John 1:14 - Sümi Tiqhelimi Bible

¹⁴ Atsa hu no ashi shive eno ningu gholo xüke. Ningu no pa juküvü ithuluvae, ajuküvü tiye Anu lakhi likhi akeu ke, Anu ye küpükini ngò kuchou no chhitoi shi püzü Apù lau no ighike.

BAIBEL (BSI)

¹⁴ Atsa huno timi lhoxu lakhi shiveno kimiyekeu eno kuchouno chhitoi xapu ningu gholo xuache. Ninguno pa kimthe jukuvu ithuluvae. Apuh gholo Anu lakhi likhi achekeu kimthe jukuvuke.

Sumi Naga CL (Re-edited) Bible (BSI)

¹⁴ Atsa huno ashi shive no ningu gholo xü, eno ningu no Pa juküvü ithuluvae, ti ye Apu gholo Anu lakhi likhi akeu, küpükini ngo kuchou no chhitoi keu juküvü ke.

John 1:14 ပူးပေါင်းရင်းမြစ်များ

MATTHEW 1:16

eno Joseph ye Jacob nu Mary kimi, eno Mary ye Jisü khuu Messiah ipi ku cheni keno pazá ke.

Luke 2:11

Ishí tsalà lono David’w mishiphu lo nongu lau xakuluu lakhi punúvae, pa ye Messiah, Ampeu ke.

Luke 2:7

eno li no anu atüghiu kipitimi punúlu. Li no aphì no pa küzü no amishikhu lo püzü, kughengu panongu ghenguno inami kungoki lo achebo kühave ke.

Luke 9:32

Peter eno pa küsàmiqo ye züchei zühuve ikemu kughou panongu no idaithughi keno Jisü juküvü gholo timi kini puthugho aghí keu ithulue.

John 1:1

Abothu lono Atsa hu ye ae, eno Atsa hu ye Alhou gholo ae, eno Atsa hu ye Alhou ke.

John 11:40

Ike Jisü no ishi pi, “Tsalá nono pülü aye, no ye Alhou juküvü ithulu nani ke ipi ni ye O vilo pike kumo keshea?”

John 14:6

Jisü no khochile, “Ni ye alaghi eno kuchou, eno aküxü ke. I vechemo kelo ye timi khumu Apù lau ighi mülae.

John 14:9

Jisü no khochile, “Philip, I no nongu gholo ado kushuwa ngo ighive kethiu ghí no ye ni mtha keshea? Khukhumu ni ithuluve keu ye Apù ithuluvae. No ye kíshi püzü, ‘Apù hu ningu pìyelo,’ ipi ani kea?

John 17:22

Nono ajuküvü I tsü keu pesü I no panongu tsüvae, tishianguno nikujo no lakhi shi akeu toi panongu ghí lakhi shi ape niye ke—

John 17:24

“Apùo, ni ye nono khunoqo pesü I tsü keno panoqo pelo I no khilehi ani keno tile I gholo ape nishi ani eno I juküvü ithulu penishi ani, tiye nono ajuküvü I tsü keu ke, kughengu nono ayeghi pulhosü mphi züu no I kimiye ke.

John 18:37

Pilate no pi, “Tishiaye no ye akükau lakhi keshea?” Jisü no khochile, “Nono ni ye akükau lakhi kepi pi anie. Kuchou lo ye, I punú keu eno ayeghi hipau lo ighi keu kimiji ye kuchou thopi shipe niye ke. Kuchou küdau akemi kümtsü no I tsa chilu cheni.”

John 2:11

Jisü no hile Galilee qhalo mishiphu Cana lo kiu shi keno tiye pa juküvü pephe-piye keu michipuqo gholo atüghiu ke; ikelo pa khopemiqo no pa shou pülüluve.

John 3:16

Alhou no ayeghilomi kimiyekütü keu ghenguno pa Nu lakhi likhi akeu pesü tsüke, tighenguno khukhumu pa shou pülübelu keu ye pühavemo nani ikemu lhokta küxü ithulu nani.

John 3:18

Khuno no pa pülüni keno kiléqhivemoe, ikemu khuno no pülümo nike no kiléqhive aghí cheni kughengu panongu no Alhou Nu lakhi likhi akeu je shou pülümo ke.

John 6:51

Ni ye kungugha lono iqighi keu aküxüpu sho ke. Khukhumu asho hipau chu keu ye lhokta kutólo xü anani. Asho hipau ye I shi ke, tiye I no ayeghilomi pelo xülu penike ghenguno tsü nani.”

John 8:32

Tishianguno nongu no kuchou ithi nani, eno kuchou no nongu khaqhiphe nani.”

Apostolmi 13:33

tiye Jisü xüleputhuve tsü keu vechewo ningu panongu tikughukomi eno anuliqo lau shikupu tsüke. Tiye Leshele akiniù lo ishi yèpüani: “ ‘No ye I nu ke; ishí no I no O pù shiluvae.’

Rommi 8:3

Kughengu timi lhoaye no miqeve keu vechewo ayeza no kiu shilu kepu küká küha no ache keno, axinemi lhoaye jukimihi lono axiné kümlagho lakhi shipe niye Alhou no pa likhi pa Nu puwu keu vechewo ayeza no shimla no achekeu hu shive tsüae. Ikehu Alhou no timi lhoaye lono axiné kiléqhive ke,

Rommi 9:5

Abraham, Isaac, eno Jacob noqo ye panongu pù-asüqo ke, eno timi lhoaye kiqi lo phuwoju kelo Khristo ghí panongu lau no ighi kemi ke. Eno Khristo ye kümtsü shou Alhou eno pülhapuju lo sheqhe küzü ke! Amen.

1 Kor. 15:47

Timi atüghiu Adam ye ayeghi mkhu lono ighike; ikemu timi akiniù Khristo ye kungugha lono ighie.

2 Kor. 12:9

Ikemu Pa no I vilo pi, “Iw küpükini ye O ghenguno lukümkha ke, kughengu I küká ye tomo-chhimo keu lono kupukülailu cheni.” Tighenguno Khristo küká I shou apenike ghenguno ni ye iw tomo-chhimo keu lo alokivishi alau qheza aní cheni.

Galatiami 4:4

Ikemu kughou ado pekithi pe püakeu kupukülai tove keno, Alhou no pa Nu puwu, pa ye totimi lakhi vechewo punú, pa ye ayeza qholo no punú,

Ephesiami 3:8

Ni ye Ampeu’w timiqo kümtsü gholo akuu-amighiu shi aghí namu, küpükini hipau pesü I tsüke: tiye Jewkumomiqo lau Khristo’w ashekha-aghile küha keu kinikülü ghili kütsü nikeu,

Kolosiami 1:19

Kughengu Alhou ye pa lhoaye kuchopu pesü Khristo lolo ngo nikeu lo amlokiqi shike.

Kolosiami 2:3

Khristo lolo alokütsü eno akighithi kinikhuki kümtsü küsüpe püani.

Kolosiami 2:9

Kughengu Alhou lhoaye kuchopu kupukülai shi Khristo phimpi lo anike,

1 Tim. 3:16

Mütsüqhei no Alhou’w tuqhou khipau vechewo ningu küpülü qò ipeghi cheni keno tiye hike: Khristo ye timi shì shi no ighi, Aghungu no pa saphu, kungumiqo no pa ithulu, shiyeqo gholo pa shepe shi, ayeghiqha no pa pülü wove, ajuküvü lono saikuve.

IBRIMI 1:3

Anu ye Alhou juküvü yebide akeu eno Alhou lhoaye athoshi pephe-piye akeu ke. Eno pa tsa küká vechewo thowkha kümtsü puqhe pe acheni. Pa no ningu xinéqo shikimtheve kethiu, pa ye kungugha lo Akughushu Lhou u ajeu küdau iqave ke.

IBRIMI 1:5

Kughengu Alhou ye kungumiqo khuu vilo kughou no hitoi pipüani kea, “No ye I nu ke; ishí no I no O pù shiluvae” Momu itaghi, “Ni ye Papù shive nani, eno pa no I nu shive nani.”

IBRIMI 10:5

Tighenguno kughou Khristo no ayeghi lo ighi keno pa no ishi pi: “No ye aghakishi eno akümlagho lunishi chemoe, ikemu nono aphimpi lakhi I ghenguno kutò pe qhitsü ke;

IBRIMI 2:11

Ikemu Jisü khuu no timiqo akimthe shive tsü eno khunoqo akimthe shivea keno panongu ye akibo lakhi ke. Ikehu Jisü ye panongu vilo athiküzümi eno achelimiqo ipi kuni keu kujove chemoe.

IBRIMI 5:5

Tipau tho lono, Khristo ye pa no achinetomiqo shou atou shilu keu jekipi hu pa kutoshi no luvemoe. Ikemu Alhou no pa vilo pi, “No ye I nu ke; ishí no I no O pù shiluvae.”

1 John 4:14

Eno ningu no ithulu eno thopi shi achekeu ye Apù no pa Nu pelo ayeghiqha Xakuluu shipe niye puwu ke.

1 John 4:9

Alhou no hitoi paw kikimiye ningu lau pìye ke: Pa no pa Nu lakhi likhi akeu pesü ayeghi lo puwu ke, tishianguno ningu pelo pa vechewo xülu peniye ke.

2 John 1:7

Pishikiqhimi kutomo khunoqo no Jisü Khristo ye ashi shi no ighike ipi ikhilu chemo keno panongu ye ayeghiqha lo ipeghiva ke ghenguno ni ye hipau pi anike. Hitoi kemi timi ye pishikiqhimi eno Khristo lakichilemi ke.

Piyeküsü 19:13

Pa ye chijeboboi-phi ajì lo pütsüve keu pepu ae, eno Alhou Tsa ipikeu no pa je shiae.

Piyeküsü 21:3

Eno aküka lakhü lono asütsa kijè lakhi no ishi pikeu I no chilu, “Julo! Itehi ye Alhou no ngo chekeu-a ye timi gholo auvae, eno pa ye timiqo gholo xüacheuve nani. Panongu ye paw timi shive nani, eno Alhou ampi no panongu gholo anani eno panongu Lhou shive nani.