James 2:18 - Sümi Tiqhelimi Bible

¹⁸ Ikemu timi khami ye ishi pi nani, “Nono aküpülü ani; I no akümlà ani.” Akümlàqo sümo no O küpülü I piyeju lo, eno I no I kümlàqo vechewo I küpülü O pìye nani.

BAIBEL (BSI)

¹⁸ Ikemu khamino ishi piluvi, “Nono akupulu ani eno ino akumla ani.” Ino tipau khochile nikeuye, “Okumla sumono okupulu ipiyejulo, niye ikumla lono ikupulu opiyelu nanike.”

Sumi Naga CL (Re-edited) Bible (BSI)

¹⁸ Ikemu khuana no ishi piluvi, “Nono aküpülü ani eno I no akümla ani.” O kümla sümono o küpülü I piyeju lo, eno I kümla lono I no I küpülü o piyeni.

James 2:18 ပူးပေါင်းရင်းမြစ်များ

Rommi 14:23

Ikemu timi khuno no künacho pülaghi chuni keno panongu ye Alhou no kiléqhivae, kughengu panongu no chu akeu ye aküpülü shou bemo ke; eno kiu-kiumu aküpülü shou bemo keu ye axiné ke.

Rommi 3:28

Kughengu ningu no ithi akeu no timi lakhi ye ayeza papelu keu lono kumo püzü aküpülü vechewo achipikalu cheni ke.

Rommi 4:6

Akümlà vechewo no kumo püzü achipiu mikuchomi ipi Alhou no kihive tsü keu timi hu ye akümghapue ipi David ghí hitoi pipüani:

Rommi 8:1

Tighenguno Khristo Jisü’w shiluve kemi shou ye küghathabemo nani,

Rommi 9:19

Nongu gholo khami ye I vilo ishi piluvi: “Tishiaye, Alhou ye kushiye ningu nguku acheni kea? Kughengu khuu no Alhou pulou lachile kulupu kea?”

1 Kor. 13:2

Ni ye tungkuptsa pikulupu ghò aghiluvi eno akümzapu tuqhou jeli ngò akighithi kümtsü ithikutolu aghiluvi, eno ni ye naghuto tukiqeve kulupu küpülü aghiluvi, ikemu kikimiye küha aye ni ye kiumu kumoe.

2 Kor. 5:17

Tighenguno, timi khukhumu Khristo gholo xükimeluve aye pa ye lhoxü kithé shiluvae: Aqau ye wovae eno akitheu ighivae!

2 Kor. 7:1

Tighenguno kimiye chekemi shompamiqo, ningu ye pikiqhi hipaqo ani kehu Alhou gihu keu ghenguno thowkha lo akimthe kupukülai shini ke aphimpi ngò aghungu shikuchubeve chekeqo thime kümtsü lau no ningu likhi ningu shikimtheveni nolo.

Galatiami 5:6

Kughengu Khristo Jisü gholo ye aphighüyiko ghave keu momu aphighüyiko ghamo keu nomu akhoto kumoe. Ikemu kikimiye vechewo aküpülü pephe-piye keu likhi kihi cheni ke.

1 Tim. 1:5

Azakütsü hipau kimiji ye kikimiye ke, kikimiye hipau ye akimthe mlo, alolo kighithi kivi eno amikucho küpülü vechewo ighi cheni.

Titus 2:7

Thowkha kümtsü lo kiu no akivi keno tipau shi püzü panongu zülo kiche-kipiye lakhi shilo. Ow shiküka lo hipaqo pìyelo, kikhikighi, tsaqütsalei keu,

IBRIMI 11:31

Aküpülü vechewo kütüqhami Rahab ye khunoqo no hebide cheni keno panoqo gholo no pìthívemo ke, kughengu li no pukujumiqo sasǘ ke.

IBRIMI 11:33

panongu ye aküpülü vechewo akükaphuqo lelu, amikucho yekipe pelu, eno kiu piqhipüa keno tipau ithulu ke; khuu no abongushuu baxaqo kimikeve tsü,

IBRIMI 11:6

Eno aküpülü küha kelo ye Alhou mlokiqipu shini keu kushokütsü ke, kughengu khukhumu pa lau ighi kemi ye pa ye xüani eno pa ye khunoqo no puloniqhiyi pa phu ighi cheni keno tipaqo asaxu tsü cheni kepi pülü moayesa ke.

James 2:14

I thiküzümi eno I chelimiqo, tsalá timi khami no aküpülü ani kepi pükha anamu akümlàqo küha aye tiye kiu akivi ani kea? Aküpülü titoi keu ye panongu xalu nani keshea?

James 3:13

Nongu dolo khuu no alokütsümi eno vethakulumi kea? Panongu pelo aküxü kivi vechewo ti pìye pelo, tiye alokütsü vechewo ipeghi chekeu aqhokigheu kümlàqo shilu keu vechewo no ke.