James 2:14 - Sümi Tiqhelimi Bible

¹⁴ I thiküzümi eno I chelimiqo, tsalá timi khami no aküpülü ani kepi pükha anamu akümlàqo küha aye tiye kiu akivi ani kea? Aküpülü titoi keu ye panongu xalu nani keshea?

BAIBEL (BSI)

¹⁴ Ithikuzumiqo, timi lakhino paye akupulu ani kepi namu akumla sumo aye tiye kiu alla ani kya? Pa kupulu tipauye pa xaluni kesha?

Sumi Naga CL (Re-edited) Bible (BSI)

¹⁴ I thiküzümiqo, milakhi no pa ye aküpülü anie pi aghimu akümla küha aye kiu akivi ani kea? Aküpülü tipau ye pa xalu nani keshea?

James 2:14 ပူးပေါင်းရင်းမြစ်များ

MATTHEW 5:20

Kughengu I no nongu vilo pìní, nongu chipiumikucho no Phariseemiqo ngò ayeza kükütsümiqo nguno akiviu shimo ke thaqhülo, nongu ye khilemu kungugha kükaphu lo ilo müla nani.

Luke 3:11

John no khochile, “Timi khukhumu aphiküzü kini aghí aye khuu no küha keno pa sasü küsaje moayesa, eno timi khuu no achuqupu aghíni keno pa ghí titoi shi moayesa ke.”

Luke 6:49

Ikemu timi khuu no I tsaqo chilu no papemoni keno pa ye timi lakhi no aboqha sümo no asàye shou aki shipuku keu toi ke, atshünazü no chhele ighi kelo aki tipau paikhavi ilaiqive eno tiye qhoi kütsaleve ke!”

Apostolmi 15:9

Alhou ye ningu eno panongu dolo kotha-kile keu shitsümoe, kughengu pa no aküpülü vechewo panoqo mlo shikimthe tsüke.

Apostolmi 8:13

Simon ampi ghí pülüluve no baptiz shiluve. Eno Simon ye Philip no amichipu eno akümzapu kümlà shikeu ithulu no pa kümzave keu vechewo aqha kümtsü lo Philip papesü wuve.

Apostolmi 8:21

No ye hipau kümlà lo O vehupu momu O saje kühae, kughengu O mlo ye Alhou zülo achipi shi amoke.

Rommi 2:25

Nongu Jewmiqo no ayeza papelu aye aphighüyiko-küghá lo ameküa ani, ikemu nongu no ayeza hebide aye, nongu ye aphighüyiko ghamo kemi Jewkumomi toivea ke.

1 Kor. 15:2

I no nongu lau Alhou tsa kütsü keu nongu no ithamo no tsüqüpe aye, atsakiviu no nongu xaluvae. Tishimo aye, nongu ye adou lono pülüvae.

1 Kor. 16:22

Tsalá timi khuala no Ampeu kimiye cheghimo aye, timi tipau ye ghushove peniu! Ighilo, Ampeu!

Galatiami 5:13

I thiküzümi eno I chelimiqo, nongu ye kuqhopheve keu küxü xüpe niye kulù ke. Ikemu nongu ye kuqhophevea kepi tino ajekukivi shive no timi lhoaye pulou lo chhosü wuve kevilo; tishini ke züqhulo kikimiye vechewo akuchunu shi püzü nongu lakhi no lakhi qe lo.

Galatiami 5:6

Kughengu Khristo Jisü gholo ye aphighüyiko ghave keu momu aphighüyiko ghamo keu nomu akhoto kumoe. Ikemu kikimiye vechewo aküpülü pephe-piye keu likhi kihi cheni ke.

1 Thes. 1:3

Ningu ye ningu Lhou eno Apù zülo nongu küpülü vechewo akümlà ipeghi keu, kikimiye vechewo nongu kümlà kite keu, eno ningu Mpeu Jisü Khristo lono lajupu akeu no müzüsütsü keu vechewo nongu no kutuukulu shi akeu kümsülu acheni.

1 Tim. 1:5

Azakütsü hipau kimiji ye kikimiye ke, kikimiye hipau ye akimthe mlo, alolo kighithi kivi eno amikucho küpülü vechewo ighi cheni.

1 Tim. 4:8

Kughengu aphimpi qokiphe lo ameküa hami acheni ikemu Alhou lau amlo tsü keu lo thime kümtsü ghenguno ameküapu anie. Kughengu tishi keu hu no itehi xü akeu ngò ighi niye akeu küxü küma ghenguno pikiqhi pesü anike.

Titus 1:16

Panongu ye Alhou ithi ani ipi pükha cheni, ikemu panongu kümlà vechewo Alhou milive acheni. Panongu ye aphikümqhüpu, agholumo kemi eno akivi shini keu lo kiumu aküzüpu kumoe.

Titus 3:8

Hiye pükhübekulu tsa lakhi ke. Eno ni ye O pelo hipaqo vehu müghachhoi pitsü penishi ani, tishianguno khunoqo no Alhou lau pükhübeluve akeno panongu pelo kutokupui shi püzü kiu no akivi keno tipaqo lo pulopiniyi ape niye ke. Hipaqo vehu ye akiqheu eno kümtsü ghenguno alá shikulupu ke.

IBRIMI 11:17

Kughou Alhou no Abraham peju keno pa ye aküpülü vechewo aghakishi lakhi shi ghi Isaac pe Alhou mülá ke. Timi khuu pikiqhi tsüqüluve keno pa ye panu lakhi likhi akeu pe aghakishi shive niye kutò ake,

IBRIMI 13:9

Akümza shiküka jeliqo pelo nongu zü sawuve pe kevilo. Küpükini no shikumto keu no ningu mlo ghenguno aloke, tiye chine-chini chuqu chu keu vechewo kumoe, khunoqo ti chu cheni keno panongu ghenguno kiumu alá küha ke.

James 1:16

I no kimiye chekemi athiküzümi eno achelimiqo, nongu pishiqhive pe kevilo.

James 2:16

Tsalá nongu lakhi no panongu vilo, “Aloino ghi wolo; lüvüi ngo alo eno aloshi chu-sho alo,” ipi kemu panongu küxü lo avehupu shi akeu kiumu tsümo aye, tiye kiu alá ani kea?

James 2:18

Ikemu timi khami ye ishi pi nani, “Nono aküpülü ani; I no akümlà ani.” Akümlàqo sümo no O küpülü I piyeju lo, eno I no I kümlàqo vechewo I küpülü O pìye nani.

James 2:26

Aghungu küha keu phimpi ye akithí kehu toi, akümlà küha keu küpülü ye akithí ke.

2 Peter 1:5

Hipau kimiji vehu ghenguno, thowkha lo pükapütsa azükini shi püzü nongu küpülü gholo akivipu; eno akivipu gholo akighithi;