IBRIMI 2:10 - Sümi Tiqhelimi Bible

¹⁰ Alhou khuu ghenguno eno khuu vechewo thowkha kümtsü acheghi keno pa no anu eno angáqo kutomo ajuküvü lo süghi nike ghenguno Jisü ghime vechewo panonguw amsüu kupukülai keu xakulu süghitsü keu ye achipi ke.

BAIBEL (BSI)

¹⁰ Alhou no thwokha lhophe eno heju acheni, pano Jisu pelo aghimeshi keu vechewo kupukulu shipe keu tiye achipike, tishianguno anu kutomo saghi puzu pa kimthe jekipi kusaje peniyeke. Kughengu Jisu likhino xakulupu kudau panoqo sawutughiuke.

Sumi Naga CL (Re-edited) Bible (BSI)

¹⁰ Kughengu pa ghime vecheo anuli kutomo ajuküvüpu lo süghilu keu lo Alhou khuu vecheo thime kümtsü acheni keno Pa no Jisü pelo xakulupu la lo amiheu shilupe keu ye achipilo ke.

IBRIMI 2:10 ပူးပေါင်းရင်းမြစ်များ

Luke 13:32

Jisü no khochile, “Wu no aghalotsü tipau vilo pilo, ‘I no ishí eno thoghiu tüghaküsa haphe eno timiqo shipivi aghí nani, eno aküthüni ye I kimiji toluve nani.’

Luke 2:14

“Kungugha akiqheu lo Alhou lau ajuküvü shilo! eno ayeghi lo pa lokiqi akemi shou aloino keu apelo.”

Luke 24:26

Messiah ye hipaqo kümtsü ime no pa juküvü lo ilo nikeu shike kumo keshea?”

Luke 24:46

Pa no panoqo vilo pi, “Kiu yèpüani keno tiye hike: Messiah ye ime nani eno aküthüni ye akithí lono xüchilethuve nani,

John 11:52

eno tiye shiye tipau ghengu likhi no kumoe ikemu Alhou nuli apanaghave no akeqo ghenguno ghí ke, tishi keu vechewo panongu kümtsa süghi no lakhi shitsü niye ke.

John 19:30

Kughou pa no akiqhizü yeluve keno, Jisü no pi, “Hiye shikupuvae.” Ti pive no pa ye pa kütsü pishiqhove püzü süthahuve.

Apostolmi 3:15

Nongu no aküxü mpeu heqhipithíve, ikemu Alhou no akithí lono pa xüputhuveke. Ningu ye hipau thopimiqo ke.

Apostolmi 5:31

Alhou no pa süqhe pesü pa u ajeu qhi no Akükau nu eno Xakuluu shipe, tishianguno Israelmiqo amlo pekibide lo süghi no panongu xinéqo qhivetsü pe niye ke.

Rommi 11:36

Kughengu pa lau no eno pa vechewo eno pa ghenguno thowkha kümtsü anike. Alhou lau pülhapuju ajuküvü apelo! Amen.

Rommi 9:23

Pa no hitoi shikeu ye pa juküvü kiní pesü pa no kimiyeqhiyi chekemiqo lau alau vüqai pephe-piye niye ke. Panongu ye pa juküvü ithulu penike ghenguno pa no azüu no kutò pe qhive kemiqo ke.

1 Kor. 2:7

Moe, ningu ye Alhou lokütsü pesü asheshu cheni ke, tiye Alhou’w tuqhou küsüpüa keu eno Alhou no azüu no ningu jekipipu ghenguno kimishì pe püakeu ke.

1 Kor. 8:6

ningu ghengu ye Alhou lakhi likhi ani, pa ye Apù ke eno pa vechewo thowkha kümtsü ighi eno ningu ye pa ghenguno xü acheni ke; eno Ampeu lakhi likhi ani, tiye Jisü Khristo ke, pa vechewo thime kümtsü ighi eno ningu ye pa ghenguno xü acheni.

2 Kor. 3:18

Eno ningu khunoqo agi küzümo no Ampeu juküvü kümsükütü acheni keno, ningu pesü alhokuthu thuwu chekeu juküvü lono pa jukimihi shive tsü ani, eno tiye Ampeu khuu Aghungu keno pa lau no ighike.

2 Kor. 4:17

Ningu no aküpüna kitila eno ikhonhei sholu akeqo hu ye ningu pelo lhokta juküvü ithulu pe ani eno lhokta juküvü hu ye kütau kümtsü nguno akiqheu ke.

2 Kor. 5:18

Hipaqo kümtsü Alhou lau no ighike, pa no Khristo vechewo pa likhi pa pesü ningu sasü külashiluve püzü külakishi pichebekümlà pesü ningu tsüke.

2 Kor. 6:18

Eno, “I no nongu papù shive nani, eno nongu no I nu eno I ngaqo shive nani, ipi Akughushuu Ampeu no pike.”

Galatiami 3:26

Ike Khristo Jisü lono aküpülü vechewo nongu kümtsü Alhou nuliqo ke,

Ephesiami 2:7

tishi keu vechewo ighi nikeu tiqheli lo pa no paw kimghi müla keu küpükini kiní khikhi Khristo Jisü vechewo paw küpüqhiyi keu ningu lau pephe-piyevea keno tipau pìye niye ke.

Ephesiami 3:10

Pa kupulo ye itehi akukuhou vechewo kungugha kükaqhaqo lo ayekipemi eno kükagha lo akemiqo lau Alhou lokütsü jeli kümtsü ithi peniye ke,

Kolosiami 3:4

Khristo khuu nongu küxü kuchou keno kughou pa no ipeghini keno nongu ghí ajuküvü lono pa gholo ipeghi nani.

2 Tim. 2:10

Tighenguno ni ye kisheluve kemiqo ghenguno thime kümtsü puqheluve acheni, tishianguno panongu ghí Khristo Jisü lolo xakulu gholo lhokta juküvüpu akeu ithulu peniye ke.

IBRIMI 12:2

eno Jisü amsüu eno aküpülü kupukülai kütsüu shou ningu nhethi süküqümo no juni nolo. Alokiqi pa zülo qhipüatsü keu ghenguno pa ye kros kukujo phitsümo no kutuuluve eno Alhou küká lakhü lo au ajeu küdau iqave ke.

IBRIMI 6:20

tiye Jisü no ningu züu no ningu züqhu shi ilovea ke. Pa ye pülhapuju ghenguno Melchizedek no shikeu ghola lono achinetomiqo shou atou shivea.

IBRIMI 7:26

Hitoi keu achinetomiqo shou atou ye ningu vehupu shilu cheni—pa ye Akimtheu, tukutiye küha, kitiqemo keu, axinemiqo lau no kütashi qhive keu, eno atsütsǘ nguno kunguu sheqhe pukuve keu ke.

IBRIMI 7:28

Kughengu ayeza ye miqemilei kemi timiqo kümtsü pelo achinetomiqo shou atou shipe nike süküsü shi cheni; ikemu ashoqhi khikhi ayeza thiu no ighi keno, tino Anu khuu alhokupuju ghenguno kupukülai shipe qhivea keno pa süküsü shike.

1 Peter 1:12

Alhou no tungkupmi lau piyesü keu no panongu no mülà akeu ye pano likhi pano ghenguno kumo no hi nongu ghenguno ke; tihu itehi ye nongu lau kungugha lono ighi keu Aghungu Kimthe vechewo atsakiviu pikülhave keu vehu ke. Kungumiqo ghí thime hipaqo lo jusünishikütü cheke.

1 Peter 5:1

Nongu gholo kichimiqo lau, I no nongu dolo kichimi lakhi shi eno Khristo ghimeqow thopimi khuu ajuküvü pephe-piye niye shi akeu lo ghí küsaje niye ani keno nongu lau qhüiniju ani:

1 Peter 5:10

Eno küpükini Lhou khuu no nongu pelo ado kitila imeve kethiu Khristo lono lhokta juküvü küsaje peniye kulù keno, pa no nongu athoputho tsü no nongu pelo akumto shi ithamo no mutotoi ngolu pe nani.

Piyeküsü 4:11

“Ningu Mpeu eno Alhou, no ye ajuküvü ngò agigihu eno aküka ithulu küzü ke, kughengu nono thowkha kümtsü lhoqhi ke, eno O pulou lono panongu lhophe kehu panongu ye xü anike.”

Piyeküsü 7:9

Hipathiu I no ju akelo timi khunomu kihikha müla kepu shi I gizülo timi kutomo ae. Tiye shiye, ashiaye, aju kütüta eno atsa kütüta piche kemi kümtsü no aküka lakhü zülo eno Ambeti zülo puthugho ae. Panongu ye miyetsüghoi keu chijeboboi-phi pepu ae eno panongu u lo amsabo loka pesü ngo ae.