IBRIMI 5:12 - Sümi Tiqhelimi Bible

¹² Kuchou lo ye itehi nongu ye kükütsümiqo shi aghive kepu ke, nongu ye khuala no nongu vilo huthu kithethu shi Alhou tsa kuchou boqhaqo pe nongu lau shika pe nikeu avehupu shi ani. Nongu ye akümka chuqu kumo no akichhizü avehupu shi ani.

BAIBEL (BSI)

¹² Itehi nonguye akukutsumi shiluve aghikepu kelauye kutami pelo itaghi Alhou tsape pepimhetughiuqo pesu nongu vilo pikepu avehupu shiaphike. Nonguye mukamughayi keu chuqupu chunike zuqhulo akichhizu yekepu shiaphie.

Sumi Naga CL (Re-edited) Bible (BSI)

¹² Kughengu itehi nongu ye shikükami shiuve aghi kepu kelaye itaghi kütamiu no Alhou no tsükeu boqha tsape pesü nongu shika kepushi aphi kena. Nongu ye akümka chuqupu züqhulo akichhizü avehupu shiaphie.

IBRIMI 5:12 ပူးပေါင်းရင်းမြစ်များ

MATTHEW 17:17

Jisü no khochile, “Nongu pülükümla eno hekibide tiqhelimiqo, ni ye khitohi nongu sasü anani kea? Eno ni ye khitohi nongu gholo ache nani kea? O nu sasü hilehi I lau ighilo.”

Mark 9:19

Jisü no khochile, “Nongu pülükümla tiqhelimiqo, ni ye khitohi nongu sasü anani kea? Eno ni ye khitohi nongu gholo ache nani kea? Apú I lau sasü ighilo.”

Apostolmi 7:38

Pa ye Sinai Naghuto lo kungumi pa pütsa keu eno ni pù-asüqo gholo küghünamokeu-a lo kuhokumqo keu lo ake; eno pa no ningu lau pekishe kepu aküxüpu tsaqo saighike.

Rommi 3:2

Alaghi jeli thowkha lo ameküapu kutomo ani! Kümtsü nguno atüghiu shi, Alhou no akükütsü sütsa pesü Jewmiqo pelo qhipüalu penike pichebetsü ke.

1 Kor. 14:19

Ikemu ni ye akukuho lo ye amili kithé lono atsa 10,000 pinike züqhulo panoqo kichetsü nike ghenguno vethakulupu tsa punguu pive nani.

1 Kor. 14:20

Athiküzümi eno achelimiqo, itimi toi kümsü chekeu tavelo. Küsakügha shini keu lo ye itimi toivelo, ikemu nongu kükümsü lo ye asathevelo.

Galatiami 4:3

Tihutoi ningu ghí aghungu lo akughunu shi akelo ye ayeghiqha ghungu küká boqha qholo aqüaxe shi acheke.

FILIPIAMI 3:1

I thiküzümi eno I chelimiqo, tinguno alau no Ampeu lono alovishelo! I no pive keqo itaghi atho nongu lau yè kithe aní keu I ghenguno kushokütsü kumoe, eno tiye nongu ghenguno sükushopu lakhi ke.

Kolosiami 3:16

Nongu no kütsü eno shika kelo nongu kükütsü sütsa lo Khristo tsakiviu pelo nongu gholo kinikülü shi ngolu pelo. Eno alokütsü shi no nongu mlo lo shikimthiqhiyi keu xapusü lakhi no lakhi vilo leshele, akishé le, eno Aghungu lo le vechewo Alhou sheqhelo.

IBRIMI 10:32

Püzüu tsalaqo lo nongu no Jisü ithiluve kethiu, nongu no aghime chhitoi keu küküpüna kijè puqhe keqo hu kümsülulo.

IBRIMI 5:11

Ningu ye hipau vehu lo kutomo pi kepu ani, ikemu nongu pelo mütsümishei ithilu pe nikeu ye kushokütsü ke, kughengu nongu no vethalu nikeu lo pükapütsa keu shimovea ke.

IBRIMI 5:13

Khukhumu angá kughunu shi ghi akichhizü shou bepe xü chekemi ye achipiumikucho shiküka ghili ithi mphi ke.

IBRIMI 6:1

Tighenguno ningu ye Khristo ghiliw hukuthu kükütsüqo qhive no tekhoive keu kükütsü küdau wuni nolo eno akümlà khikhi akithí lo sawuve cheni keno tipau lono amlo pebideve no Alhou pülü keu, baptiz shikeu shikakütsü, au betsü keu, kithimi xüleputhu keu, eno lhokta kutólo küghathabeni keqo hu itaghi aboqha qhakithemoni nolo.

1 Peter 2:2

Angá kughunuqo toi, aghungu kichhizü kitiqemo keu ye nikeu mineqhiyi lo, tishianguno tipau vechewo nongu pelo nonguw xakulu küxü lo thuwulu peniye ke,

1 Peter 4:11

Tsalá khuala no kütsü cheghi aye, panongu ye Alhou tsa piche kemi toi shi moayesae. Tsalá khuala no hukuthu kümlà shi cheghi aye, panongu ye Alhou no akumto panongu tsü keu pesü huthu moayesae, tishi keu vechewo thime kümtsü lo Jisü Khristo vechewo Alhou sheqhe peniye ke. Alhokupuju lono alhokupuju kutólo ajuküvü eno aküka ye paw ke. Amen.