James 5:15 - Sümi Tiqhelimi Bible

¹⁵ Eno aküpülü lono akighini shikeu vechewo aküsǜu pelo viluve pe nani; Ampeu no panongu xüputhu nani. Tsalá panongu no axiné shipüaghi aye, panongu xiné qhivetsü nani.

BAIBEL (BSI)

¹⁵ Akupulushi inikhukeu lono akusuu viluve nani, Ampeu no atho puthotsu nani eno pano axine shivekeu pevetsu nani.

Sumi Naga CL (Re-edited) Bible (BSI)

¹⁵ Aküpülü lono inikhu kelo aküsüu ye vive nani, eno Ampeu no atho puthotsü no pa no axine shipüaghi aye pevetsü nani.

James 5:15 ပူးပေါင်းရင်းမြစ်များ

MATTHEW 17:20

Pa no ishi khochile, “Kughengu nongu ye aküpülü ighono mikhe anike. Kuchou no I no nongu vilo pìní, nongu no aghane thi pahi likhimu aküpülü aghí aye, nongu no naghuto hipau vilo, ‘Hile no hulau ithawuve lo,’ ipi kelo tipau no ithawuve nani. O ghenguno kiumu shikümlapu küha nani.

John 5:14

Ado hami thiu Jisü no achineki lo pa ithulu no pa vilo ishi pi, “Julo, no ye viluvae. Axiné shi kevilo tishimo aye alhoküsa hinguno aküsàu O shou ikughi nosake.”

John 6:39

Eno hino I puwu keu pulou ke, tiye pa no I tsü kemi lakhimu pühavemo püzü ashekha tsalà lono panoqo xüputhuni keu ke.

1 Kor. 1:21

Alhou ye pa lokütsü lono ayeghilomi ye khilemu ayeghi lo lokütsü vechewo pa ithimo nani kepi ithive ke ghenguno Alhou ye khunoqo no pülüni keno tipaqo xalu nike ghenguno nikhanigha vechewo kiu kütsü keno tipau ju amlokiqi shike.

2 Kor. 4:14

kughengu ningu no ithi akeu no Alhou khuu akithí lono Ampeu Jisü xüputhu keno pa no Jisü gholo no ningu xüputhu nani eno nongu gholo no pa zülo ningu sasü ighi nani.

James 1:6

Ikemu kughou nono khuni keno, no ye lipimo no pülü moayesa, kughengu timi khuu no lipi cheni keno pa ye amlhü no fu püzü tukucho keu züghi fukucho lakhi toi ke.

James 5:13

Nongu dolo khuala ye aküküpüna lo ani keshea? Panongu pelo akighini shipelo. Nongu dolo khuala alovi ani keshea? Panongu pelo sheqhe keu leqo phe pelo.

James 5:16

Tighenguno nongu xinéqo pesü lakhi no lakhi vilo piphe lo eno nongu ye viluve nike ghenguno lakhi no lakhi ghenguno akighini shilo. Amikuchomi kighini lo aküka kijè eno shikulupu anie.

James 5:20

hipau kümsüchilelu lo: Khukhumu axinemi lakhi shipimi keu laghi lo cheche keu lono sachile saighi aye axinemi tipaqo küxü akithí lono xalu anie, eno axiné kutomo pevetsülu kepu shilu anie.