IBRIMI 6:9 - Sümi Tiqhelimi Bible

⁹ Kimiye chekemi shompamiqo, ningu no ishi pi aghí namu, nongu shélo ye thime akiviu shi aghí nani kepi pülülu ani—tiye xakulu vehuqo ke.

BAIBEL (BSI)

⁹ Ikemu nino hikithipu pianamu kimiyechekeqo, nongu sheloye xakulupu gholo nongu kukumghapu akiviu anike.

Sumi Naga CL (Re-edited) Bible (BSI)

⁹ Kimiye chekeqo, nino hipa gholau no pi animu nongu vehu loye hinguno akiviu—xakulupu thebei ani.

IBRIMI 6:9 ပူးပေါင်းရင်းမြစ်များ

Mark 16:16

Khunoqo no pülüluve püzü baptiz shiveni keno xaluve nani, ikemu khunoqo no pülübemoni keno kiléqhive nani.

Apostolmi 11:18

Kughou panongu no hi chilu keno, panongu ye kiumu lachilelu keu shimove eno Alhou sheqhe ghi ishi pi, “Tishiaye, Alhou ye Jewkumomiqo kutólo ghí amlo pebide keu vechewo aküxüpu shilu penike puloza tsüvae.”

Apostolmi 20:21

Ni ye Jewmi ngò Greekmiqo kinikujo vilo ghí panongu ye Alhou lau xaideighi no amlo pebideve püzü ningu Mpeu Jisü shou pülübe moayesa kepi shukiphe shive tsüae.

1 Kor. 10:14

Tighenguno I no kimiye chekemi shompamiqo, ajulho kümlá lau no pove lo.

2 Kor. 12:19

Nongu ye ado hito-tohi nongu lau no nilikhi ningu süsho ani küghashi kümsü ani keshea? Khristo gholo ache kemi toi ningu ye Alhou zülo no pi acheni; ikehu kimiye chekemi shompamiqo! Ningu no mülà keu kümtsü nongu shikumto pe nikeu ghenguno ke.

2 Kor. 7:1

Tighenguno kimiye chekemi shompamiqo, ningu ye pikiqhi hipaqo ani kehu Alhou gihu keu ghenguno thowkha lo akimthe kupukülai shini ke aphimpi ngò aghungu shikuchubeve chekeqo thime kümtsü lau no ningu likhi ningu shikimtheveni nolo.

2 Kor. 7:10

Alhou lau no ighi keu mloghime ye amlo pebidelu keu süghi cheni eno tipau no xakulu laghi lo sawu cheni eno kiumu kümsüchile akepu qhitsü chemoe, ikemu ayeghilomi ghola mloghime ye akithí süghi cheni.

Galatiami 5:6

Kughengu Khristo Jisü gholo ye aphighüyiko ghave keu momu aphighüyiko ghamo keu nomu akhoto kumoe. Ikemu kikimiye vechewo aküpülü pephe-piye keu likhi kihi cheni ke.

IBRIMI 10:34

Nongu ye akughuki lo akemiqo gholo imeküqha ke eno nonguw tinhemüghaqo ikhiluve tsü kelo alokivishi ke, kughengu nongu ye nolikhi no ghenguno tinguno amheghi akiviu eno pepushu nikeu ani kepi ithi ake.

IBRIMI 10:39

Ikemu ningu ye khunoqo no athiu idewove no kütsave cheni keno tipaqo laumi kumoe, ikemu ningu ye aküpülü aghí no xaluve kemiqo ke.

IBRIMI 2:3

tsalá ningu no xakulu kijè hikithipu phimo aye ningu ye kíshi no pokajolu nani kea? Xakulu hipau khikhi Ampeu no atüghishi shuphe keno tiye timi khunoqo pa tsa chilu keno panongu no ningu lau ithitoi shitsü ke.

IBRIMI 5:9

eno ghuthu lakhi kupukülai shive tsü kethiu, pa ye pa gholu chekemi kümtsü ghenguno alhokupuju xakulupu ipekighiu shive ke

IBRIMI 6:10

Alhou ye achipiu kumo shichemo ke; pa ye nongu kümlàqo eno nongu no paw timiqo kuphu keu eno tamo no kuphu akeu vechewo kikimiye pa pìyeve keu khilemu kümsümamo nani.

1 Peter 2:11

Kimiye chekemi shompamiqo, inami eno hapheve kemiqo kehu, ni ye nongu pelo axiné kümlà shinishiqhiyi chekeu, khikhi nongu ngulho sasü aghüshi acheni keno, tipau lau no putosü apenike hakite ani.

2 Peter 3:1

Kimiye chekemi shompamiqo, hiye nongu lau iw yèsü akiniù ke. Ni ye nongu pelo akükümsü akivipu lo kümsüpuku peniye nongu lau shikumto ghi pikithe akeu shi yèsü kinikujo yè ke.

1 John 2:7

Kimiye chekemi shompamiqo, ni ye nongu lau azakütsü akithé yè anike kumoe ikemu aqau hu ke, tiye khikhi abothu lonomu nongu no ache keno tipau ke. Azakütsü aqau hipau ye nongu no akükütsütsa chiluve keu ke.

Jude 1:3

Kimiye chekemi shompamiqo, ni ye nongu lau ningu no xakulu küsaje akeu ghili yè nishiqhiyi akemu, ni ye nongu lau Alhou’w akimthe timiqo lau ghuthukhavi ghenguno aküpülü pichetsü keu vehu lo yè eno nongu pelo tipau kütsala penike hakite ani.