John 1:29 - Sümi Tiqhelimi Bible

²⁹ Tishiwo thoghiu Jisü no pa küdau chekeu ithulu kelo John no ishi pi, “Julo, Alhou’w Ambeti khuu ayeghilomi xiné pevetsü keno hi chenie!

BAIBEL (BSI)

²⁹ Tishiwo thoghiu Jisu no Johan lau cheghikeu pano ithulu puzu pi, “Julo, Alhou wu Bheriti, ayeghiqha xine ikhipewukeu hi chenie!

Sumi Naga CL (Re-edited) Bible (BSI)

²⁹ Tishiwo thoghiu John no Jisü pa küdau cheghi keu ithulu püzü pi, “Alhouw Ambeti khuu ayeghiqha xine pevetsü keno, julo!

John 1:29 ပူးပေါင်းရင်းမြစ်များ

MATTHEW 1:21

Li no anu lakhi punú nani, eno no ye pa je Jisü kutsü nani, kughengu pa no paw timiqo panongu xinéqo lono xalu nani.”

MATTHEW 20:28

kughengu Timi Nu ghí kütami pelo pa qe peniye ighike kumoe, ikemu kütami qe niye ighike, eno pa küxü pesü tsü no timi kutomo xaphelu niye ighike.”

John 1:35

Tishiwo thoghiu John ye itaghi pa khopemi kini sasü tilehi puthugho ae.

John 1:36

Kughou Jisü no tipa-a kathasü wuche keu ithulu keno, John no ishi pi, “Julo, Alhou’w Ambeti!”

John 1:43

Tishiwo thoghiu Jisü ye Galilee lo wuni keu shive. Philip ithulu no Jisü no pa vilo pi, “I papelo.”

John 2:1

Atsala aküthüniu Galilee lo Cana ipikeu phu lo külakupu lakhi shia. Ikelo Jisü pazá ghí tilehi ae,

John 3:16

Alhou no ayeghilomi kimiyekütü keu ghenguno pa Nu lakhi likhi akeu pesü tsüke, tighenguno khukhumu pa shou pülübelu keu ye pühavemo nani ikemu lhokta küxü ithulu nani.

John 4:42

Panongu no totimi vilo pi, “Ningu ye nono kiu pi keno tipau ghengu likhi no pa pülü keu shimovae; itehi ye ningu ampi no pa tsa chiluvae, eno ningu no timi hipau ye kuchou no ayeghilomi’w Xakuluu kepi ithivae.”

John 6:51

Ni ye kungugha lono iqighi keu aküxüpu sho ke. Khukhumu asho hipau chu keu ye lhokta kutólo xü anani. Asho hipau ye I shi ke, tiye I no ayeghilomi pelo xülu penike ghenguno tsü nani.”

Apostolmi 13:39

Moses yeza lo nongu no achipikamla no achekeu, khukhumu pa pülü keu vechewo axiné jeli kümtsü lono khaqhikiphe ithulue.

Apostolmi 8:32

Shokou hu no Kuchoyesü phi akeu ye hike: “Pa ye ambe lakhi ghiqhi niye sawuve ketoi, eno ambeti lakhi no amhi gholu nike zülo iqüighai ngo chekeu toi, pa ye pa kichí xukhomoe.

1 Kor. 15:3

Kughengu I no kiu ithulu keno ni ye akhotou shi nongu lau pekishe tsü anike; ike Kuchoyesü kiqi lono Khristo ye ningu xinéqo ghenguno thive,

2 Kor. 5:21

Khristo ye axiné kühae, ikemu Alhou no pa pesü ningu ghenguno axinemi kughulhove tsüke, tishi keu lono ningu pelo pa gholo küqha pe akeu vechewo Alhou’w achipiumikucho küsajelu peniye ke.

Galatiami 1:4

ningu papù eno Alhou pulou kiqi lono Ampeu Jisü Khristo ye hipau tiqheliw küsakügha lono ningu xaphe nike ningu xinéqo ghenguno pa küxü tsüve ke,

Galatiami 3:13

Khristo no ningu züqhu shi angsü puluve keu vechewo pa no ayeza ngusü lono ningu xachilelu ke, kughengu ishi yèpüani: “Timi khuu no kros lono tshüqhi thiveni keno pa ye müsüinivae.”

1 Tim. 2:6

Khristo Jisü ye timi kümtsü ghenguno xakipheu lakhi kimhi shi pa likhi pa ikhiphe pe tsüve ke. Hiye ado achipi lono thopi shivae.

Titus 2:14

pa no pa küxü pesü ningu ghenguno ikhiphe pe tsüve eno küsakügha kümtsü lau no ningu xachilelu eno pa likhi paw timiqo shikimthe tsüke, tiye ningu pelo kiu no akivi keno tipau lo minemighei shi ape niye ke.

IBRIMI 1:3

Anu ye Alhou juküvü yebide akeu eno Alhou lhoaye athoshi pephe-piye akeu ke. Eno pa tsa küká vechewo thowkha kümtsü puqhe pe acheni. Pa no ningu xinéqo shikimtheve kethiu, pa ye kungugha lo Akughushu Lhou u ajeu küdau iqave ke.

IBRIMI 2:17

Hi ghenguno Jisü ye panongu toi shi moayesave eno thowkha jeli kümtsü lono timi hutoi moayesave ke, tishianguno pa ye Alhou qe akeu lo kimiyeqhiyi keu eno pükhükuluu achinetomiqo shou atou shilu peniye ke. Tisheno pa vechewo timi xinéqo ghenguno aghakishi shipe niye ke.

IBRIMI 9:28

Khristo ye timi kutomo xiné peve tsüní ke ghenguno ghuthu lakhi aghakishi shike; eno pa ye ghuthu akiniù ipeghi nani, axiné puluve tsü nike ghenguno kumo, ikemu khunoqo no pa ngokhe ani keno panongu lau xakulu süghitsü nike ghenguno ighi nani.

1 Peter 1:19

ikemu ambeti lakhi jì toi keu Khristo jì mekusho, tukutiye küha keu eno azaku küha keu no nongu xaluvea ke.

1 Peter 2:24

Khristo ampi no kros lono “Pa phimpi no ningu xinéqo puluve tsüke,” tishi keu vechewo ningu pelo axiné lo ye thive no achipiumikucho ghenguno xüpe niye ke; “Pa zakuqo vechewo nongu ye shipivi luvae.”

1 Peter 3:18

Kughengu Khristo ghí Alhou lau ningu saighi nike axiné ghenguno ghuthukhavi no kümtsü ghenguno imeve ke, amikuchou no amikucho kumomi ghenguno thive ke. Pa phimpi ye pìthíve ke ikemu Aghungu lono xüputhuveke.

1 John 2:2

Pa ye ningu xinéqo ghenguno aghakishiu ke, eno ningu ghengu likhi no kumoe ikemu ayeghiqha kümtsü xinéqo ghenguno ghí ke.

1 John 3:5

Ikemu nongu no ithi akeu toi pa ye ningu xinéqo ikhipe wuve nike ghenguno ipeghi ke. Eno pa lolo ye axiné küha ke.

1 John 4:10

Kikimiye ye hipau ke: ningu no Alhou kimiye ke kumoe, ikemu pa no ningu kimiye eno ningu xinéqo ghenguno aghakishiu shi pa Nu puwu ke.

Piyeküsü 12:11

Panongu no pa shou toluvae tiye Ambeti jì vechewo eno panongu no kuchou shepe tsa pikeu vechewo no ke; panongu ye ighono panongu küxü kimiyemo ke eno panongu ye thive nikeu kutólo msàmo ke.

Piyeküsü 13:8

Ghiqhive keu Ambeti’w aküxüpu kaku lo aje yèpuku püaghi kemi nguno alau ye ayeghi lhophe kelo no acheghi kemi kümtsü tüghashi hu mülá nani.

Piyeküsü 14:1

Tisheno I no ju akelo ye I gizülo Ambeti no Zion Naghuto lo puthugho ae eno pa gholo akishe lo pa je eno paPù je yèpüa kemi timi 1,44,000 ngo ae.

Piyeküsü 14:10

panongu ghí Alhou mlo kighide ji ye nani. Alhou mlo kighide jì ye azü lekitemo no mükamüghai pa loghukighide jikhu lo lesüvae. Panongu ye akimthe kungumiqo ngò Ambeti zülo no piti akeu amichu pesü ghimeqhi nani.

Piyeküsü 14:4

Timi hipaqo ye totimi gholo kitiqemo kemiqo ke, kughengu panongu ye athathe ke. Panongu ye Ambeti no khila wu keno tilau pa papesü wuke. Panongu ye ayeghi lo timiqo dolo no xachileluve kemi, Alhou eno Ambeti lau amsüu shi ikhiphe pe tsüve kemiqo ke.

Piyeküsü 15:3

eno panongu no Alhou qeu Moses le ngò Ambeti le ishi phea: “Ampeu Alhou Akughushuu, O kümlàqo ye kijè eno akichiqhipu ke. Shiyeqo kükau, O laghiqo ye amikucho eno kuchou ke.

Piyeküsü 17:14

Panongu no Ambeti sasü aghüshi nani, ikemu Ambeti no panongu shou toluve nani kughengu Ambeti ye ampeuqo shou Ampeu eno kükamiqo shou Akükau ke, eno pa gholo pa no kulùve kemi, kisheluve kemi eno pükhübekulumi pa pape chekemiqo anani ke.”

Piyeküsü 19:7

Ningu alovisheni eno alovini eno ajuküvü pa tsüní nolo! Kughengu Ambeti’w külakupu ye ighivae, eno paw külaliu ye kutò pe ngovae.

Piyeküsü 19:9

Tipathiu kungumi hu no I vilo ishi pi, “Hipau yè lo: Ambeti wu külakupu ghulhu lo khunoqo kusüni keno tipano kümghae!” Eno pa no I vilo hi ghí pi, “Hipaqo ye Alhou’w kuchou tsaqo ke.”

Piyeküsü 21:14

Akimthe Mishighüna aliwo kuputu ye aboqha-tu chighikini ae, eno aboqha-tu tipaqo lo Ambeti’w apostolmi chighikini je yèpüae.

Piyeküsü 21:27

Mithekumo jeli kiumu Akimthe Mishighüna lo ilo müla nani, khukhumu akukujopu momu pishikiqhi kümlà shi chekemi ye khilemu ilo müla nani, ikemu Ambeti’w aküxüpu kaku lo aje yèpüa kemiqo likhi no ilolu nani.

Piyeküsü 21:9

Kungumi tsünì dolo püsa tsünì no abohu tsünì chhitoi shi pesü akeu no ighi püzü I vilo ishi pi, “Ighilo, I no külaliu, Ambeti nipu O pìye nike.”

Piyeküsü 5:6

Tisheno I no Ambeti lakhi ghiqhi pepüa ketoi ithulue eno tiye aküka lakhü mtá lo aküxü akeu lhoxü bidí ngò sakiphemi muchomiqo no sühomxa pe ake toi ithulu. Ambeti ye akibò tsünì eno anhethi tsünì puae, eno tiye ayeghiqha kümtsü lo Alhou ghungu tsünì puwu keqo ke.

Piyeküsü 5:8

Eno kughou pa no liküküzü kaku ikhiluve keno, aküxü akeu lhoxü bidí eno sakiphemi muchomi mukubidi no Ambeti zülo qhoqhünheluve. Panongu kümtsü aheo lakhi-khi pesü ae eno panongu ye ameshoyi no mülà keu bohu lo müsüghüta no chhitoi shi pesü ae, tiye Alhou’w timiqo kighini ke.

Piyeküsü 6:1

Ambeti no mekhapüa keu tsünì dolo atüghiu khaqhi keu I no jua. Ikelo aküxü akeu lhoxü bidí dolo lakhi no tsütsü-küsü sütsa toi ishi pi, “Ighilo!”

Piyeküsü 6:16

Panongu no naghuto eno atuquqo vilo ishi pi, “Ni veqaluve lo eno khuu no aküka lakhü lo iqa ani keno pa gizü lono eno Ambeti loghukighide lau no ningu peküsüve tsülo!

Piyeküsü 7:14

I no ishi khochile, “Akijeu, nono ithi anie.” Ikelo pa no pi, “Timi hipaqo ye aghime kitikhi kijè hechesü ipeghi kemiqo ke; panongu ye panonguw chijeboboi-phiqo ishivae eno Ambeti jì lono miyetsüghoi kughulhovae.

Piyeküsü 7:17

Kughengu aküka lakhü mtá lo Ambeti akeu hu no panonguw ambe kheu shi nani; ‘pa no aküxüpu züpukiqo lo panongu sawu nani.’ ‘Eno Alhou no panongu nhethi lono anhezü kümtsü isüve tsü nani.’”