IBRIMI 13:5 - Sümi Tiqhelimi Bible

⁵ Pisa kimine lono O küxü putosü lo eno nono kiu ani keno tipau lo aghakiqi shilo, kughengu Alhou no ishi pivae, “Ni ye khilemu O qhivemo nani, ni ye khilemu O phevemo nani.”

BAIBEL (BSI)

⁵ Pisa kimine lono okuxu putosuluvelo eno nono aghikeulo ogakiqishilo. Kughengu Alhou no ishi pipuani, “Niye khilemu oqhivemo nani, niye khilemu ophevemo nani.”

Sumi Naga CL (Re-edited) Bible (BSI)

⁵ Pisa kimne lono o küxü putosü lulo, eno nono kiu ani keno o ghakiqi shilo, kughengu Alhou no pi, “Ni ye khilemu o qhivemo, momu o phevemo nani.”

IBRIMI 13:5 ပူးပေါင်းရင်းမြစ်များ

MATTHEW 6:19

“Nongu likhi nongu sala ayeghi lo akiní pekütsü kevilo, kughengu tiye amila ngò ayisa no tsapühave eno küpükamiqo no hepho ilo püka pewuve cheni.

MATTHEW 6:25

“Tighenguno I no nongu vilo pìní, nongu küxü lo chu kepu ghenguno amlosa kevilo; momu nongu phimpi lo pepumini nikeu ghenguno amlosa kevilo. Aküxü ye achuqupu nguno akhotou ke kumo keshea, eno aphimpi ye tiphimini nguno akhotou ke kumo keshea?

MATTHEW 6:34

Tighenguno thoghiu vehu pesü amlosa kevilo, kughengu thoghiu no thoghiu tsalà ghenguno amlo sakepu anani ke. Atsala-atsala lo amlo küsapu akeu no tipau tsalà ghenguno lukümkha ke.”

Mark 7:22

ashupu, alakimine, axeküsü, pishikiqhi, ghasü kümlà, anhekushu, piküpüsa, aqheküza eno aghüzünikha.

Luke 3:14

Tile ghüshimi khami no pa vilo iniju, “Eno ningu ye kiu shilo pi kea?” John no khochile, “Pisa süxalu kevilo momu akimiki lono kütami nguku keu shi kevilo, O jume ithulu achekeu lo aghakiqi shi alo!”

Luke 8:14

Apitì asahu gholo ikiqi ilove keu kiqi ye Alhou tsa chiluve kemiqo, ikemu aküxü lo mloküsa, kinikülü lo amlo tsü eno ashi pulou shikeu vechewo panongu ye thuwu mülave no ghüsüve keu kiqi ke.

Rommi 1:29

Panongu ye küsakügha, alhoküsa, alakimine eno alhoküsa jeli kümtsü no chhitoi ani. Panongu küxü ye anhekushu, hekiqhi, kumgho keu, pishikiqhi eno axeküsü no chhitoi ani. Panongu ye xishi chekemi,

1 Kor. 5:11

Ikemu I no nongu lau yè akeu ye khukhumu nongu thiküzümi momu nongu chelimi lakhi kepi pükha püzü kipito kimthe kumo kümlà shi momu alakimine shi, ajulho mülá momu timi pipüsa, shomzü momu pishikiqhi ishi kemi gholo nongu pelo kuloji pemo niye hipau yè anike. Hikithipu timi sasü ye kümtsa ghí chu-sho kevilo.

1 Kor. 6:10

küpkami na alakiminemi na shokümzümi na kütami pipütha chekemi na pishiqhi chekemi namu Alhou kükaphu ighí mülae.

2 Kor. 4:9

pishi-pujuqhi ke, ikemu nilikhi qhivemoe; hekuluqhi ke, ikemu kütsaqhivemoe.

Ephesiami 5:3

Ikemu nongu dolo kipito xüküpsa, momu mithekumo jeli kiu-kiumu, momu alakimine kitilamu aghí pe kepu kumoe, kughengu hipaqo ye Alhou’w akimthe timiqo ghenguno achipikumo ke.

Ephesiami 5:5

Nongu ye hipau vehu lo mütsüqhei lo: Xüküpsami, mithekumomi momu alakiminemi ye ajulho kümlamí ke, timi hitoi kemi ye Khristo eno Alhou kükaphu lo amheghi ighí müla nani.

Kolosiami 3:5

Tighenguno, kiu no ayeghi lo lhoaye keno tipaqo pìthívelo; tiye kipito xüküpsa, mithekumo, ghaghu, küsakügha kümlà shinishi keu eno alakimine, kughengu alakimine ye ajulho kümlá ke.

1 Tim. 3:3

shomzü kepu kumo, ngukangugha shimo no iqüighai moayesa, kiyi-muto kepu kumo, eno pisa kiminemi shikepu kumoe.

2 Peter 2:14

Shupu nikeu kükümsü no panongu nhethi chhitoi eno panongu ye axiné shini keu khilemu tave chemoe; panongu ye a-a shimo kemi saküghüzü cheni; panongu ye alakimine lo shitsa ke—müsüini keu tiqo ke!

2 Peter 2:3

Kükütsümi hipaqo no panongu lakimine ghenguno alaphasü keu xüghiliqo pesü nongu peithaqhi nani. Panongu kiléqhive keu ye püzüu no panongu shou pufu pe ani, eno panongu kütsakungo kepu shi akeu ye zü anike kumoe.

Jude 1:11

Panongu ghengu ye ahaküsapu ke! Panongu ye Cain laghi lo checheni ke; panongu ye mighisü alá shini ke ghenguno Balaamw shikipimi shivae; panongu ye Korah’w hekibide lono kütsakungovae.