IBRIMI 2:14 - Sümi Tiqhelimi Bible

¹⁴ Anuliqo ye ashi eno ajì pù anike ghenguno pa ghí panonguw timi shi-aji gholo küsaje ke, tishi keu lono pa kithí vechewo timi khuu no akithí küká pesü ani keno pa küká kubove tsü niye ke—tiye tüghami hu ke—

BAIBEL (BSI)

¹⁴ Ike pano timi tipaqo pesu atianuli ipi chekemiqo huye ashi-aji puani, Jisu ampino panoqo kimihi shive eno timi phi-ashi kusaje puke, tishianguno pa kithi vechewo akithi kuka akeu tughami puhavetsuniye shike,

Sumi Naga CL (Re-edited) Bible (BSI)

¹⁴ Ikehu atianuliqo no ashi eno aji xapu aketoi, pa ampi ghi panoqo kimihi shi thokha küsaje ke, tishianguno pa kithi vecheo tüghami khuu no akithi küka ache keno kütsave niye ke,

IBRIMI 2:14 ပူးပေါင်းရင်းမြစ်များ

MATTHEW 16:17

Jisü no khochile, “Jonah nu Simon, no ye akümghaue, kughengu hiye timi küdau no O lau pephe ke kumoe, ikemu I pù kungugha lo akeu no ke.

MATTHEW 25:41

“Tishi no pa no pa u piyiu akeqo vilo pi nani, ‘I lau no wuvelo, nongu ghushove no alhomi lo tüghami eno paw kungumiqo ghenguno kutò pe qhive kemiqo.

John 1:14

Atsa hu no ashi shive eno ningu gholo xüke. Ningu no pa juküvü ithuluvae, ajuküvü tiye Anu lakhi likhi akeu ke, Anu ye küpükini ngò kuchou no chhitoi shi püzü Apù lau no ighike.

John 12:24

Kuchou no I no nongu vilo pìní, athì lothi lakhi ye ayeghi lo ikiqi ilo no thivemo ke thaqhülo tiye athi likhi athoshi acheni. Ikemu tsalá tipau no thive aye, tino athi kutomo pithí cheni.

Rommi 14:9

Hipau kimiji ghenguno Khristo ye kithimi eno küxümi kinikujo shou Ampeu shilu penike ghenguno thive no xüchilethuve ke.

Rommi 8:3

Kughengu timi lhoaye no miqeve keu vechewo ayeza no kiu shilu kepu küká küha no ache keno, axinemi lhoaye jukimihi lono axiné kümlagho lakhi shipe niye Alhou no pa likhi pa Nu puwu keu vechewo ayeza no shimla no achekeu hu shive tsüae. Ikehu Alhou no timi lhoaye lono axiné kiléqhive ke,

1 Kor. 1:28

Alhou no hipau yeghi lo chuninei kemi ngò timi no thaigha chekemiqo kishelu ke—eno thime akhotoqo pimhemove nike ghenguno kiumu kumo keu thimeqo kishelu ke,

1 Kor. 15:50

Athiküzümi eno achelimiqo, I no nongu lau asheshu ani, ashi eno ajì ye Alhou kükaphu ighi müla nani, momu tsümave nikeu ye tsümave müla nikeu ighí mülae.

Galatiami 4:4

Ikemu kughou ado pekithi pe püakeu kupukülai tove keno, Alhou no pa Nu puwu, pa ye totimi lakhi vechewo punú, pa ye ayeza qholo no punú,

Kolosiami 2:15

Hipau ghola lono pa no aküka eno kükaghaqo küká ikhiluve tsüke eno kros lono panongu shou toluve keu vechewo mìshí zülo no panongu shikukujo ke.

1 Tim. 3:16

Mütsüqhei no Alhou’w tuqhou khipau vechewo ningu küpülü qò ipeghi cheni keno tiye hike: Khristo ye timi shì shi no ighi, Aghungu no pa saphu, kungumiqo no pa ithulu, shiyeqo gholo pa shepe shi, ayeghiqha no pa pülü wove, ajuküvü lono saikuve.

2 Tim. 1:10

ikemu itehi ye ninguw Xakuluu Khristo Jisü ipeghive keu vechewo pephe-piyevae. Ikehu Khristo Jisü no atsakiviu vechewo akithí kütsakungovae eno khilemu thivemo nikeu eno aküxü hu pesü aküvü lo süghivae.

IBRIMI 10:10

Eno Alhou pulou vechewo ningu ye Jisü Khristo phimpi pe ghuthukhavi lono alhokupuju ghenguno aghakishi shive keu vechewo akimthe shiluvae.

IBRIMI 10:5

Tighenguno kughou Khristo no ayeghi lo ighi keno pa no ishi pi: “No ye aghakishi eno akümlagho lunishi chemoe, ikemu nono aphimpi lakhi I ghenguno kutò pe qhitsü ke;

IBRIMI 2:17

Hi ghenguno Jisü ye panongu toi shi moayesave eno thowkha jeli kümtsü lono timi hutoi moayesave ke, tishianguno pa ye Alhou qe akeu lo kimiyeqhiyi keu eno pükhükuluu achinetomiqo shou atou shilu peniye ke. Tisheno pa vechewo timi xinéqo ghenguno aghakishi shipe niye ke.

IBRIMI 2:18

Kughengu pa ampiu ghí kughou ghuju keno imeve kehu, pa ye khunoqo no ghukuju sholu ani keno kuphulu acheni.

IBRIMI 4:15

Kughengu ninguw achinetomiqo shou atou ye ninguw miqemilei keqo vethalu tsü cheni, kughengu ningu ghuju ketoi alaghi kümtsü lono pa ghí ghuju ke, tishi namu pa ye axiné shimoe.

IBRIMI 9:15

Hi ghenguno Khristo ye puloshoqhi akitheuw alakipiu ke, tishianguno khunoqo kulùvea keno panongu pelo piqhipüa keu lhokta mheghi ighílu peniye ke—kughengu panongu pelo puloshoqhi atüghiu qholo axiné shive keqo lono kuqhophe nike ghenguno pa ye xakipheu lakhi shi thive ke.

1 Peter 1:20

Pa ye ayeghiqha pulhosü mphi lono kisheluve ke, ikemu nongu ghenguno ashekhau do hipaqo lono pa pephe-piye ke.

Piyeküsü 1:18

Ni ye xü akeu hu ke; Ni ye thive ke, ikemu itehi ye julo, ni ye alhokupuju lono alhokupuju kutólo xü anani! Eno I no akithí ngò Hades kümaw khayi pesü ani.

Piyeküsü 12:9

Tüghaküsa kijè hu ye aqhou vepiqive. Tüghaküsa hu ye khaghi apighi khikhi tüghami momu Satan ipi ku chekeu hu ke. Pa ye ayeghilomi kümtsü pishikiqhiu hu ke. Paw kungumiqo gholo no pa ye ayeghi lo vepiqive ke.

Piyeküsü 2:10

Nono imeve niye akeu ghenguno msà kevilo. I no O vilo piani, tüghami ye nongu peju nike ghenguno akughuki lo nongu khami sǘ nani, eno nongu ye atsala chighí kutólo pishi-puju no ghimeqhi nani. Ikemu akithí kutólo pükhübekulu shilo, tishiaye I no aküxüpu pesü ow tokulu kütsükuqho shitsü nani.

Piyeküsü 20:2

Pa no tüghaküsa hu küghaluve no ampe qhethonhe lakhi ghenguno tsüghape qhive. Tüghaküsa tipau ye khaghilow apighike, pa ye tüghami momu Satan ke.