IBRIMI 9:14 - Sümi Tiqhelimi Bible

¹⁴ Tishiaye Khristo jì khikhi lhokta Ghungu vechewo tukutiye kühamithe no pa likhi pa pesü Alhou mülá keu ye khikuto lo ningu pelo xü akeu Lhou qe penike ghenguno ningu pelo akithí lo sawuve chekeu lau no ningu lolo kighithiqo shikimthe tsülu nani kea!

BAIBEL (BSI)

¹⁴ Khristo jihye tinguno shishe alau shilupe puanike. Pano lhokta Ghungu vechewo tukutiye kuhamithe ghi Alhou lau pa likhi pa pephe tsuvekeu pa jih huye avehupu kuhamithe keu kumla lono ningu mlo lotsuh shikimthe pesu akuxupu Lhou qelupeniyeke.

Sumi Naga CL (Re-edited) Bible (BSI)

¹⁴ Khristo, khuu no lhokta Ghungu vecheo tukutiye kühano Alhou lau pa ampi pephe tsü keno, pa ji ye tinguno alau ningu pelo aküxüpu Lhou huthu peniye akithipu kümla lono niw kiviküsa lotsü shikimthe tsülu nani.

IBRIMI 9:14 ပူးပေါင်းရင်းမြစ်များ

MATTHEW 12:28

Ikemu I no Alhou Ghungu küká vechewo tüghaküsaqo haphe aye, tiye Alhou kükaphu nongu shou ikughi anike.

MATTHEW 16:16

Simon Peter no khochile, “No ye xü akeu Lhou Nu Messiah ke.”

MATTHEW 20:28

kughengu Timi Nu ghí kütami pelo pa qe peniye ighike kumoe, ikemu kütami qe niye ighike, eno pa küxü pesü tsü no timi kutomo xaphelu niye ighike.”

MATTHEW 7:11

Tishiaye nongu küsaküghami thotsü thime kivi pesü nongu tianuli tsüke ye ithi aghí aye, nongu Papù kungugha lo akeu ye kíshi tinguno alau aghokivi pesü pa vilo khukemiqo tsü nani kea?

Luke 1:74

ni ghümi lau no ni xaphelu niye, eno ningu pelo msàmo no

Luke 12:24

Aghaqo ghili kümsüjulo: panongu ye kiumu yisü chemo momu ghile hu chemoe, panongu ye pekütsü kepu ale momu achebo kühae; tishi keghi Alhou no panongu lojí acheni. Eno nongu ye aghauqo nguno alau kiutoi akughupu kea!

Luke 12:28

Nongu aküpülü miqemilei kemiqo! Aluqa lo ishí ye xüa püzü thoghiu ye ami lo vesüve niye akeu axamunuqo kutólo ghí Alhou no tucho-mjo aye, pa ye tinguno alau khijehi nongu tucho nani kea.

Luke 4:18

“Ampeu Ghungu I shou ani, kughengu atsakiviu pe kumlhomi lau asheshu peniye pa no ni nukishelu ke. Akughumi lau khakiqhi kütüghü peniye eno anhethi kighichemi pelo ithulu kithe peniye, neda-qoda püa kemi phepuwu peniye

John 3:34

Kughengu Alhou no khuu puwu keno pa ye Alhou tsa pi cheni, kughengu Alhou ye kihikütha küha no Aghungu tsü cheni.

Apostolmi 1:2

tiye Aghungu Kimthe vechewo pa no apostolmi shipe niye kisheluve kemiqo lau mijeve tsü kethiu kungugha lo saikuve keu tsalà tomo ke kutólo ke.

Apostolmi 10:38

Nongu ye Alhou no kíshi Nazareth nó ghami Jisü shou Aghungu Kimthe eno aküka vechewo nukishelu keno ithi ani. Jisü no akümlà kivi shisü iqho-iqi eno tüghami küká lo qhasü pe akemi kümtsü shipivi ke, kughengu Alhou no pa gholo ae.

Apostolmi 14:15

“Aküsàmiqo, nongu ye kushiye hi shi ani kea? Nikujo ghí nongu toi timi ke. Ningu no nongu lau atsakiviu süghi akeu ye nongu pelo ameküha keu thime jeli hipaqo qhive no xü akeu Lhou, khuu no atsütsǘ, ayeghi, azüghi eno tipaqo lo akeu kümtsü lhosü keno, pa lau ideighi peniye ke.

Apostolmi 15:9

Alhou ye ningu eno panongu dolo kotha-kile keu shitsümoe, kughengu pa no aküpülü vechewo panoqo mlo shikimthe tsüke.

Rommi 1:20

Kughengu ayeghiqha pulhosü kelo nomu Alhou’w ithukümla meküaqo—tiye paw lhokta küká eno akimthe lhoaye—kinikujo mütsümishei ithuluvae, eno tiye kiu lhoqhi püani keno tipau lono vethaluvea, ikehu timiqo ye ajekukivi kiumu kühavae.

Rommi 1:4

eno Alhou nu kepi pephe-piye nike ghenguno pa ye Aghungu Kimthe küká vechewo akithí lono xülethuve ke: tiye ningu Mpeu Jisü Khristo ke.

Rommi 11:12

Ikemu tsalá panonguw hekibide no ayeghiqha ghenguno kinikülü shi aghí aye eno panongu pühave keu no Jewkumomiqo ghenguno kinikülü shi aghí aye, panongu kihisüluve keu vechewo kinikülü khijehi süghilu nani kea!

Rommi 11:24

Kughengu nongu Jewkumomiqo ye alho lono aghasa lo olive sübo lakhi kemu miché pewo alho lo lhoaye hexave ghi pighi achekeu olive sübo lo shokimepuku püakeu toi ke. Israel ye alho lono pighi achekeu olive sübo toi ke, eno Alhou ghengu ye hi pighi achekeu olive sübo lo icheiqive keu loka pesü pa likhi pa bò lo kimekitheve nikeu no mülalei ke.

Rommi 6:13

Nongu phi-au lakhimu pesü küsaküghaw küghaküsü shi ghi axiné lau ikhiphe tsü kevilo, ikemu tishini ke züqhulo akithí lono aküxü shive kemiqo toi O likhi O küxü pesü Alhou lau ikhiphe pe tsülo; eno O phi-au eno O mlo kükümsü kümtsü pesü achipiumikucho küghaküsü lakhi toi ikhiphe pe pa tsülo.

Rommi 6:22

Ikemu itehi ye nongu ye axiné lono kuqhopheve no Alhou qüaxemiqo shivae, nongu no alá shilu keu hu no akimthe lo sawu cheni, eno ashekha lo tiye lhokta küxü ithulu cheni.

1 Kor. 15:45

Ike ishi yèpüani: “Timi atüghiu Adam ye aküxü küami lakhi shi lhophe ke”; ikemu Adam ashekhau, tiye Khristo ke, ye aküxü-kütsüu ghungu shive ke.

2 Kor. 5:21

Khristo ye axiné kühae, ikemu Alhou no pa pesü ningu ghenguno axinemi kughulhove tsüke, tishi keu lono ningu pelo pa gholo küqha pe akeu vechewo Alhou’w achipiumikucho küsajelu peniye ke.

2 Kor. 6:16

Alhou’w achineki ngò ajulho lhouqo dolo kiu puloküqha kepu ani kea? Kughengu ningu ye xü akeu Lhou chineki ke. Kughengu Alhou no ishi pivae: “I no panoqo lolo xü nani eno panoqo gholo cheche nani, eno I no panongu Lhou shive nani, eno panongu no iw timi shive nani.”

Galatiami 2:19

“Kughengu ni ye Alhou ghenguno xü anike ghenguno ayeza vechewo ni ye ayeza lo thivae.

Ephesiami 2:5

pa no ningu no hebideve keu lono thive no ake ghuloki lono Khristo gholo no ningu xüputhu ke—nongu ye küpükini vechewo xaluvae.

Ephesiami 5:2

eno Khristo no ningu kimiye no pa likhi pa ikhiphe pesü ningu ghenguno Alhou lau axokütsüngü kümlagho eno aghakishi lakhi shi tsüve keu toi, kikimiye lono xüche lo.

1 Thes. 1:9

kughengu timi tipaqo ampi no ningu no nongu lau ighi kelo nongu no kíshi ningu ikhilu eno sasü tsü keno piakhani ke. Panongu no ningu vilo nongu ye ajulho lhou lau no kíshi kuchou eno xü akeu Lhou qe nike ghenguno tsüghǜ sü ighive keno ningu vilo pike.

1 Tim. 1:17

Lhokta Kükau, thive chemo keu, ithulu chemo keu, pa likhi no Alhou ke, pa lau alhokupuju lono alhokupuju kutólo agigihu eno ajuküvü ache pelo! Amen.

1 Tim. 3:15

I no munuve aye nongu pelo timi ye kíshi Alhou ki lo panongu likhi panongu süqeghili pephe-piye moayesa keno ithi peniye ke. Kughengu Alhou ki ye xü akeu Lhou kukuhou, atsükucho eno kuchou boqha ke.

Titus 2:14

pa no pa küxü pesü ningu ghenguno ikhiphe pe tsüve eno küsakügha kümtsü lau no ningu xachilelu eno pa likhi paw timiqo shikimthe tsüke, tiye ningu pelo kiu no akivi keno tipau lo minemighei shi ape niye ke.

IBRIMI 1:3

Anu ye Alhou juküvü yebide akeu eno Alhou lhoaye athoshi pephe-piye akeu ke. Eno pa tsa küká vechewo thowkha kümtsü puqhe pe acheni. Pa no ningu xinéqo shikimtheve kethiu, pa ye kungugha lo Akughushu Lhou u ajeu küdau iqave ke.

IBRIMI 10:10

Eno Alhou pulou vechewo ningu ye Jisü Khristo phimpi pe ghuthukhavi lono alhokupuju ghenguno aghakishi shive keu vechewo akimthe shiluvae.

IBRIMI 10:12

Ikemu kughou achineu hipau no alhokupuju ghenguno axinéqo ghakishi lakhi pe Alhou mülá keno, pa ye Alhou u ajeu küdau iqave ke,

IBRIMI 10:2

Tishimo aye, panongu ye Alhou mülá akeu taveni cheke kumo keshea? Kughengu akümlámiqo ye ghuthukhavi lono alhokupuju ghenguno mitheluve aghíni cheke, eno panongu ye panongu xinéqo ghenguno akipimí shi kümsümoni cheke.

IBRIMI 10:22

ningu Alhou lau amikucho mlo eno aküpülü vechewo pülüqhiyi süghi chekeu pesü kupunú wuni nolo, kughengu ningu mlo ye alolo kighithi shikipimi lono shikimthevea ke eno ningu phimpi ye azü kütsüghǘ no küzüteve no qhukimthevea ke.

IBRIMI 11:21

Jacob ye pa no thive niye akelo aküpülü vechewo Joseph nuli kümtsü kümgha tsüke, eno pa no pa küsǘ shou mungupe ghi Alhou mülá ke.

IBRIMI 13:12

Tighenguno Jisü ghí timiqo pelo pa jì vechewo mithelu penike ghenguno mishighüna khagho khalau no aghime shike.

IBRIMI 3:12

Athiküzümi eno achelimiqo, kutokupui lo, nongu gholo milakhi nomu axiné ngò pülü müla keu mlo xapu aghí no xü akeu Lhou lau no tsüghüsü wuve nosake.

IBRIMI 6:1

Tighenguno ningu ye Khristo ghiliw hukuthu kükütsüqo qhive no tekhoive keu kükütsü küdau wuni nolo eno akümlà khikhi akithí lo sawuve cheni keno tipau lono amlo pebideve no Alhou pülü keu, baptiz shikeu shikakütsü, au betsü keu, kithimi xüleputhu keu, eno lhokta kutólo küghathabeni keqo hu itaghi aboqha qhakithemoni nolo.

IBRIMI 7:16

tiye khuu pa pù-asüqo yezashi kiqi lono kumo no kütsave müla keu küxü küká vechewo achineu shilu keu hu ke.

IBRIMI 7:27

Achinetomiqo shou atou kütamiqo toi pa ye tsalà kipetsü atüghishi pa xiné ghenguno eno tithiu no timiqo xinéqo ghenguno aghakishi pesü Alhou mülá kepu vehu kühae. Pa ye kughou pa likhi pa ikhiphe pe tsüve keno tile no ghuthukhavi lono kümtsü xinéqo ghenguno aghakishi shive tsüke.

IBRIMI 9:12

Pa ye anetsü ngò amishitiqo jì vechewo ilo ke kumoe; ikemu pa ye ghuthukhavi kümtsü ghenguno pa likhi pa jì vechewo Akimthe Nguno Akimtheu-a lo ilo ke, tishi keu lono lhokta xakulu ithulu ke.

IBRIMI 9:26

Tishimo aye Khristo ye ayeghiqha lhopheve keu thiu ghuthu kutomo ime moayesave niche ke. Ikemu pa ye ghuthukhavi lono alhokupuju ghenguno pa likhi pa no aghakishi shive keu vechewo axiné peve nike ghenguno tiqheli kishekha lo ipeghi ke.

IBRIMI 9:7

Ikemu achebo alou ye achinetomiqo shou atou likhi no ilo cheni, eno ti ghí ampe lo ghuthu lakhi likhi ilo cheni, eno pa likhi pa ghenguno ngò timiqo no panongu kümtha ghenguno axiné shive keqo ghenguno Alhou mülá nikeu jì pemo kelo ye khilemu ilo chemoe.

IBRIMI 9:9

Hiye itehi do ghuloki ghenguno kimghi pìye akeu lakhi ke, tiye aghò eno aghakishiqo Alhou mülá akeu vechewo Alhou mülá chekemi lolo kighithi mütsümishei müla kepi kichetsü anike.

1 Peter 1:19

ikemu ambeti lakhi jì toi keu Khristo jì mekusho, tukutiye küha keu eno azaku küha keu no nongu xaluvea ke.

1 Peter 2:22

“Pa ye axiné lakhimu shimoe, eno pa kichí lo pishikiqhi tsa lakhimu phumlae.”

1 Peter 2:24

Khristo ampi no kros lono “Pa phimpi no ningu xinéqo puluve tsüke,” tishi keu vechewo ningu pelo axiné lo ye thive no achipiumikucho ghenguno xüpe niye ke; “Pa zakuqo vechewo nongu ye shipivi luvae.”

1 Peter 3:18

Kughengu Khristo ghí Alhou lau ningu saighi nike axiné ghenguno ghuthukhavi no kümtsü ghenguno imeve ke, amikuchou no amikucho kumomi ghenguno thive ke. Pa phimpi ye pìthíve ke ikemu Aghungu lono xüputhuveke.

1 Peter 4:2

Hi ghenguno, panongu ye ayeghi lo xü ake thaqhülo ye timiw shinishiqhiyi keu küsakügha küxü lo xü chemoe, ikemu tishini ke züqhu Alhou pulou ghenguno xü acheni.

1 John 1:7

Ikemu pa no aküvü lo akeu toi, ningu no aküvü lo xü aye, ningu ye lakhi no lakhi sasü kuposhu ani, eno pa Nu Jisü jì no axiné kümtsü lono ningu shikimthe tsü acheni.

1 John 3:5

Ikemu nongu no ithi akeu toi pa ye ningu xinéqo ikhipe wuve nike ghenguno ipeghi ke. Eno pa lolo ye axiné küha ke.