IBRIMI 8:9 - Sümi Tiqhelimi Bible

⁹ Tiye kughou I no panongu pù-asüqo sasü panonguw au lono sünhepe no Egypt lono panongu sasü ipeghi ke toi keu puloshoqhi kumoe, panongu no iw puloshoqhi lo amikucho shimo ke ghenguno I no panongu lau no tsüghüsü wuve ke, ipi Ampeu no shuphe ke.

BAIBEL (BSI)

⁹ Tiye pano puasuno Ijip yeghilo akelo a-u lono ino sunhephe pesu ipeke tsalanino Ino panoqo sasu puloshoqhi shikeu toimo nani. Ino panoqo sasu puloshoqhi shikeulo panonguno pukhubekile moveke, ike ino panongu jukutomoveke, ipi Ampeu no pi:

Sumi Naga CL (Re-edited) Bible (BSI)

⁹ ti ye pano puasü no Egypt yeghi lo akelo I no au no sünhe saipeke tsalani no panoqo sasü puloshoqhi shikeu toimo nani. Kughengu panongu no Iw puloshoqhi pulo move kehu I no panongu jukuto moveke, ipi Ampeu no sheshu.

IBRIMI 8:9 ပူးပေါင်းရင်းမြစ်များ

Mark 8:23

Ike Jisü no anhethi kighicheu hu au lono sünhe pesü aphu nguno khalau sasü ipeve. Tisheno Jisü no pa nhethi lo amití müsüsü tsü püzü pa u pesü pa nhethi lo bu tsü no ishi iniju, “No ye kiumu ithulu ani keo mokea?”

Apostolmi 13:11

Itehi Ampeu’w küghakütha u O shou ikughi nani. No ye anhethi icheve nani eno ado hami khetsünhe küvü ghí ithumlave nani.” Paikhavi lono akimhi eno zümoi keu no pa nhethi küzüpholuve, eno khukhumu pa u lono sünhepe tsüpe niye phu ghi küka wuve.

Apostolmi 7:36

Pa no panoqo sasü Egypt lono ipeghino Egypt yeghi lo akümzapu eno amichipu kümlàqo shike, tiye Akuhu Züghi lo ngò küghünamokeu-a lo ishi ampe lhobidi kutólo tishi ke.

Apostolmi 9:8

Saul no ayeghi lono ithughi, ikemu kughou pa no anhethi tsükho keno pa ye kiumu ithumlae. Ikehu panongu no pa u sünhe pesü pa sasü Damascus lo ilo.

Galatiami 4:24

Thime hipaqo ye kimghi pìye keu ghola lono ikhilu cheni: Totimi küma ye puloshoqhi kini kiche-piye akeu ke. Puloshoqhi lakhi ye Sinai Naghuto lono eno aqüaxemi shini keu anuliqo punú ke: Hiye Hagar.