IBRIMI 2:9 - Sümi Tiqhelimi Bible

⁹ Ikemu ningu ye Jisü ithulu anie, pa ye ado kitila ghenguno kungumiqo nguno kitila aqhou shi lhosü ke, pa no aghime kithí shi thive keu ghenguno itehi pa ye ajuküvü ngò agigihu pe qhopipevae, tishi keu lono Alhou’w küpükini vechewo pa pelo kümtsü ghenguno akithí michelu peniye ke.

BAIBEL (BSI)

⁹ Ikemu ninguno Jisu ithikeuno paye ado kitila ghenguno kungumi nguno aqhokigheu shi lhoke, tishianguno Alhou wu kupukini vechewo pano timi kumtsu ghenguno thikepu shive. Ikemu pano akithilo aghimeshikeu ghenguno itehiye akimthejekipi ngo agigihupu pesu pa sheqhe ikhilu keu ninguno ithulue.

Sumi Naga CL (Re-edited) Bible (BSI)

⁹ Ikemu Jisü khuu ado hami ghenguno kungumi nguno akuchuniu shivetsü keno ningu no ithulu ani, akithi ghime ghenguno itehi ajekipi eno agigihu kütsükuqho pu akeu ye Alhouw küpükini vecheo pa no kümtsü ghenguno akithi miche kepu shive kehue.

IBRIMI 2:9 ပူးပေါင်းရင်းမြစ်များ

MATTHEW 16:28

“Kuchou no I no nongu vilo pìní, I gholo akemi dolo khami ye Timi Nu kükaphu ithulu mphi züu ye akithí michemo nani.”

MATTHEW 6:28

“Ike nongu ye kushiye tiphimini ghenguno amlosa acheni kea? Axamunuqo no kíshi aluqa lo thuwu acheni keno julo. Panongu ye akümlà shichemo momu aphì ghò chemoe.

Mark 9:1

Eno Jisü no panongu vilo pi, “Kuchou no I no nongu vilo pìní, hilehi I gholo puthugho akemi dolo khami ye Alhou kükaphu aküka kumto lono ighi keu ithulu mphi züu ye akithí michemo nani.”

Luke 9:27

“Kuchou no I no nongu vilo pìní, hilehi I gholo puthugho akemi dolo khami ye Alhou kükaphu aküka kumto lono ighi keu ithulu mphi züu ye akithí michemo nani.”

John 1:29

Tishiwo thoghiu Jisü no pa küdau chekeu ithulu kelo John no ishi pi, “Julo, Alhou’w Ambeti khuu ayeghilomi xiné pevetsü keno hi chenie!

John 10:17

I pù no I kimiye keu hu ye I no I küxü pesü tsüve keu ghenguno ke—tiye xüleputhuveni keu ghengu likhi no aküxü tsüve ke.

John 12:32

Eno kughou I süqheveni keno, I no timi kümtsü I lau sünhe sasü ighive nani.”

John 3:16

Alhou no ayeghilomi kimiyekütü keu ghenguno pa Nu lakhi likhi akeu pesü tsüke, tighenguno khukhumu pa shou pülübelu keu ye pühavemo nani ikemu lhokta küxü ithulu nani.

John 8:51

Kuchou no I no nongu vilo pìní, khukhumu I tsa gholu keu ye khilemu akithí ithulumo nanie.”

John 8:52

Jisü no hi pi kelo panongu no ishi ighamuku pi, “No ye tüghaküsa no tsüghape ani kepi ningu no ithivae! Abraham ye thivea eno tungkupumiqo ghí thivea, tishi keghi no ye khukhumu O tsa lukeu ye khilemu akithí michemo nani ipi ani.

Apostolmi 2:33

Pa süqhe pesü Alhou u ajeu qhi eno Apù lau no tushoqhi püakeu toi Aghungu Kimthe ithulu püzü nongu no itehi ithulu eno chilu akeu toi lepuku tsüke.

Apostolmi 3:13

Abraham, Isaac eno Jacob Lhou, nipù-asü Lhou no pa qeu Jisü jekipipu shive tsüae. Nongu no pa heqhipithíve penike ikhiphe pe tsüve, eno Pilate no pa phe puwuve nike xathave kemu, nongu no Pilate zülo no pa milive ke.

Rommi 5:18

Tighenguno, timi lakhi’w hekibide vechewo timi kümtsü kiléqhive keu toi, achipiu kümlà lakhi vechewo timi kümtsü pelo achipikalu pe eno aküxü aluve pe ke.

Rommi 5:8

Ikemu Alhou no hipau lono pa likhi paw kikimiye ningu lau pephe-piye ke: Ike tiye ningu no axinemi shi aphi lono Khristo no ningu ghenguno thive ke.

Rommi 8:3

Kughengu timi lhoaye no miqeve keu vechewo ayeza no kiu shilu kepu küká küha no ache keno, axinemi lhoaye jukimihi lono axiné kümlagho lakhi shipe niye Alhou no pa likhi pa Nu puwu keu vechewo ayeza no shimla no achekeu hu shive tsüae. Ikehu Alhou no timi lhoaye lono axiné kiléqhive ke,

Rommi 8:32

Alhou ye pa likhi pa Nu ghí msá pe qhivemo no ningu kümtsü ghenguno ikhiphe pesü tsüve ke, pa ye kíshi no thime kütau ghí kümtsü puloniqhiyi ningu tsümoni kea?

2 Kor. 5:15

Eno Pa no kümtsü ghenguno thive keu ghenguno xü akemiqo ye panongu likhi panongu ghenguno xü akepu kumoe ikemu panongu ghenguno thive no xülethughive keu ghenguno xü moayesae.

2 Kor. 5:21

Khristo ye axiné kühae, ikemu Alhou no pa pesü ningu ghenguno axinemi kughulhove tsüke, tishi keu lono ningu pelo pa gholo küqha pe akeu vechewo Alhou’w achipiumikucho küsajelu peniye ke.

Galatiami 4:4

Ikemu kughou ado pekithi pe püakeu kupukülai tove keno, Alhou no pa Nu puwu, pa ye totimi lakhi vechewo punú, pa ye ayeza qholo no punú,

1 Tim. 2:6

Khristo Jisü ye timi kümtsü ghenguno xakipheu lakhi kimhi shi pa likhi pa ikhiphe pe tsüve ke. Hiye ado achipi lono thopi shivae.

IBRIMI 1:9

Nono achipiumikucho kimiye ke eno küsakügha mithi ke; Tighenguno Alhou, O Lhou, no alokiqi thazü pesü O nukishe no O pesü O küsàmiqo shou qhike.”

IBRIMI 10:5

Tighenguno kughou Khristo no ayeghi lo ighi keno pa no ishi pi: “No ye aghakishi eno akümlagho lunishi chemoe, ikemu nono aphimpi lakhi I ghenguno kutò pe qhitsü ke;

IBRIMI 11:5

Aküpülü lono Enoch ye akithí michepemo niye hipau küxü lo aphi lono sawuve ke: “Pa phumlave, kughengu Alhou no pa sasü wuve ke.” Kughengu pa sawu mphi lono, pa ye Alhou mloqilu chekemi lakhi kepi sheqhe cheke.

IBRIMI 12:2

eno Jisü amsüu eno aküpülü kupukülai kütsüu shou ningu nhethi süküqümo no juni nolo. Alokiqi pa zülo qhipüatsü keu ghenguno pa ye kros kukujo phitsümo no kutuuluve eno Alhou küká lakhü lo au ajeu küdau iqave ke.

IBRIMI 2:7

Nono kungumiqo nguno kitila aqhou shi panoqo lhosü ke; nono ajuküvü ngò agigihu pesü panongu qhopipe ke

IBRIMI 7:25

Tighenguno pa ye khunoqo no Alhou vechewo pa lau ighini keno panoqo kümtsü xaluve cheni ke, kughengu pa ye alhokuthu panongu ghenguno alakipi shitsü nike ghenguno xü acheni ke.

IBRIMI 8:3

Achinemiqo shou atou kümtsü aghò ngò aghakishiqo pesü Alhou mülá peniye süküsü shi cheni ke, eno tighenguno achinetomiqo shou atou hipau ghí kiuala Alhou mülá moayesa kepu shive ke.

1 Peter 1:21

Pa vechewo nongu no Alhou khuu akithí lono Jisü xüputhu no pa juküvü shitsü keno pa shou pülü ke, ike tighenguno nongu küpülü eno lajupu ye Alhou lau anike.

1 John 2:2

Pa ye ningu xinéqo ghenguno aghakishiu ke, eno ningu ghengu likhi no kumoe ikemu ayeghiqha kümtsü xinéqo ghenguno ghí ke.

Piyeküsü 19:12

Pa nhethi ye ami vüqalei keu toi ke, eno pa kütsü lo aküka kütsükuqho kutomo ae. Pa ye aje lakhi pa phimpi lo yèpuku pepüa kemu pa likhi no kumo aye timi khumu aje tipau ithimoe.

Piyeküsü 5:9

Eno panongu no ishi ale kithé lakhi phe: “No ye liküküzü kaku ikhilu küzüpu ke eno tipau mekhapüa keu khaqhi küzüpu ke. kughengu no ye ghiqhive ke, eno shiaye jeli, atsa jeli piche kemi, timi amqo eno shiye jeli pelo Alhou’w timi shilu penike ghenguno O jì pesü qhüluve ke.