IBRIMI 9:24 - Sümi Tiqhelimi Bible

²⁴ Kughengu Khristo ye timi u no kuchou kishishi mülà keu akimthe-a lo ilomo ke; pa ye ningu ghenguno Alhou gizülo ipeghi niye kungugha ampiu lo ilo ke.

BAIBEL (BSI)

²⁴ Kughengu Khristo ye timino shipeqhikeu Kimthe-alo iloke kumoe, Akimthe-A tiye kuchou kimihi shianamu, ikemu paye kungugha-alo iloke, itehi paye tilehi Alhou zulo ningu zuqhushi ngotsuani.

Sumi Naga CL (Re-edited) Bible (BSI)

²⁴ Kughengu Khristo ye au no shikeu, kuchou kimihi, akimthe-a lo iloke kumoe, ikemu itehi Alhou zülo ni züqhushi ipeghini ye kungugha lo iloke.

IBRIMI 9:24 ပူးပေါင်းရင်းမြစ်များ

MATTHEW 18:10

“Nongu ye mthamini hipaqo kititi gholo lakhimu jukünatha kepu kumoe, kughengu I no nongu vilo pi anike, kungugha lo panonguw kungumiqo ye pülhapuju I pù gi ithulu achenie.

Mark 14:58

“Pa no ishi pi aghí keu ningu no chilue, ‘I no timi u no mülà keu chineki hipau kütsave nani eno atsala küthü dolo no timi u no mülàmo keu kütau mülaqhive nani.’ ”

Mark 16:19

Ampeu Jisü no panongu pütsa tave kethiu, pa ye kungugha lo saikuve eno Alhou u ajeu iqave.

Luke 24:51

Pa no panongu kümgha tsü ghi panoqo qhive, eno pa ye kunguu saikuve.

John 16:28

Ni ye Apù lau no ayeghi lo ighike; ni ye itehi ye ayeghi qhive no Apù lau idewove cheae.”

John 6:62

Tishiaye tsalá Timi Nu no püzüu pa no achekeu-a lo ikuve keu nongu no ithulu aye kíshive nani kea!

Apostolmi 3:21

Alhou no khaghi no akimthemi tungkupumiqo vechewo piqhipüa keu toi Alhou no thowkha akithé shikitheve keu do ighi mphi kutólo pa ye kungugha lo ngo aghí moayesae.

Rommi 8:33

Khuu no Alhou no kisheluve kemiqo shou akipimí tsülu nani kea? Achipikalu pe chekeu ye Alhou no ke.

2 Kor. 5:1

Kughengu ningu no ithi akeu no ningu no ayeghi lo ngo chekeu ki shipüsave aye ningu ghenguno Alhou lau no ighi keu ki lakhi anie, tiye kungugha lo lhokta ki lakhi ke eno aki tipau ye timi u no mülà keu kumoe.

Kolosiami 3:2

Nongu kükümsü pesü kungu lo thimeqo shou belo, ayeghi lo thimeqo shou kümsüpuku kevilo.

IBRIMI 1:3

Anu ye Alhou juküvü yebide akeu eno Alhou lhoaye athoshi pephe-piye akeu ke. Eno pa tsa küká vechewo thowkha kümtsü puqhe pe acheni. Pa no ningu xinéqo shikimtheve kethiu, pa ye kungugha lo Akughushu Lhou u ajeu küdau iqave ke.

IBRIMI 12:2

eno Jisü amsüu eno aküpülü kupukülai kütsüu shou ningu nhethi süküqümo no juni nolo. Alokiqi pa zülo qhipüatsü keu ghenguno pa ye kros kukujo phitsümo no kutuuluve eno Alhou küká lakhü lo au ajeu küdau iqave ke.

IBRIMI 4:14

Tighenguno, ningu ye achinetomiqo shou atou akijeu, Alhou Nu Jisü, khuu kungugha lo ikuvea keno, pa anike ghenguno ningu ye ningu no piche keu küpülü mutotoi tsüqüpe ani nolo.

IBRIMI 6:20

tiye Jisü no ningu züu no ningu züqhu shi ilovea ke. Pa ye pülhapuju ghenguno Melchizedek no shikeu ghola lono achinetomiqo shou atou shivea.

IBRIMI 8:2

eno pa ye timi no mülà keu akimthe-a kumo püzü Ampeu no puloshoqhi-chebo kuchou mülà tsü keu akimthe-a lo achinetou shou atou kümlà shi acheni.

IBRIMI 8:5

Panongu ye akimthe-a lo hukuthu kümlà shi cheni ke eno tiye kungugha lo kiu ani keno tipau kíshi shikeu eno tipau yekükhü ke. Hi ghenguno Moses ye kughou pa no puloshoqhi-chebo shiqhepuku niye shi akeno pa no ishi pikichi ke: “Nongu ye thowkha kümtsü naghuto lo puloshoqhi-chebo ghola nongu pìyeve ketoi shini ke jukuto lo.”

IBRIMI 9:1

Ike puloshoqhi atüghiu ye akümlá ngò ayeghilow akimthe-a ghengu ghí yezashi acheke.

IBRIMI 9:23

Tighenguno kungugha thime kishishiqo ye aghakishi hipaqo vechewo shikimthe moayesa ke, ikemu kungugha thimeqo ye pano ghenguno aghakishi hipaqo nguno akiviu avehupu ke.

IBRIMI 9:9

Hiye itehi do ghuloki ghenguno kimghi pìye akeu lakhi ke, tiye aghò eno aghakishiqo Alhou mülá akeu vechewo Alhou mülá chekemi lolo kighithi mütsümishei müla kepi kichetsü anike.

1 Peter 3:22

Jisü Khristo ye kungugha lo wuvea eno Alhou u ajeu küdau iqa ani. Eno kungumi, kükagha eno akükaqo no pa qhoqhü ghi anie.

Piyeküsü 8:3

Kungumi kütau khuu ameshoyi no mülà keu kümlá kipiti bohu lakhi pesü akeno, pa no ighino akümlá-khache phivilo puthughove. Aküka lakhü zülo ameshoyi no mülà keu akümlá-khache-a lo Alhou’w timiqo kümtsü kighini gholo no mülá penike ghenguno müsüghüta kutomo pesü pa tsüke.