IBRIMI 5:5 - Sümi Tiqhelimi Bible

⁵ Tipau tho lono, Khristo ye pa no achinetomiqo shou atou shilu keu jekipi hu pa kutoshi no luvemoe. Ikemu Alhou no pa vilo pi, “No ye I nu ke; ishí no I no O pù shiluvae.”

BAIBEL (BSI)

⁵ Titoi, Khristo ye pa pelo achinetou shipeniye pa likhi pa sunheqheke kumoe, ikemu pa susukeu Alhou no ishi pa vilo pi, “Noye Inuke; Ishitsala lono ino oPu shiluvae.”

Sumi Naga CL (Re-edited) Bible (BSI)

⁵ Tihutoi Khristo ghi achinetou shi penike pa ampi süqheke kumoe, ikemu Alhou khuu no hipa tsa pi keno, Pa no Khristo kishelu ke, “No ye I Nu, ishi tsala lono I no o Pu shiluvae.”

IBRIMI 5:5 ပူးပေါင်းရင်းမြစ်များ

John 3:16

Alhou no ayeghilomi kimiyekütü keu ghenguno pa Nu lakhi likhi akeu pesü tsüke, tighenguno khukhumu pa shou pülübelu keu ye pühavemo nani ikemu lhokta küxü ithulu nani.

John 7:18

Khukhumu pa likhi pa no pi aye tiye pa likhi pa jekipi ghenguno pi anike, ikemu khuu no pa puwu keu jekipi phu cheni keno pa ye kuchou timi ke; pa ye kimikimi kumoe.

John 8:54

Jisü no khochile, “Tsalá I no I likhi I juküvü shi aye, I juküvü ye kiumu akiqi kühae. I pù khikhi nongu no nongu Lhou kepi pükha cheni keno pa no I juküvü shitsü chenie.

Apostolmi 13:33

tiye Jisü xüleputhuve tsü keu vechewo ningu panongu tikughukomi eno anuliqo lau shikupu tsüke. Tiye Leshele akiniù lo ishi yèpüani: “ ‘No ye I nu ke; ishí no I no O pù shiluvae.’

Rommi 8:3

Kughengu timi lhoaye no miqeve keu vechewo ayeza no kiu shilu kepu küká küha no ache keno, axinemi lhoaye jukimihi lono axiné kümlagho lakhi shipe niye Alhou no pa likhi pa Nu puwu keu vechewo ayeza no shimla no achekeu hu shive tsüae. Ikehu Alhou no timi lhoaye lono axiné kiléqhive ke,

IBRIMI 1:1

Wove keu lo Alhou no tungkupumiqo vechewo ghuthu kutomo eno alaghi jeli lono ningu pù-asünoqo pütsa cheke,

IBRIMI 1:5

Kughengu Alhou ye kungumiqo khuu vilo kughou no hitoi pipüani kea, “No ye I nu ke; ishí no I no O pù shiluvae” Momu itaghi, “Ni ye Papù shive nani, eno pa no I nu shive nani.”

IBRIMI 2:17

Hi ghenguno Jisü ye panongu toi shi moayesave eno thowkha jeli kümtsü lono timi hutoi moayesave ke, tishianguno pa ye Alhou qe akeu lo kimiyeqhiyi keu eno pükhükuluu achinetomiqo shou atou shilu peniye ke. Tisheno pa vechewo timi xinéqo ghenguno aghakishi shipe niye ke.

IBRIMI 3:1

Tighenguno akimthemi athiküzümi eno achelimi khunoqo no kungugha no ku akeu lo küsaje ani keno, eno Jisü khuu ningu no ninguw apostol eno achinetomiqo shou atou kepi ikhilu cheni keno pa shou nongu kükümsü bepe qhilo.

IBRIMI 5:10

eno Alhou no Melchizedek no shikeu ghola lono pa pesü achinetomiqo shou atou shi süküsü shitsü ke.