no aküxüpu züpukiqo lo panongu sawu nani.’ ‘Eno Alhou no panongu nhethi lono anhezü kümtsü isüve tsü nani.’”