IBRIMI 13:9 - Sümi Tiqhelimi Bible

⁹ Akümza shiküka jeliqo pelo nongu zü sawuve pe kevilo. Küpükini no shikumto keu no ningu mlo ghenguno aloke, tiye chine-chini chuqu chu keu vechewo kumoe, khunoqo ti chu cheni keno panongu ghenguno kiumu alá küha ke.

BAIBEL (BSI)

⁹ Kutau jeli kukutsu ngo muzamughaleyi keu kukutsu pelo muzuchoikeu la lono nongu sawuvepe kevilo, kughengu achuqupu-yeh papekeu lono kumo puzu Alhouw kupukinino ningu mlo shikumtolu kepu anike; khunono ayeh tipaqo pape chenikeno panoqo kuphulu chenike kumoe.

Sumi Naga CL (Re-edited) Bible (BSI)

⁹ Akükütsü jeli paküta keqo no saküghüzüve pekevilo, chine chini chuqupu khuaye no kumono Alhouw küpükini no amlo shikumtolu keu pavi; kughengu aye tipaqo peche kemi ye kiumu ala shi chemoe.

IBRIMI 13:9 ပူးပေါင်းရင်းမြစ်များ

MATTHEW 24:24

Kughengu kichileu messiahqo ngo kichileu tungkupumiqo no pishiqhi niye ipeghi püzü akümzapu eno amichipu kümlà kijè shi nani, eno tsalá shikulupu shi aye kisheluve kemiqo ghí pishiqhi niye shi nani.

MATTHEW 24:4

Jisü no khochile: “Khuu pelomu nongu pishiqhive pemo nike jukuto alo.

Luke 5:38

Moe, atsaizü akithé ye ashiyikohughi akithé lo lesü moayesae.

Apostolmi 20:30

Nongu likhi nongu gholo no kuchou tuchighiveni kemi ghí ipeghive no küpülümiqo müsü sasü panoqo pape wuve pe nikeu shi nani.

Apostolmi 20:32

“Itehi I no nongu pesü Alhou eno paw küpükini tsa lau kulhuqhive tsü ani, tino nongu xaqhelu nani eno shikimtheve kemiqo kümtsü gholo nongu mheghi ighílu pe nani.

Rommi 14:17

Kughengu Alhou kükaphu ye kuchu-kusho vehu kumoe, ikemu tiye achipiumikucho, aloino keu, eno Aghungu Kimthe vechewo alokivi ke.

Rommi 14:2

Timi khami ye aküpülü vechewo kiu-kiumu chulu nani ipi cheni, ikemu kütami khuu aküpülü miqemilei keno, pa ye ayetsüniqo likhi chu aghiluvi.

Rommi 14:6

Khuno no atsala hami ye akimchi kepi ikhilu cheni keno panongu ye Ampeu gihu ghi ikhilu cheni. Ashi chu chekemi ghí Ampeu gihu ghi chu cheni, kughengu panongu no Alhou shikimthi tsü cheni; eno ashi chu chemo kemi ghí Ampeu gihu ghi ashi le cheni, kughengu panongu ghí Alhou shikimthi tsü cheni.

1 Kor. 6:13

Nongu no ishi pi cheni, “Achuqupu ghenguno akive eno akive ghenguno achuqupu, ikemu Alhou no küma kinikujo kütsave nani.” Tishimu aphimpi ye kipito xüküpsa shipe nike ghenguno kumoe ikemu Ampeu ghenguno ke, eno Ampeu ye aphimpi ghenguno ke.

1 Kor. 8:8

Ikemu achuqupu vechewo ningu sasü Alhou lau kupunú ighilu chemoe; ningu no chumo aye ningu ye alhoküsau shive nike kumoe, eno ningu no chuve keu ghenguno akiviu shive anike kumoe.

2 Kor. 1:21

Alhou no ningu pelo nongu gholo Khristo lono ithamo no puthugholu pe ani. Pa no ningu nukishe ke,

Galatiami 6:1

Athiküzümi eno achelimiqo, khuala no axiné shi aghí keu ithulu aye, nongu Aghungu küxü lo akemiqo no agholau no timi tipau shikümzü tsü moayesae. Ikemu nongu likhi nongu jukuto lo, tishimo aye nongu ghí ghuju kepu shiluvi ke.

Ephesiami 4:14

Tisheno ningu ye itimi shiauvemo nani. Ningu ye azü no tukucho akeshi eno shiküka zümlhü jeli kümtsü vechewo timiqo no panonguw tuqhou pishikiqhi kukughu eno müqüijo keu vechewo hula-hila fupuwuvemo nani.

Ephesiami 5:6

Timi khuu pelomu nikhanigha tsa pesü nongu pishiqhive pe kevilo, kughengu hitoi keu ghenguno khunoqo no hekibidemi keno panongu shou Alhou loghu ikughi cheni.

Kolosiami 2:4

I no hipau nongu vilo piakeu ye timi khuu pelo nomu pishikiqhi tsa vechewo nongu pishiqhive pemo niye ke.

2 Thes. 2:17

pa pelo nongu kümlà kivi eno atsa kivi pikeu kümtsü lo nongu mlo shikumto eno nongu iqhikithe tsü peniu.

2 Thes. 2:2

timi khunoqo no ningu kükütsü ke ipi pükha püzü Ampeu tsalà ye ighivae ipi tungkuptsa momu akichi tsa momu yèsü vechewo asheshu cheni keno tipaqo pelo mülalei nongu mlo shiküpüna momu shikümsa pe kevilo.

1 Tim. 6:20

Timothy O! O pelo jukuto peniye kiu O piche püani keno tipau khekuto lo. Alhou sümsamo keu tsa eno lachile chekeu kükümsü khikhi timi no akighithi ipi cheni keno tipaqo lono putosüvelo,

1 John 4:1

Kimiye chekemi shompamiqo, aghungu kümtsü pülü kevilo, ikemu aghunguqo hu ye Alhou lau no ighi keu keo mokeno peju lo, kughengu kichileu tungkupumiqo kutomo ayeghiqha lo ipeghivae.

Jude 1:12

Timi hipaqo ye nonguw kikimiye ghulhuqo lo tichetighepuqo ke, panongu ye kitilamu kujomo no nongu gholo chu cheni—panongu ye ambe khemi khipaqo no panongu likhi panongu lojí cheni keno tipaqo ke. Panongu ye tsütsüghu ghuqhi chemo keu khüngküsü ke, tiye amlhü gholo no fupe wuve cheni; panongu ye tixi süboqo ke, tiye axathi pithímo no nhüve cheni—eno akiniù thi ideve ketoi ke.

Jude 1:3

Kimiye chekemi shompamiqo, ni ye nongu lau ningu no xakulu küsaje akeu ghili yè nishiqhiyi akemu, ni ye nongu lau Alhou’w akimthe timiqo lau ghuthukhavi ghenguno aküpülü pichetsü keu vehu lo yè eno nongu pelo tipau kütsala penike hakite ani.