James 1:19 - Sümi Tiqhelimi Bible

¹⁹ I no kimiye chekemi I thiküzümi eno I chelimiqo, hipau ithilo: Kümtsü no pai chilu nikeu, asheshi no atsa pìní keu eno asheshi no amloide nikeu shilo,

BAIBEL (BSI)

¹⁹ Ino kimiyechekemi athikuzumiqo, hipau ithilo! Kumtsuno pai chilu nikeu shimasae, ikemu akipi loye asheshilo eno asheshino amlo idekemi shilo.

Sumi Naga CL (Re-edited) Bible (BSI)

¹⁹ I qhuu athiküzümiqo, hi ithilo: kümtsü no pai chilu kemi shilo, ikemu atsapi eno amlokighide loye asheshi lo,

James 1:19 ပူးပေါင်းရင်းမြစ်များ

MATTHEW 5:22

Ikemu I no nongu vilo pìní, khuu no pa thiküzüu momu pa chepu shou amloide nike no pa shou küghathabe nani. Itaghi khuu no pa thiküzüu momu pa chepu ‘thaigha,’ keu tsa pìní keno pa ye atsa küghaki lono khochile moayesa nani. Eno khuu no, ‘O aghüzüù!’ ipi kütami vilo pìní keno pa ye amiyizü kümsapu lo sǘve kepu shi nani.

Mark 12:37

David ampi ghí pa vilo, ‘Ampeu,’ ipi ku ke. Imaye kíshi no pa ye David nu ipini kea?” Timi kutomo no alokivishi pa tsa inie.

Mark 2:2

Timi kutomo kumqove kehu achebo lo a-a kühave püzü ahukikha khalau kutólo ghí a-a kühave, tisheno Jisü no Alhou tsa pesü panongu kütsüe.

Luke 15:1

Ike zame küqhami eno axinemiqo kümtsü Jisü tsa ini nike sühomxa pe ngoa.

Luke 19:48

Ikemu panongu ye tishini ke kiu laghimu phu müla no ae, kughengu timi kümtsü no pa tsa ini auve ke.

Apostolmi 1:15

Tishiwo kushuwa kumo dolo Peter no küpülümiqo (kümtsü küqha kelo panongu aqhe no muku qhemi ake) dolo puthugho

Apostolmi 10:33

Ikehu I no akimighi shi O kuwu peniye timi puwu ke, nono ighive keu no alovae. Itehi ningu kümtsü hilehi Alhou zülo ani, eno ningu ye Ampeu no O vilo ningu lau kiu pilo pi azah tsü keno chilu nike ngokhe anie.”

Apostolmi 13:48

Kughou Jewkumomiqo no hi chilu keno panongu ye alokivishi Ampeu tsa gihue; eno khunoqo lhokta küxü lo kishesüluve keno pülübeluve.

Apostolmi 17:11

Jewmi Berea lo achekeqo ye Thessalonica lo Jewmi akemiqo nguno akükümsü qhaqhilei ke, kughengu panongu no ighono khekulhoshi akükütsü sütsa ikhilu tsü eno Paul no pikeu tsaqo hu kuchou kemo keno tsalà kipetsü Kuchoyesü phukideküdaju ae.

Apostolmi 2:42

Küpülümiqo no pulopiniyi shi apostolmi no kütsü keu pape, kuposhu, asho süpho kijé chu, eno akighini shie.

Ephesiami 4:26

“Amloide namu axiné shi kevilo”: Atsala kupuju amloide auve kevilo.

Ephesiami 4:31

Kuqhumo keu, aloghukighide eno amlokighide, muqhumüza keu, pipütha keu eno axeküsü jeliqo pevelo.

Kolosiami 3:15

Khristo’w aloino keu pelo nongu mlo lo ayè pelu pelo, kughengu aphimpi lakhi lo kihiküsümi toi aloino keu lo nongu kulùvea ke. Eno Alhou shikimthiqhiyi achelo.

Kolosiami 3:8

Ikemu itehi ye nongu ghí nolikhi nongu lolo amlokighide, muqhumüza keu, axeküsü shikeu, pipütha keu, eno nongu kichí lono kuchube keu tsa ipeghi chekeu thime hipaqo kümtsü qhive moayesae.

1 Thes. 2:13

Eno ningu ye alhokuthu lono Alhou shikimthi acheni, kughengu kughou nongu no Alhou tsa khikhi ningu lau no chilu eno ikhilu keno, nongu ye timi tsa lakhi paphi shi ikhilumoe, ikemu Alhou tsa lakhi toi kuchou shi ikhilu ke, eno Alhou tsa ye nongu khunoqo no pülüluvea keno tipaqo gholo kuchou no müla anie.

James 1:16

I no kimiye chekemi athiküzümi eno achelimiqo, nongu pishiqhive pe kevilo.

James 1:2

I thiküzümi eno I chelimiqo, kugho-kughomu nongu no pekuju jeli sholu kelo tiye akiqheu lokiqi kepi kümsülo,

James 1:26

Khuno no pa likhi pa ye achineye lo amlotsüqhiyi kemi ipi kümsü cheni püzü pa mili ghasülu chemo keno pa likhi pa pishiqhi anie, eno pa chineye ye ameküha ke.

James 2:1

I thiküzümi eno I chelimiqo, ningu akughushu Mpeu Jisü Khristo pülü chekemiqo ye agikuju shikepu kumoe.

James 2:5

I thiküzümi eno I chelimiqo, hi inilo: Alhou ye ayeghiqha nhethi lo khunoqo no athokhami keno panoqo pelo aküpülü lo kinikülü shi no khunoqo no pa kimiye cheni keno tipaqo lau akükaphu piqhipüa keu ighílu penike kishelu ke kumo keshea?

James 3:10

Akichi lakhi lono sheqhe keu eno ghusho keu ipeghi cheni. I thiküzümi eno I chelimiqo, hi shikepu kumoe.

James 4:11

Athiküzümi eno achelimiqo, nongu lakhi no lakhi pipüsa kevilo. Timi khuno no athiküzümi momu achelimi lachile keu tsa pi cheni momu panongu shou küghathabe cheni keno tiye ayeza lachile ghi piani eno küghatha anike. Kughou nono ayeza shou küghathabeni keno, no ye ayeza pape anike kumoe, ikemu tipau küghakütha shou iqa anike.

James 5:12

Athiküzümi eno achelimiqo, kümtsü nguno alau, kungugha momu ayeghi momu kiu-kiumu pesü tushoqhi kevilo. Nongu no pi moayesa keu ye mülalei shi “Iyei” momu “Moe” likhi pi moayesae. Tishimo aye nongu kiléqhive nani.

James 5:19

I thiküzümi eno I chelimiqo, tsalá nongu dolo timi lakhi no kuchou lono itsüsü wuve no timi khami no timi tipau sachile süghi kepu shi aye,

1 John 2:21

Ni ye nongu no kuchou mtha ke ghenguno nongu lau yè anike kumoe, ikemu nongu no ti ithi akeu ghenguno eno kuchou lau no akimiki lakhimu ighi chemo keu ghenguno ke.