John 1:19 - Sümi Tiqhelimi Bible

¹⁹ Kughou Jewmi sakiphemiqo no Jerusalem lo achinemi ngò Levimiqo pelo John ye khuu keno iniju peniye puwu keno, John no hitoi pa shepe shie.

BAIBEL (BSI)

¹⁹ Kughou Jerusalem lo Judamino achinemi ngo Levi laghami puwu puzu Johan vilo “Noye khuu kya?” ipi inijukeno pano hitoi ashepe shie.

Sumi Naga CL (Re-edited) Bible (BSI)

¹⁹ Kughou Jewmi no Jerusalem lo achinemi ngo Levimi puwu no John vilo, “No ye khuu kea?” ipi ighiju keno, John no hitoi ashepe shi,

John 1:19 ပူးပေါင်းရင်းမြစ်များ

John 1:7

Pa vechewo timi kümtsü pelo pülülu penike ghenguno pa ye aküvü ghili pesü ashepe shipe nike ghenguno thopimi lakhi shisü ighie.

John 10:24

Tilehi Jewmi akemiqo no pa homüxaluve no pi, “No ye ado khitohi ningu pelo avehu küghüzü shi apeni kea? Tsalá nono Messiah shi aghí aye mütsümishei ningu vilo pilo.”

John 10:31

Itaghi Jewmi pa lachile chekemiqo no atu pesü pa veni ke ikhiqheluve,

John 11:19

eno Jewmi kutomo no ighino Martha ngò Mary pama no apèu kühave keu lo pama lokughuno tsü nike ighi.

John 2:18

Tipathiu Jewmiqo no Jisü khochile, “Hipaqo kümtsü shikulupu kükagha akeu kimchitsü nike ghenguno no ye kiu amichipu ningu pìyelu nani kea?”

John 2:20

Panongu no khochile, “Achineki hipau müla puku nike ampe lhobidi tsügho lue, eno no ye atsala küthü dolo no achineki hipau müla pukuve niye keshea?”

John 5:10

ikehu Jewmi sakiphemiqo no viluve keu vilo ishi pi, “Ishi ye Sabbath tsalà ke; ayeza kiqi lo no ye O züa pewu müla nanie.”

John 5:15

Timi hu no wuve püzü Jewmi sakiphemiqo vilo pa shipivi tsü keu ye Jisü ke ipi pive.

John 5:16

Ike Jisü no Sabbath tsalà lono thime hipaqo shikeu ghenguno Jewmi sakiphemiqo no pa pishi-puju thuve.

John 5:18

Hipau vehu ghenguno Jisü pìthíve nikeu lo panongu ye alau pükapütsa auve. Kughengu pa ye Sabbath yeza hebide keu likhi kumo püzü pa ye Alhou vilo pa likhi Papù ipi ku keu vechewo pa pesü Alhou qhemi lo qhike.

John 6:41

Jisü no, “Ni ye kungugha lono iqighi keu sho ke,” ipikeu ghenguno tilehi Jewmi akeqo ye nhenheshi Jisü ghili kügha thuve.

John 6:52

Ikelo Jewmiqo ye panongu dolo aloqhi kütsala ghi ishi pi, “Timi hipau ye kíshi püzü ningu pelo chu penike pa shi tsüní kea?”

John 7:1

Hipathiu Jisü ye Galilee qhalo wue. Jewmi sakiphemiqo no pa pìthíve niye kuchughu ake ghenguno pa ye Judea qhalo wuni shimo no ake.

John 7:11

Ike tiqhitini lo Jewmi sakiphemiqo ye Jisü phuju ghi ishi iniju, “Pa ye khile ani kea?”

John 7:15

Tilehi Jewmi sakiphemi akeqo ye akümzave no ishi iniju, “Timi hipau ye kíshi no shikamo keghi ishi ithikutholu kea?”

John 8:22

Hi ghenguno Jewmiqo no ishi iniju, “Pa ye pa likhi pa pìthíve nani keshea? Hi ghenguno pa ye, ‘I no khile wuni keno, nongu ye tilehi ighi mülae,’ ipi ani keshea?”

John 8:48

Jewmiqo no pa khochile, “No ye Samariami eno tüghaküsa no tsüghape akemi kepi ningu no pikeu ye achipi ke kumo keshea?”

John 8:52

Jisü no hi pi kelo panongu no ishi ighamuku pi, “No ye tüghaküsa no tsüghape ani kepi ningu no ithivae! Abraham ye thivea eno tungkupumiqo ghí thivea, tishi keghi no ye khukhumu O tsa lukeu ye khilemu akithí michemo nani ipi ani.

John 8:57

Panongu no Jisü vilo pi, “No ye ampe lhopungumu shimphi püzü Abraham ithuluva ya?”

Apostolmi 13:25

Pa kümlapù ashetove niye akelo, John no pi, ‘Niye khuu ipi nongu ye kümsü ani kea? Ni ye nongu no khe achekeu hu kumoe. Ikemu timi lakhi I thiu ighi nani, ni ye pa pukhukuqhomu kuqho nike aküzüpu kumoe.’

Apostolmi 19:4

Paul no pi, “John’w baptiz ye amlo pebideve kemiw baptiz ke. John no timiqo vilo timi lakhi pa thiu ighi nani ke pa shou pülübe lo ipi ke, tiye Jisü ke.”

1 John 1:5

Hiye pa lau no chilu keu kükütsü tsa ke eno nongu lau shuphe ani: Alhou ye aküvü ke; pa lolo ye àküzǘ kitilamu kühae.