IBRIMI 6:4 - Sümi Tiqhelimi Bible

⁴ Timi khunoqo no ghuthu lakhi ye kuchou vethaluvea, khunoqo no kungugha ghò micheluvea, khunoqo no Aghungu Kimthe ghò küsajevea,

BAIBEL (BSI)

⁴ Kishipuzu khunoqono ikiqisu wuvenikeno tipaqo sachilesawo itaghi akuxu xaide ighilu nani kya? Khunoqono ghuthu lakhi Alhou kuvulo ache, kungughagho micheve, Aghungu Kimthe gho ithuluve,

Sumi Naga CL (Re-edited) Bible (BSI)

⁴ Kughengu kushokütsüpu lakhi akeu ye, khunono ghuthu lakhi lo Alhou küvü lo ache, kungugha gho michelu, Aghungu Kimthe gho küsajelu,

IBRIMI 6:4 ပူးပေါင်းရင်းမြစ်များ

MATTHEW 12:45

pa no wu no pa nguno alau küsakügha ghungu kütami tsünì sasü pa gholo ighino panongu tile ilo ngove cheni. Tithiu timi tipau ye atüghi lo nguno alomo kitheve cheni. Küsakügha tiqheli hipau lau hikithipu shi nani.”

MATTHEW 5:13

“Nongu ye ayeghilomi ghenguno amitì ke. Ikemu amitì no aküqhü kühave aye tiye kíshi no itaghi qhü kitheluve nani kea? Khalau peleve no timi no qodave nike kumo aye, tiye kiumu avehupu kühavae.

John 15:6

Nongu no I gholo kimepemo aye, nongu ye aloka peve püzü thizümüive keu toi ke; aloka tipaqo ye kiche pesü ami lo vesüve no pitive cheni.

John 3:27

Ike John no khochile, “Timi lakhi ye kungugha lono kiu tsüvea keno tilikhi ithulu nanie.

John 4:10

Jisü no li khochile, “Tsalá nono Alhou no tsü keu ghò ithi aghí eno khuu no O vilo azü khu ani keno pa ithi aghí ke aye, no ye pa vilo aküxüpu zü khuni cheke eno pano ti O tsüní cheke.”

John 6:32

Jisü no panongu vilo pi, “Kuchou no I no nongu vilo pìní, kungugha lono asho tsü keu ye Moses no kumo ke, ikemu I pù no kungugha lono kuchou sho pesü nongu tsü cheni.

Apostolmi 10:45

Jewmi küpülümi Peter gholo ighi kemiqo ye Jewkumomiqo shou ghí Aghungu Kimthe lepuku tsü aghí keu ithulu no akichiqhive.

Apostolmi 11:17

Ike Alhou no aghò pesü ningu tsü keu toi Ampeu Jisü Khristo pülüluve kemiqo ghí tsü aye, ni ye khuu keno I no Alhou lakha kulupu kea?”

Apostolmi 15:8

Alhou, khuu timi mlo ithikicheu keno, pa no ningu lau shikeu toi Jewkumomiqo ikhilu ani kepi pephe-piye keu michi shi Aghungu Kimthe panongu tsüke.

Apostolmi 8:20

Peter no khochile: “Ow pisa ghí O gholo no pühave peniu, kughengu nono pisa pesü Alhou lau no ighi keu ghò qhülu nani küghashike.

Rommi 1:11

Ni ye nongu ithulu nishi ani, tishianguno nongu pelo akumto shilu pe nikeu ghungu ghò hami nongu tsü niye ke—

2 Kor. 4:4

Hipau tiqheli lhou no pülümo kemiqo kükümsü kighicheve tsüae, tishi keu vechewo panoqo pelo Khristo khuu Alhou jukimihi keno pa juküvü pephe-piye chekeu tsakiviu küvü ithulu pemo niye ke.

2 Kor. 4:6

Kughengu Alhou khuu no, “Aküvü pelo àküzǘ lono vüipeghi pelo,” ipi keno, Jisü Khristo gi lo Alhou juküvü pephe-piye keu ithilu kepu küvü ningu tsüní ke ghenguno pa küvü pesü ningu mlo lo yepüvü tsüke.

Galatiami 3:2

Ni ye nongu lau no thime lakhi ithive nishi anie: Nongu ye ayeza lo shikupulu keu vechewo Alhou Ghungu ithulu keo nongu no kiu chilu keno tipau pülü keu vechewo no kea?

Galatiami 3:5

I no itaghi iniju ani, Alhou no pa Ghungu nongu tsü no akichiqhipu kümlàqo shi chekeu ye ayeza lo shikupulu keu vechewo no keo nongu no kiu chilu keno tipau pülü keu vechewo no kea?

Ephesiami 1:18

Ni ye nongu mlo nhethi pelo alopütsülu pe nikeu ghenguno inikhu acheni, tishianguno nongu pelo pa no nongu kulù püakeu lajupu akeu, paw akimthe timiqo gholo ajuküvü mheghi kinikülü shi akeu,

Ephesiami 2:8

Kughengu nongu ye küpükini lono aküpülü vechewo xaluvae—eno hiye nongu likhi nongu no shilu ke kumoe, hiye Alhou’w aghò ke—

Ephesiami 3:7

Ni ye pa küká kümlà vechewo Alhou’w küpükini ghò I tsü keu vechewo atsakiviu hipau qemi lakhi shilu ke.

Ephesiami 4:7

Ikemu Khristo no küsaje tsü keu toi ningu kümtsü lau küpükini tsüpüani.

1 Tim. 4:14

Kughou kichimiqo no panongu u pesü O shou be keno tile no tungkuptsa vechewo aghungu ghò O tsü keu hu kughucho kevilo.

2 Tim. 2:25

Mujochile chekemi vilo agholau no shika moayesae. Alhou no panongu mlo pebide tsü no kuchou ithikulupu laghi lo sawu nani kepi lajupu qhi moayesae,

2 Tim. 4:14

Ayì kümlàu Alexander no ighono I ghimeqhi ke. Pa no kiu shivea keno Ampeu no pa lochile nani.

IBRIMI 10:32

Püzüu tsalaqo lo nongu no Jisü ithiluve kethiu, nongu no aghime chhitoi keu küküpüna kijè puqhe keqo hu kümsülulo.

IBRIMI 2:4

Alhou ghí xakulu hu ye amichipu, akichiqhipu, eno akümzapu kümlà jeliqo eno pa pulou kiqi lono kijé tsü keu Aghungu Kimthe ghòqo vechewo thopi shitsü ke.

1 John 5:16

Tsalá nongu no athiküzümi momu achelimi khuala no akithipu lo sawuvemo kepu xiné shive keu ithulu aye, nongu ye akighini shi moayesa eno Alhou no aküxü panongu tsü nani. Ni ye axiné khipaqo no akithipu lo sawuve chemo keno tipaqo pi anike. Akithipu lo sawuve chekeu xiné lakhi ani. Ni ye nongu vilo tipau ghenguno akighini shilo pi anike kumoe.