IBRIMI 4:15 - Sümi Tiqhelimi Bible

¹⁵ Kughengu ninguw achinetomiqo shou atou ye ninguw miqemilei keqo vethalu tsü cheni, kughengu ningu ghuju ketoi alaghi kümtsü lono pa ghí ghuju ke, tishi namu pa ye axiné shimoe.

BAIBEL (BSI)

¹⁵ Ningu chinetouye nino tomochhimo keulo amlo imekuqha tsumla keu kumoe, ni chinetouye alaghi thwokha lono ningu ghukeju cheketoi pa ghujupe puani, ikemu paye axine shipuamoe.

Sumi Naga CL (Re-edited) Bible (BSI)

¹⁵ Kughengu ningu ye ni kutokumo vetha tsümlani keu chinetou anike kumoe, ikemu alaghi kümtsü lono ningu toi ghükeju kemu axine shipüamo keu chinetou anie.

IBRIMI 4:15 ပူးပေါင်းရင်းမြစ်များ

MATTHEW 12:20

Pa ye ayeghü-küsǘ sükuho püakeu süchhemo nani, inhemimi keu kulu pinheve tsü keu shimo nani, tiye pa no achipiu xakütha süghi no tokulu shiluve moke kutólo.

MATTHEW 4:1

Tipathiu Alhou Ghungu no Jisü sasü küghünamokeu-a lo tüghami pelo ghuju penike pa sasü wuve.

Luke 22:28

Nongu ye iw shiluküsa peju keu kümtsü lo I gholo ngo ighivae.

Luke 4:2

tile tüghami no atsala lhobidi pa ghujue. Tipau tsalà dolo pa ye kiumu chu-shomoe, ikehu hipaqo tsalà ashekha shive kelo pa ye müzüthive.

John 8:46

Nongu khuala no ni ye axiné shivea ipikeu kipimí I tsülu nani keshea? I no kuchou tsa pi aghí aye nongu ye kushiye I pülümo kea?

Rommi 8:3

Kughengu timi lhoaye no miqeve keu vechewo ayeza no kiu shilu kepu küká küha no ache keno, axinemi lhoaye jukimihi lono axiné kümlagho lakhi shipe niye Alhou no pa likhi pa Nu puwu keu vechewo ayeza no shimla no achekeu hu shive tsüae. Ikehu Alhou no timi lhoaye lono axiné kiléqhive ke,

2 Kor. 5:21

Khristo ye axiné kühae, ikemu Alhou no pa pesü ningu ghenguno axinemi kughulhove tsüke, tishi keu lono ningu pelo pa gholo küqha pe akeu vechewo Alhou’w achipiumikucho küsajelu peniye ke.

IBRIMI 4:14

Tighenguno, ningu ye achinetomiqo shou atou akijeu, Alhou Nu Jisü, khuu kungugha lo ikuvea keno, pa anike ghenguno ningu ye ningu no piche keu küpülü mutotoi tsüqüpe ani nolo.

IBRIMI 5:2

Kughengu achinetomiqo shou atou ghí pa ampi no miqemilei kemi kehu, pa ye khunoqo no kümthami eno kawuve ani keno panoqo mütshaminhei tucholu cheni.

IBRIMI 7:26

Hitoi keu achinetomiqo shou atou ye ningu vehupu shilu cheni—pa ye Akimtheu, tukutiye küha, kitiqemo keu, axinemiqo lau no kütashi qhive keu, eno atsütsǘ nguno kunguu sheqhe pukuve keu ke.

IBRIMI 9:28

Khristo ye timi kutomo xiné peve tsüní ke ghenguno ghuthu lakhi aghakishi shike; eno pa ye ghuthu akiniù ipeghi nani, axiné puluve tsü nike ghenguno kumo, ikemu khunoqo no pa ngokhe ani keno panongu lau xakulu süghitsü nike ghenguno ighi nani.

1 Peter 2:22

“Pa ye axiné lakhimu shimoe, eno pa kichí lo pishikiqhi tsa lakhimu phumlae.”

1 John 3:5

Ikemu nongu no ithi akeu toi pa ye ningu xinéqo ikhipe wuve nike ghenguno ipeghi ke. Eno pa lolo ye axiné küha ke.