IBRIMI 6:6 - Sümi Tiqhelimi Bible

⁶ eno khunoqo no ikiqivea keno, tipaqo saideghi püzü amlo pebideve pe nikeu ye kushokütsüpu ke. Panongu haküsapu shi panongu ye itaghi huthu kithethu shi Alhou Nu yedapithi ani eno mìshí zülo no pa shikukujo anie.

BAIBEL (BSI)

⁶ ikiqive aye, panonguno itaghi Alhou Nu kros lo yeda kithe ani eno aqha zulono ikhiphepe pa shikukujo anike ghenguno timi tipaqo sachilesaghi puzu akuxu xukidelu nikeuye kushokutsu puke.

Sumi Naga CL (Re-edited) Bible (BSI)

⁶ kethiu no ikiqiveni keno, panongu ye itaghi pano ghüzave ghi kros lo Alhou Nu yeda kithe no shikukujo ani keke panoqo sasü xaideghi luni keu ye kushokütsüpu ke.

IBRIMI 6:6 ပူးပေါင်းရင်းမြစ်များ

MATTHEW 19:26

Jisü no panongu ju no ishi pi, “Timi ghenguno hiye kushokütsüpu ke, ikemu Alhou ghengu ye thowkha shikulupu anie.”

Luke 11:48

Ikehu nongu pù-asüqo no kiu shive keno nongu ghí puloküqha tsü cheni; panongu no tungkupumiqo ghiqhi pìthíve eno nongu no panongu thigho mülà tsüke.

2 Tim. 2:25

Mujochile chekemi vilo agholau no shika moayesae. Alhou no panongu mlo pebide tsü no kuchou ithikulupu laghi lo sawu nani kepi lajupu qhi moayesae,

IBRIMI 10:26

Tsalá ningu no kuchou kighithi ithuluve kethiu ghí ithithai axiné shiauve aye, axiné shikimthe nikeu ghenguno aghakishi kühavae,

IBRIMI 10:29

Khuu no apukhu pesü Alhou Nu qodani, khuu no panongu shikimtheve keu puloshoqhi jì pesü mithemo ketoi kihini, eno khuu no küpükini Ghungu thaighani keno, panongu ye aghime kitikhi khijehi alau ithulu nani kepi nongu ye kümsü ani kea?

IBRIMI 12:2

eno Jisü amsüu eno aküpülü kupukülai kütsüu shou ningu nhethi süküqümo no juni nolo. Alokiqi pa zülo qhipüatsü keu ghenguno pa ye kros kukujo phitsümo no kutuuluve eno Alhou küká lakhü lo au ajeu küdau iqave ke.

IBRIMI 4:14

Tighenguno, ningu ye achinetomiqo shou atou akijeu, Alhou Nu Jisü, khuu kungugha lo ikuvea keno, pa anike ghenguno ningu ye ningu no piche keu küpülü mutotoi tsüqüpe ani nolo.

IBRIMI 6:4

Timi khunoqo no ghuthu lakhi ye kuchou vethaluvea, khunoqo no kungugha ghò micheluvea, khunoqo no Aghungu Kimthe ghò küsajevea,

2 Peter 2:21

Panongu ghengu ye achipiumikucho laghi ithive no panongu zübo pe panongu lau kiye ighi keu akimthe zakütsü tsü nike züqhulo panongu ye achipiumikucho laghi mtha keu pavini cheke.

1 John 5:16

Tsalá nongu no athiküzümi momu achelimi khuala no akithipu lo sawuvemo kepu xiné shive keu ithulu aye, nongu ye akighini shi moayesa eno Alhou no aküxü panongu tsü nani. Ni ye axiné khipaqo no akithipu lo sawuve chemo keno tipaqo pi anike. Akithipu lo sawuve chekeu xiné lakhi ani. Ni ye nongu vilo tipau ghenguno akighini shilo pi anike kumoe.