John 1:15 - Sümi Tiqhelimi Bible

¹⁵ (John no pa vehu pesü ashepe shie. Eno pa no ighamuku pi, “I no pa ghili piakeu hu ye I no kughou, ‘Timi lakhi I shelo ighi niye akeu ye I nguno akiqheu ke, kughengu pa ye I züu no acheghivae,’ ipikeu hu ke.”)

BAIBEL (BSI)

¹⁵ Johan no ighamuku pa ghili ishi ashepe shitsu. Pano pi, “Ino khuu ghili pesu, ‘Khuu ithiu cheni keno paye inguno akiqheuke, kughengu ipunu mphi lono paye acheghivae’ ipi pichekeu hu pake.”

Sumi Naga CL (Re-edited) Bible (BSI)

¹⁵ (John no ighamku ishi Pa shepe shitsü, “I no khuu ghili pesü, ‘Khuu I thiu cheni keno Pa no I nguno akiqheue, kughengu Pa ye I züuno acheghivae’ ipiche keno tihu Pa ke.”)

John 1:15 ပူးပေါင်းရင်းမြစ်များ

MATTHEW 3:11

“Nongu mlo pebide penike ghenguno ni ye azü pesü nongu baptiz shitsü ani. Ikemu khuu I shelo cheni keno pa ye I nguno akumtou ke, ni ye pa pukhukuqhomu pe küzü kumoe. Pa no Aghungu Kimthe eno ami pesü nongu baptiz shitsü nani.

Mark 1:7

Eno pa no hitoi kütsü che: “I thiu khuu cheni keno pa ye I nguno akumtou ke, ni ye iqi no pa pukhukuqho kütsügha kighimu kuqho nike aküzüpu kumoe.

Luke 3:16

John no panongu kümtsü khochile, “I no azü lono nongu baptiz shitsü ani. Ikemu khuu I shelo cheni keno pa ye I nguno akumtou ke, ni ye pa pukhukuqho kütsügha kighimu kuqho nike aküzüpu kumoe. Pa no Aghungu Kimthe eno ami pesü nongu baptiz shitsü nani.

John 1:27

Pa ye I shelo ighi niye akeu ke, ni ye pa pukhukuqho kütsügha kighimu kuqho nike aküzüpu kumoe.”

John 17:5

Ike itehi ye, Apùo, ayeghi lho mphi züu O gholo I juküvü achekeu pe O zülo no I juküvü shitsülo.

John 8:58

Jisü no khochile, “Kuchou no I no nongu vilo pìní, ni ye Abraham punú mphi züu no acheghivae.”

Kolosiami 1:17

Pa ye thowkha kümtsü züu no ache, eno thowkha kümtsü pa gholo no tsüqü kumqo pe ani.

IBRIMI 13:8

Jisü Khristo ye ighina, ishí eno alhokuthu lo aphiphi ke.

Piyeküsü 1:11

eno asütsa tipau no ishi pi: “Nono kiu ithulu keno liküküzü kaku lakhi lo yèpuku no akukuhou tsünì hipaqo lau tsüpuwu lo: Ephesus, Smyrna, Pergamum, Thyatira, Sardis, Philadelphia eno Laodicea.”

Piyeküsü 2:8

“Smyrna lo akukuhouw kungumi lau yèlu ani: Atsa hipaqo ye khuu no Atüghiu eno Ashekhau, khuu no thive no aküxü shiluve keno tipau tsa ke.