IBRIMI 6:1 - Sümi Tiqhelimi Bible

^1-2 Tighenguno ningu ye Khristo ghiliw hukuthu kükütsüqo qhive no tekhoive keu kükütsü küdau wuni nolo eno akümlà khikhi akithí lo sawuve cheni keno tipau lono amlo pebideve no Alhou pülü keu, baptiz shikeu shikakütsü, au betsü keu, kithimi xüleputhu keu, eno lhokta kutólo küghathabeni keqo hu itaghi aboqha qhakithemoni nolo.

BAIBEL (BSI)

¹ Tishiaye khristomino pepimhe chekeu atughilo kukutsu nguno alau ninguye tekhoyikeu kukutsu kudau azuu hawoni nolo eno axine lono xakide ighi puzu Alhou pululukeu,

Sumi Naga CL (Re-edited) Bible (BSI)

¹ Tighenguno ningu abothu lo Khristo ghili pekishe chekeqo nguno alau tekhoike küdau wuni nolo, akithi kümla lono xaidelu keu eno Alhou lau aküpülü belu keu boqha qhakithe moni,

IBRIMI 6:1 ပူးပေါင်းရင်းမြစ်များ

MATTHEW 21:29

“ ‘Ni ye humoe,’ ipi pa no khochileve, ikemu itou ye pa kükümsü kilive no huve.

MATTHEW 21:32

Kughengu John no nongu lau ighi keu ye achipiumikucho laghi nongu pìye nike ghenguno ke, tishimu nongu no pa pülümoe; ikemu zame küqhami eno kütüqhamiqo ye pa pülüe. Eno nongu no ti ithulu kethiu ghi, nongu ye amlo pebidemoe eno pa pülümoe.

MATTHEW 3:2

eno ishi pi, “Amlo pebidelo kughengu kungugha kükaphu ye kupunú ighivae.”

MATTHEW 4:17

Tipathiu Jisü no ishi kütsü thuve, “Amlo pebidelo, kughengu kungugha kükaphu ye kupunú ighivae.”

MATTHEW 5:48

Kupukülai kemi shilo, kughengu nongu Papù kungugha lo akeu ye kupukülai ke.”

MATTHEW 7:25

Tsütsüghu ighi, atshünazü qò ighi, eno pasapagha mülhü ighi eno aki tipau tukuchoqhi; ikemu aki tipau ye ilaiqimoe, kughengu aki tipau ye atuqu shou aboqha shipüa ke.

Mark 1:1

Alhou Nu, Jisü Messiah tsakiviu ghili hukuthu ye

Mark 6:12

Panongu no chewu püzü timiqo vilo amlo pebide masa keu tsa kütsüe.

Luke 6:48

Panongu ye timi lakhi no aki shi ake toi ke: pa no thonhei chhusü eno atuqu shou aboqha qhae; kughou atshünazü ighi keno aki tipau chhele ighi ikemu tiye süküghütha mülae, kughengu tiye akivishi shipüa ke.

John 12:44

Tisheno Jisü no ighamuku pi, “Khukhumu I shou pülübeluve keu ye I shou likhi pülü anike kumoe, ikemu khuu I puwu keno pa shou pülü ani.

John 14:1

“Nongu mlo kütakihi pe kevilo. Nongu no Alhou shou pülülo eno I shou ghí pülülo.

John 5:24

“Kuchou no I no nongu vilo pìní, khukhumu I tsa chilu püzü I puwu keu pülüni keno lhokta küxü ithulu nani eno küghathabemo nani ikemu akithí vechesü aküxü lo ikuvae.

Apostolmi 11:18

Kughou panongu no hi chilu keno, panongu ye kiumu lachilelu keu shimove eno Alhou sheqhe ghi ishi pi, “Tishiaye, Alhou ye Jewkumomiqo kutólo ghí amlo pebide keu vechewo aküxüpu shilu penike puloza tsüvae.”

Apostolmi 17:30

Khaghi mtha keu ghuloki lo ye Alhou no jukümghaleve tsüche, ikemu itehi ye pa no aqha kuchopu lo timi kümtsü vilo amlo pebide penike azah tsü ani.

Apostolmi 2:38

Peter no khochile, “Nongu kümtsü nongu xinéqo qhivetsü penike ghenguno amlo pebideve no Jisü Khristo je lono baptiz shiluve lo. Eno nongu no Aghungu Kimthe ghò ithulu nani.

Apostolmi 20:21

Ni ye Jewmi ngò Greekmiqo kinikujo vilo ghí panongu ye Alhou lau xaideighi no amlo pebideve püzü ningu Mpeu Jisü shou pülübe moayesa kepi shukiphe shive tsüae.

Apostolmi 26:20

Ikehu I no kütsü chekeu ye atüghishi Damascus lo akemiqo, tithiu no Jerusalem lo eno Judea qha kümtsü lo akemi eno tithiu no Jewkumomiqo pelo amlo pebideve no Alhou lau xaideghive püzü panongu no xaideghive keu hu akümlàqo lono pephe-piye peniye ke.

Apostolmi 3:19

Tishiaye amlo pebideve lo, eno Alhou lau xaide ighilo, tishianguno nongu xinéqo nuxave tsü penike eno aghüthipüxü keu do tipau ye Ampeu lau no ighi peniye ke,

1 Kor. 13:10

ikemu kughou kupukülai keu ighiveni keno, kupukülaimo keu kiu ani keno tiye hauve nani.

1 Kor. 2:6

Tishimu ningu ye alayemi gholo alokütsü tsa pi cheni, ikemu hipau tiqheli momu hipau tiqheliw ayekipemiqo lokütsü kumoe, panoqo lokütsü ye hauve niye akeu ke.

2 Kor. 7:1

Tighenguno kimiye chekemi shompamiqo, ningu ye pikiqhi hipaqo ani kehu Alhou gihu keu ghenguno thowkha lo akimthe kupukülai shini ke aphimpi ngò aghungu shikuchubeve chekeqo thime kümtsü lau no ningu likhi ningu shikimtheveni nolo.

2 Kor. 7:10

Alhou lau no ighi keu mloghime ye amlo pebidelu keu süghi cheni eno tipau no xakulu laghi lo sawu cheni eno kiumu kümsüchile akepu qhitsü chemoe, ikemu ayeghilomi ghola mloghime ye akithí süghi cheni.

Ephesiami 2:1

Nongu ye nongu hekibide eno nongu xiné lo thive no acheke.

Ephesiami 2:5

pa no ningu no hebideve keu lono thive no ake ghuloki lono Khristo gholo no ningu xüputhu ke—nongu ye küpükini vechewo xaluvae.

Ephesiami 4:12

tiye hukuthu kümlapù ghenguno paw timiqo kutokughoi pe qhi niye ke, tishianguno Khristo phimpi shiqhepukulu peniye ke,

Kolosiami 1:28

Ningu no asheshu chekeu ye Khristo ke. Alhou no alokütsü ningu tsü keu kümtsü pesü ningu ye timi kümtsü vilo kütüghü eno shika acheni, tishianguno timi kümtsü pesü Khristo lono tekhoi shi no Alhou zülo qhitsü niye ke.

Kolosiami 3:14

Eno alhoaye kivi hipaqo kümtsü shou kikimiye pepulo, kughengu kikimiye no alhoaye kiviqo kümtsü kupukülai shi tsüghaküqha tsü cheni.

Kolosiami 4:12

Epaphras khuu Khristo Jisü qeu lakhi eno nongu gholo kuposhu ache keno pa ghí petha tsüpuwu ani. Pa ye pülhapuju nongu ghenguno pulopiniyi inikhu acheni, tiye nongu pelo thowkha kümtsü lo Alhou pulou shilu no ithamo püzü tekhoi eno mütsüqhei shi puthugholu peniye ke.

1 Tim. 3:16

Mütsüqhei no Alhou’w tuqhou khipau vechewo ningu küpülü qò ipeghi cheni keno tiye hike: Khristo ye timi shì shi no ighi, Aghungu no pa saphu, kungumiqo no pa ithulu, shiyeqo gholo pa shepe shi, ayeghiqha no pa pülü wove, ajuküvü lono saikuve.

1 Tim. 6:19

Hitoi shikeu lono panongu no pano sala kungu lo akinikhuki pekütsü pesü püalu nani eno tipau no ighi nikeu tiqheli ghenguno aboqha kumto shilu nani, tishianguno panongu pelo khipau no kuchou küxü keno tipau küxü tsüqüluve peniye ke.

2 Tim. 2:19

Tishiaghi namu, Alhou kumto boqha ye ithamo no athoshi aphi eno atsa hipau mekhave no hitoi küxüpuku pe püani: “Ampeu ye khunoqo no paw timi keno ithi ani,” eno, “Ampeu je pipheluve kemi kümtsü küsakügha lau no tsüghüve moayesae.”

IBRIMI 11:6

Eno aküpülü küha kelo ye Alhou mlokiqipu shini keu kushokütsü ke, kughengu khukhumu pa lau ighi kemi ye pa ye xüani eno pa ye khunoqo no puloniqhiyi pa phu ighi cheni keno tipaqo asaxu tsü cheni kepi pülü moayesa ke.

IBRIMI 12:13

“Nongu pukhu ghenguno alaghi müzüchoi shilo,” tishianguno apukhu kinitave kemi pelo ithamlave keu shivepemo no viluve peniye ke.

IBRIMI 7:11

Levimi chine kümlapù vechewo kupukülailuve kepu shi aghí aye—eno kuchou lo ye timiqo lau ayeza tsü keu no achine kümlapù tipau huthuphe tsüke—kushiye itaghi Aaron no shikeu ghola kumo no Melchizedek no shikeu ghola lono achineu kütami lakhi ighi moayesave kea?

IBRIMI 9:14

Tishiaye Khristo jì khikhi lhokta Ghungu vechewo tukutiye kühamithe no pa likhi pa pesü Alhou mülá keu ye khikuto lo ningu pelo xü akeu Lhou qe penike ghenguno ningu pelo akithí lo sawuve chekeu lau no ningu lolo kighithiqo shikimthe tsülu nani kea!

James 1:4

Tsükhoi keu pelo tipau kümlà kishekhave pelo tishianguno nongu pelo kiumu tomo keu shimo no alaye eno kupukülailu peniye ke.

1 Peter 1:21

Pa vechewo nongu no Alhou khuu akithí lono Jisü xüputhu no pa juküvü shitsü keno pa shou pülü ke, ike tighenguno nongu küpülü eno lajupu ye Alhou lau anike.

1 Peter 5:10

Eno küpükini Lhou khuu no nongu pelo ado kitila imeve kethiu Khristo lono lhokta juküvü küsaje peniye kulù keno, pa no nongu athoputho tsü no nongu pelo akumto shi ithamo no mutotoi ngolu pe nani.

1 John 4:12

Timi khuu nomu khilemu Alhou ithumla aphie; ikemu ningu no lakhi no lakhi kimiye aye, Alhou no nilo lo xüani eno paw kikimiye ye ningu vechewo kupukülai shilu anike.