IBRIMI 9:8 - Sümi Tiqhelimi Bible

⁸ Hipau vechewo Aghungu Kimthe ye Akimthe Nguno Akimtheu-a lo ilo nikeu laghi ye puloshoqhi-chebo atüghiu peitha ake kutólo pephe-piye mphi kepi pìye anike.

BAIBEL (BSI)

⁸ Hitoi kutopuakeulo Aghungu Kimthe no ningu vilo piyetsukeuye khalau phikibo akethaqhuloye Akimthe nguno Akimthe alo ilolunikeu shimla aphie.

Sumi Naga CL (Re-edited) Bible (BSI)

⁸ Hipau vecheo Aghungu Kimthe no ningu piye akeu ye khalau bocho no ake thaqhülo Shishe Akimthe-a lo iloni keu pephemla aphie

IBRIMI 9:8 ပူးပေါင်းရင်းမြစ်များ

Luke 1:80

John ye mutotoi thuwuve eno aghungu küxü lo mutotoive; eno pa ye Israelmi aqha zülo pephe-piyemo ke tsalà kutólo küghünamokeu-a lo xüache.

John 10:7

Tighenguno Jisü no itaghi pi, “Kuchou no I no nongu vilo pìní, ni ye ambeqow khagho ke.

John 10:9

Ni ye khagho ke; khukhumu I vechesü ilo kemi ye sükusho anani. Panongu no iloghi eno ipeve anani eno atsüni kümtsha phulu nani.

John 14:6

Jisü no khochile, “Ni ye alaghi eno kuchou, eno aküxü ke. I vechemo kelo ye timi khumu Apù lau ighi mülae.

Apostolmi 28:25

Panongu likhi panongu dolo no pulokile mülave püzü Paul no ashekhau tsa hi pive kethiu, panongu lakhi-khi no wove: “Aghungu Kimthe no Isaiah tungkupuu vechewo nongu pù-asüqo vilo pikeu ye kuchou ke:

Galatiami 3:8

Alhou no aküpülü vechewo Jewkumomiqo pelo achipikaluve pe nikeu azünatha ghi Kuchoyesü no ithuluve ke, eno Abraham vilo azüu no atsakiviu piputo tsüke: “Shiyeqo kümtsü O vechewo kümgha tsü kepu shi nani.”

Ephesiami 2:18

Kughengu pa vechewo nongu ghí eno ni ghí Aghungu lakhi vechewo Apù lau wu kulupu shi cheni ke.

IBRIMI 10:15

Hipau ghili ye Aghungu Kimthe ghí ningu lau thopi shike. Atüghishi pa no ishi pi:

IBRIMI 3:7

Ike, Aghungu Kimthe no pikeu toi: “Ishí nongu no pa sütsa ini aye,

IBRIMI 9:3

Nhaqhiphi akiniù thiu achebo lakhi Akimthe nguno Akimtheu-a ipi ku che,

2 Peter 1:21

Kughengu tungkuptsa ye khilemu timi pulou lono hukuthu shi ighi püamoe, ikemu tungkupumiqo ghí timi shi anamu Aghungu Kimthe no mijetsü keu vechewo Alhou lau no ighi keu tsape pi cheni ke.