IBRIMI 5:9 - Sümi Tiqhelimi Bible

⁹ eno ghuthu lakhi kupukülai shive tsü kethiu, pa ye pa gholu chekemi kümtsü ghenguno alhokupuju xakulupu ipekighiu shive ke

BAIBEL (BSI)

⁹ Pa pelo kupukuluu shiluvepe puzu paye pa gholu kemi kumtsu ghenguno alhokupujulo xakulupu pukishiluveno

Sumi Naga CL (Re-edited) Bible (BSI)

⁹ Pa pesü kupukülai shitsü kelo pa no pa gholu kemi kümtsü ghenguno lhokta xakulupu puki shive,

IBRIMI 5:9 ပူးပေါင်းရင်းမြစ်များ

MATTHEW 17:5

Peter no piaphi lono, khüngküsü vüqai keu no panongu küzüpholuve, eno khüngküsü lono asütsa lakhi no ishi pi, “Hiye I Nu, I no kimiye chekeu ke; pa lau I lokiqi acheni. Pa no pikeu inilo!”

Luke 13:32

Jisü no khochile, “Wu no aghalotsü tipau vilo pilo, ‘I no ishí eno thoghiu tüghaküsa haphe eno timiqo shipivi aghí nani, eno aküthüni ye I kimiji toluve nani.’

John 19:30

Kughou pa no akiqhizü yeluve keno, Jisü no pi, “Hiye shikupuvae.” Ti pive no pa ye pa kütsü pishiqhove püzü süthahuve.

Apostolmi 3:15

Nongu no aküxü mpeu heqhipithíve, ikemu Alhou no akithí lono pa xüputhuveke. Ningu ye hipau thopimiqo ke.

Apostolmi 4:12

Xakulu ye khuu lau nomu ithulu chemoe, kughengu atsütsǘ qholo ningu timi jeli pelo xakulu ithulu penike aje kütau kiumu tsüpe püamoe.”

Apostolmi 5:32

Hipaqo vehu lo ningu no thopimiqo ke, eno titoi Aghungu Kimthe ghí thopi ke—Aghungu Kimthe ye Alhou no pa ghokulumiqo tsü keu ke.”

Rommi 1:5

Khristo züqhu shi aküpülü vechewo Jewkumomiqo kümtsü ku sasü aghokulu shilu penike ghenguno ningu ye Khristo vechewo küpükini ithulu eno apostolmi shilu pe ke.

Rommi 10:16

Ikemu Israelmiqo kümtsü no atsakiviu ikhilu ke kumoe. Kughengu Isaiah no pi, “Ampeu, khuu no ningu kükütsü sütsa pülü tsü kea?”

Rommi 15:18

I no pi eno müla keu vechewo Khristo no Jewkumomiqo pelo Alhou ghokulu lo saighilu pe nikeu lo tokulu shilu keu nguno alau kütau kiumu pimoe.

Rommi 2:8

Ikemu khunoqo no alikhi asala phu cheni eno khunoqo no kuchou milive no küsakügha pape cheni keno, Alhou loghu eno aghakighide panongu shou anani.

Rommi 6:17

Ikemu Alhou shikimthi ani, kughengu nongu no axiné qüaxemiqo shi ache namu nongu ye nongu mlo lono ipeghino akükütsü jeli apasü shi nongu tsü keqo ikhilu no tipau ghokulu shiluvea ke.

2 Kor. 10:5

Ningu no akikigheqo eno Alhou kighithi mujo niye keghilikishi shi pesü akeu jeli kümtsü hexave cheni, eno ningu no akükümsü kümtsü tshüsawo Khristo lau aghokulu shiluve pe cheni.

FILIPIAMI 2:12

Tighenguno, I no kimiye chekemi shompamiqo, I no akelo nguno alau no I no küha kelo nongu no alhokuthu aghokulu shi acheke toi msà khokhoshi nonguw xakulu xathi pìyelo,

2 Thes. 1:8

Khunoqo no Alhou mtha eno ningu Mpeu Jisü tsakiviu gholumoni keno Ampeu no panoqo ghimeqhi nani.

2 Thes. 2:16

Ningu Mpeu Jisü Khristo ampi no eno ningu Papù Alhou khuu ningu kimiye eno paw küpükini vechewo lhokta shikumtokütsü eno lajupu kivi ningu tsü keno,

2 Tim. 2:10

Tighenguno ni ye kisheluve kemiqo ghenguno thime kümtsü puqheluve acheni, tishianguno panongu ghí Khristo Jisü lolo xakulu gholo lhokta juküvüpu akeu ithulu peniye ke.

IBRIMI 1:14

Kungumi kümtsü pichebekümlà ghunguqo püzü panongu ye xakulu mheghi ighílu niye shi akemiqo huthu pe nikeu ghenguno puwu ke kumo keshea?

IBRIMI 11:40

kughengu Alhou ye ningu ghenguno kiuala akiviu kughupe qhipüani, tishianguno ningu gholo no aqoshi panongu ghí kupukülai shiluve peniye ke.

IBRIMI 11:8

Abraham ye kughou pa vilo kutou pa mheghi shi niye akeu a-a lakhi lo wulo pi ku keno pa ye khila wucheni keno mtha kemu aküpülü vechewo aghokulu shi wuke.

IBRIMI 12:2

eno Jisü amsüu eno aküpülü kupukülai kütsüu shou ningu nhethi süküqümo no juni nolo. Alokiqi pa zülo qhipüatsü keu ghenguno pa ye kros kukujo phitsümo no kutuuluve eno Alhou küká lakhü lo au ajeu küdau iqave ke.

IBRIMI 2:10

Alhou khuu ghenguno eno khuu vechewo thowkha kümtsü acheghi keno pa no anu eno angáqo kutomo ajuküvü lo süghi nike ghenguno Jisü ghime vechewo panonguw amsüu kupukülai keu xakulu süghitsü keu ye achipi ke.

IBRIMI 2:3

tsalá ningu no xakulu kijè hikithipu phimo aye ningu ye kíshi no pokajolu nani kea? Xakulu hipau khikhi Ampeu no atüghishi shuphe keno tiye timi khunoqo pa tsa chilu keno panongu no ningu lau ithitoi shitsü ke.

IBRIMI 9:12

Pa ye anetsü ngò amishitiqo jì vechewo ilo ke kumoe; ikemu pa ye ghuthukhavi kümtsü ghenguno pa likhi pa jì vechewo Akimthe Nguno Akimtheu-a lo ilo ke, tishi keu lono lhokta xakulu ithulu ke.

IBRIMI 9:15

Hi ghenguno Khristo ye puloshoqhi akitheuw alakipiu ke, tishianguno khunoqo kulùvea keno panongu pelo piqhipüa keu lhokta mheghi ighílu peniye ke—kughengu panongu pelo puloshoqhi atüghiu qholo axiné shive keqo lono kuqhophe nike ghenguno pa ye xakipheu lakhi shi thive ke.

IBRIMI 9:28

Khristo ye timi kutomo xiné peve tsüní ke ghenguno ghuthu lakhi aghakishi shike; eno pa ye ghuthu akiniù ipeghi nani, axiné puluve tsü nike ghenguno kumo, ikemu khunoqo no pa ngokhe ani keno panongu lau xakulu süghitsü nike ghenguno ighi nani.

1 Peter 1:22

Itehi ye nongu pelo kuchou gholu keu vechewo amikucho shi lakhi no lakhi kimiyekilé penike ghenguno nongu ye thakütsüghüvea ke amlo lono thonhei shi no lakhi no lakhi kimiyekilé lo.

1 John 5:20

Ningu no itaghi ithi akeu ye Alhou Nu ye ighivea eno vethakulu pesü ningu tsüvae, tishianguno ningu ye khuu no kuchou keno ithilu peniye ke. Eno ningu ye pa Nu Jisü Khristo khuu kuchou keno pa gholo xü kimepe keu vechewo pa lolo ani. Pa ye kuchou Lhou eno lhokta küxü ke.

Jude 1:21

eno nongu no ningu Mpeu Jisü Khristo no nongu lau lhokta küxü süghi niye akeu huqhe ake dolo nongu likhi nongu pesü Alhou’w kimiyekini qholo qhilo.