John 10:27 - Sümi Tiqhelimi Bible

²⁷ iw ambeqo no I sütsa ini cheni; I no panongu ithi ani, eno panongu no I pape cheni.

BAIBEL (BSI)

²⁷ Iwu bheriqoye isutsa chilu chenie ino panoqo ithi ani eno panonguno ipape cheni.

Sumi Naga CL (Re-edited) Bible (BSI)

²⁷ I mbeqo no I sütsa chilu cheni, I no panoqo ithi eno panongu no I pape cheni.

John 10:27 ပူးပေါင်းရင်းမြစ်များ

MATTHEW 16:24

Tisheno Jisü no pa khopemiqo vilo pi, “I khopemi shinishi kemi ye pa likhi pa milive moayesa eno paw kros xapu no I pape moayesae.

MATTHEW 17:5

Peter no piaphi lono, khüngküsü vüqai keu no panongu küzüpholuve, eno khüngküsü lono asütsa lakhi no ishi pi, “Hiye I Nu, I no kimiye chekeu ke; pa lau I lokiqi acheni. Pa no pikeu inilo!”

MATTHEW 25:12

“Ikemu pa no khochile, ‘Kuchou no I no nongu vilo piani, ni ye nongu mthae.’

MATTHEW 7:23

Tile no I no panongu vilo mütsümishei ishi pi nani, ‘Ni ye nongu khuu kela mthae. I lau no chevelo, nongu küsaküghamiqo!’

Mark 10:21

Jisü no pa ju no ighono pa kimiyeve, eno ishi pi, “No ye thime lakhi kupu mphie, wolo eno O mheghi kümtsü jeve no kumlhomiqo tsüvelo, eno no ye kungugha lo O kinikhuki lo akiní ania ke. Tisheno ighi püzü I papelo.”

Mark 8:34

Tisheno Jisü no pa khopemiqo gholo aqokitikhi ghí ku no ishi pi, “I khopemi shinishi kemi ye pa likhi pa milive moayesa eno paw kros xapu no I pape moayesae.

Luke 13:27

“Ikemu pa no, ‘Ni ye nongu mthae momu khile no ighi ani keno mthae. I lau no chevelo, nongu küsaküghamiqo!’ ipi khochile nani.

Luke 9:23

Tisheno pa no panongu kümtsü vilo pi: “I khopemi shinishi kemi ye pa likhi pa milive moayesa eno paw kros xapu no I pape moayesae.

John 10:14

“Ni ye ambe kheu kiviu ke; I no I mbeqo ithi ani eno I mbeqo no ni ithi ani—

John 10:16

Ni ye khaküthabo hilehi küha keu ambe kütauqo anie. Ni ye panongu ghí süghi moayesa ani. Panongu ghí I sütsa ini nani, eno tilehi ye ambe loji lakhi ngò ambe kheu lakhi anani.

John 10:8

I züu ighi kemi kümtsü küpkami eno süxakulumiqo ke, ikemu ambeqo ye panoqo tsa ini tsümo ke.

John 12:26

I qe chekemi ye I pape moayesa; eno I no khile ani keno, I qemi ghí tile anani. I qe chekemiqo ye I pù no gihu nani.

John 21:22

Jisü no khochile, “Tsalá I no ideghimo ke kutólo pa pelo xüaghi penishi aye, no ye kiu shilo pi kepu ania? No ye I pape moayesae.”

John 5:25

Kuchou no I no nongu vilo pìní, ado lakhi cheni eno itehi hi ighivea, ike tiye kithimi no Alhou Nu sütsa chilu nani eno khunoqo no tipau chiluni keno xülu nani.

John 8:12

Jisü no itaghi timiqo pütsa ghi ishi pi, “Ni ye ayeghilomi küvü ke. Khukhumu I pape kemi ye khilemu àküzǘ lo chechemo nani, ikemu aküvü küxü lo cheche nani.”

John 8:43

I tsa ye nongu ghenguno kushiye mütsümisheimo kea? Tiye nongu no I no kiu piani keno ini nishimo keu ghenguno ke.

Apostolmi 3:23

Khukhumu pa tsa inimo keu ye panow timiqo lau no kütüta shive pe nani.’

1 Kor. 8:3

Ikemu timi khuno no Alhou kimiye cheni keno Alhou no pano ithi acheni.

Galatiami 4:9

Ikemu itehi nongu ye Alhou ithive ake—momu pìní aye Alhou no nongu ithivae—tishiaye nongu ye kíshi no hipau yeghilomiw qeinai keu eno ameküha keu boqha kükaqo lau idewove ani kea? Nongu ye tipaqo pelo itaghi nongu pesü panongu qüaxeu shive penishi ani keshea?

2 Tim. 2:19

Tishiaghi namu, Alhou kumto boqha ye ithamo no athoshi aphi eno atsa hipau mekhave no hitoi küxüpuku pe püani: “Ampeu ye khunoqo no paw timi keno ithi ani,” eno, “Ampeu je pipheluve kemi kümtsü küsakügha lau no tsüghüve moayesae.”

IBRIMI 3:7

Ike, Aghungu Kimthe no pikeu toi: “Ishí nongu no pa sütsa ini aye,

Piyeküsü 14:4

Timi hipaqo ye totimi gholo kitiqemo kemiqo ke, kughengu panongu ye athathe ke. Panongu ye Ambeti no khila wu keno tilau pa papesü wuke. Panongu ye ayeghi lo timiqo dolo no xachileluve kemi, Alhou eno Ambeti lau amsüu shi ikhiphe pe tsüve kemiqo ke.

Piyeküsü 3:20

Julo! I no ahukikha lo puthugho no kukhu cheni. Khukhumu I sütsa chilu no ahukikha khaqhi aye, I no iloghi no timi tipau gholo chu nani, eno panongu no I gholo chu nani.