IBRIMI 6:12 - Sümi Tiqhelimi Bible

¹² Ningu ye nongu pelo akipichi shive penishi amoe, ikemu timi khunoqo no aküpülü ngò kutuukulu vechewo piqhipüa keu mheghi ighíluni keno tipaqo toi shipe nishi ani.

BAIBEL (BSI)

¹² Nonguye khilemu kughuchove kepu kumoe ikemu khunoqono akupulu eno kheakulu shikeu vechewo Alhou no piqhipuakeu mheghi iyighilu keno tipaqo kimihi shipenishi ani.

Sumi Naga CL (Re-edited) Bible (BSI)

¹² tishianguno nongu ye qeinaive mono khunono aküpülü eno kheakulu vecheo pikiqhitsa ighilu keno tipaqo kimihi shilu peniye ke.

IBRIMI 6:12 ပူးပေါင်းရင်းမြစ်များ

MATTHEW 22:32

‘Ni ye Abraham Lhou, Isaac Lhou, eno Jacob Lhou,’ ipi ke eno pa ye kithimi Lhou kumoe ikemu küxümi Lhou ke.”

MATTHEW 25:26

“Pa mpeu no khochile, ‘No küsakügha, akipichi qeu! Ike no ye I no shosümo keu lo ghile hu eno I no apitì vesümo keu lo pekütsüluve chekeu ithi ani kena lai?

Luke 16:22

“Kughou khukuchumi hu thive keno kungumiqo no kuho pesü Abraham phivilo saighi. Kiními hu ghí thive eno qhove.

Luke 8:15

Ikemu ayeghi kivi lo apitì vesülu keu ye xüpivi chekemi eno amlo kivimiqo, panongu ye Alhou tsa chilu no ikhilu kemiqo, eno akumto shikeu vechewo athi kutomo pithílu kemiqo ke.

Rommi 12:11

Azükini shini keu lo khilemu kughuchove kevilo, ikemu aghungu lono minemighei ghi Ampeu qe lo.

Rommi 2:7

Khunoqo no tamo no akümlà kivi shikeu lono ajuküvü, agigihu eno khilemu thivemo nikeu phu cheni keno, Alhou no lhokta küxü tsü nani.

Rommi 4:12

Eno tilikhi kumo no Abraham ye aphighüyiko ghave kemi khunoqo no aphighüyiko ghave keu likhi kumo no pa no aphighüyiko ghamphi züu pape chekeu küpülü pukhu nepa lo checheni keno panongu papù ghí ke.

1 Thes. 1:3

Ningu ye ningu Lhou eno Apù zülo nongu küpülü vechewo akümlà ipeghi keu, kikimiye vechewo nongu kümlà kite keu, eno ningu Mpeu Jisü Khristo lono lajupu akeu no müzüsütsü keu vechewo nongu no kutuukulu shi akeu kümsülu acheni.

2 Thes. 1:4

Tighenguno, nongu no pishi-puju keu eno peju keu kümtsü sholu akeu dolo tsükhoi shi no kutuukulu eno aküpülü pighi akeu ghenguno ningu ye Alhou kukuhou dolo ghí nongu jupe agijivilei acheni.

IBRIMI 1:14

Kungumi kümtsü pichebekümlà ghunguqo püzü panongu ye xakulu mheghi ighílu niye shi akemiqo huthu pe nikeu ghenguno puwu ke kumo keshea?

IBRIMI 10:36

Nongu ye tsükhoi shini keu avehupu shi ani, tishianguno kughou nono Alhou pulou shini keno no ye kiu piqhipüa keno tipau ithulu nani.

IBRIMI 11:33

panongu ye aküpülü vechewo akükaphuqo lelu, amikucho yekipe pelu, eno kiu piqhipüa keno tipau ithulu ke; khuu no abongushuu baxaqo kimikeve tsü,

IBRIMI 12:1

Tighenguno, ningu ye thopimi aqokitikhi hijejehi no ningu sümxa pe anike ghenguno, ningu lakha chekeu thimeqo eno mülalei kitimeve chekeu xinéqo kümtsü ikhipe peveni nolo. Eno ningu pelo pokuxu penike ghenguno amichi shipüa keu gholo tsükhoi shi no poni nolo,

IBRIMI 13:7

Nonguw sakiphemi khunoqo no Alhou tsa pesü nongu vilo piche keno panongu kümsülulo. Panongu küxü gholaw visavili kümsüju no panongu küpülü kimihi shilo.

IBRIMI 5:11

Ningu ye hipau vehu lo kutomo pi kepu ani, ikemu nongu pelo mütsümishei ithilu pe nikeu ye kushokütsü ke, kughengu nongu no vethalu nikeu lo pükapütsa keu shimovea ke.

IBRIMI 6:15

Ikehu kutuukulu shi khea kethiu, Abraham ye pa lau kiu piqhipüa keno ithulu ke.

James 1:3

kughengu nongu küpülü peju keu no tsükhoi keu iqiphe chekeu nongu no ithi anike.

2 Peter 1:10

Tighenguno, I thiküzümi eno I chelimiqo, thowkha lo pükapütsa no nonguw kukulu eno kishekulu shikumto nike azükini shi alo. Kughengu nongu no hipaqo shi aye, nongu ye khilemu küpüxalumo nani,

1 John 2:25

Eno pa no ningu lau piqhipüa keu ye hike—tiye lhokta küxü ke.

Piyeküsü 13:10

“Khunoqo akughu shiwuve kepu shi akeno, panongu ye akughu shiwuve nani. Akihizüta pesü khunoqo ghiqhive kepu shi akeno, akihizüta pesü panongu ghiqhive nani.” Hiye Alhou’w timiqo pelo kheakulu shi kutuulu eno amikucho shipe niye ghutú akeu ke.