IBRIMI 13:20 - Sümi Tiqhelimi Bible

²⁰ Itehi ye alokughuno tsü chekeu Lhou, ambeqo Kheu akijeu, khuu lhokta puloshoqhi jì vechewo akithí lono Jisü xüchile saighi keno,

BAIBEL (BSI)

²⁰ Itehiye alokughunopu Lhou, khuno niMpeu Jisu akithi lono xuputhuvekeno, pa ji pesu lhokta kutolo puloshoqhi mekhatsukeu bheriqo wu Akheu Akijeu;

Sumi Naga CL (Re-edited) Bible (BSI)

²⁰ Itehi ye aloinokütsü Lhou, khuu no lhokta puloshoqhi shikeu ji vecheo akithi lono ni Mpeu Jisü, ambekheu akijeu xüputhu keno, Pa no

IBRIMI 13:20 ပူးပေါင်းရင်းမြစ်များ

MATTHEW 26:28

I jì hipau ye puloshoqhi jì ke, eno hiye timi kutomo pelo axiné qhikütsü ithulu peniye peleve keu jì ke.

Mark 14:24

Jisü no panongu vilo pi, “I jì hipau ye puloshoqhi jì ke eno hiye timi kutomo ghenguno peleve keu jì ke.

Luke 22:20

Tipau gholau no aghulhu chuve kethiu pa no ajikhu ikhilu no pi, “Ajikhu hipau ye I jì vechewo puloshoqhi akitheu shiluve keu ke eno hiye nongu ghenguno peleve keu jì ke.

John 10:11

“Ni ye ambe kheu kiviu ke. Ambe kheu kiviu ye ambeqo ghenguno pa küxü tsüve cheni.

John 10:14

“Ni ye ambe kheu kiviu ke; I no I mbeqo ithi ani eno I mbeqo no ni ithi ani—

Apostolmi 13:30

Ikemu Alhou no akithí lono pa xüputhuve,

Apostolmi 17:31

Kughengu Alhou no timi lakhi süküsü shipepüa keu vechewo ayeghiqha shou amikucho lono küghatha nikeu tsalà lakhi püghüpe püanie. Hipau pülülu penike timi kümtsü lau tsü akeu shi ghi pa no akithí lono pa xüputhuveke.”

Apostolmi 2:24

Ikemu Alhou no akithí lono pa xüputhuve no akithí kushuküqha lono pa kuqhopheve ke, kughengu akithí ye pa küghape qhipüaveni keu kushokütsüpu shive ke.

Apostolmi 2:32

Alhou no Jisü hipau pe xüputhuvae eno ningu kümtsü tipauw thopimiqo ke.

Apostolmi 3:15

Nongu no aküxü mpeu heqhipithíve, ikemu Alhou no akithí lono pa xüputhuveke. Ningu ye hipau thopimiqo ke.

Apostolmi 4:10

hi ithilo, nongu Israelmi kümtsü: Hiye Nazareth nó ghami Jisü Khristo khuu nongu no yedave kemu Alhou no akithí lono xüputhuve keno pa je lono timi hipau shipivive no nongu zülo puthugho ani.

Apostolmi 5:30

Ningu pù-asü Lhou no Jisü khuu nongu no kros lono tshüqhi pìthíve keno akithí lono xüputhuvae.

Rommi 1:4

eno Alhou nu kepi pephe-piye nike ghenguno pa ye Aghungu Kimthe küká vechewo akithí lono xülethuve ke: tiye ningu Mpeu Jisü Khristo ke.

Rommi 10:7

“ikeo ‘Khuu no aqokutho lo iqiluni kea?’ ” (tiye akithí lono Khristo saikughi kepu shi.)

Rommi 15:33

Alokughuno tsü chekeu Lhou no nongu kümtsü gholo apeniu. Amen.

Rommi 16:20

Alokughuno tsü chekeu Lhou no kighithe Satan nedaqhive no nongu pukhu qholo qhivetsü nani. Ampeu Jisü’w küpükini nongu gholo apeniu.

Rommi 8:11

Eno Alhou Ghungu khuu Khristo akithí lono xüputhu keno pa no nongu lolo xü aghí aye pa no akithí lono Jisü xüputhuveke toi nongu lolo pa Ghungu xü akeu ghenguno nonguw thiveniküau phimpi lo ghí aküxüpu tsü nani.

1 Kor. 14:33

Ampeu’w timiqo kuhokumqo keu kümtsü lo shi chekeu toi ke Alhou ye kübangü chekeu Lhou kumoe ikemu külakishi Lhou ke.

1 Kor. 15:15

Tinguno alau, ningu ye akumoakühau lono Alhou ghili pesü ashepe shi chekemiqo shiniae, kughengu ningu ye Alhou no akithí lono Khristo xüputhu kepi thopi shi acheni ke. Ikemu kuchou no kithimi xüputhumo aye Alhou ye Khristo xüputhu pe püamoe.

1 Kor. 6:14

Alhou no pa küká vechewo akithí lono Ampeu xüputhu ke, eno pa no ningu ghí xüputhu nani.

2 Kor. 13:11

Ashekha shi, athiküzümi eno achelimiqo, alovishelo! Thowkha kümtsü achipi shini ke pükapütsalo, lakhi no lakhi shikumtolo, akükümsü lakhi shilo, külakishi lono xülo. Tishiaye Alhou’w kikimiye ngò aloino keu no nongu gholo anani.

2 Kor. 4:14

kughengu ningu no ithi akeu no Alhou khuu akithí lono Ampeu Jisü xüputhu keno pa no Jisü gholo no ningu xüputhu nani eno nongu gholo no pa zülo ningu sasü ighi nani.

Galatiami 1:1

Ni Paul, apostolmi lakhi—timi lau no momu timi vechewo no puwu keu kumoe, ikemu Jisü Khristo khuu Apù Alhou no akithí lono Jisü xüputhu keno, pa no puwu ke—

Ephesiami 1:20

pa no akithí lono Khristo xüputhu no kungugha kükaqha lo pa u ajeu küghüqa keu kumto küká ke,

FILIPIAMI 4:9

Nongu no kiu shikalu momu ithulu momu I lau no chilu, momu I lolo ithulu keno akümlà lono pephe-piye lo. Tishiaye Alhou’w aloino keu nongu gholo anani.

Kolosiami 2:12

Baptiz shikeu vechewo Khristo gholo qhovea ke, eno nongu ghí Alhou no akithí lono Khristo xüputhuve keu küká no mülà akeu lo nongu küpülü vechewo Khristo gholo nongu ghí xüputhuvea ke.

1 Thes. 1:10

Eno nongu ye Alhou Nu akithí lono xüputhuve keu no kungugha lono ighi niye akeu lo kíshi khe ani keno panongu no ningu vilo pike. Alhou Nu Jisü ye Alhou’w küghakütha chekeu lono ningu xalu keu hu ke.

1 Thes. 5:23

Alokughuno tsü chekeu Lhou ampi no thowkha kümtsü lo akivishi nongu shikimthe tsü peniu. Ningu Mpeu Jisü Khristo ighi kelo nongu ghungu, angulho eno aphimpi kümtsü tukutiye küha no kupukülai shi qhilu peniu.

2 Thes. 3:16

Itehi ye alokughuno-kütsüu Ampeu pelo pa ampi no ado aghuloki kümtsü lo eno alaghi kümtsü lo aloino keu nongu tsü peniu. Ampeu no nongu kümtsü gholo apeniu.

IBRIMI 10:22

ningu Alhou lau amikucho mlo eno aküpülü vechewo pülüqhiyi süghi chekeu pesü kupunú wuni nolo, kughengu ningu mlo ye alolo kighithi shikipimi lono shikimthevea ke eno ningu phimpi ye azü kütsüghǘ no küzüteve no qhukimthevea ke.

IBRIMI 10:29

Khuu no apukhu pesü Alhou Nu qodani, khuu no panongu shikimtheve keu puloshoqhi jì pesü mithemo ketoi kihini, eno khuu no küpükini Ghungu thaighani keno, panongu ye aghime kitikhi khijehi alau ithulu nani kepi nongu ye kümsü ani kea?

IBRIMI 9:20

Pa no pi, “Hiye puloshoqhi jì khikhi Alhou no nongu pelo pape peniye tsü keu zakütsü ke.”

1 Peter 1:21

Pa vechewo nongu no Alhou khuu akithí lono Jisü xüputhu no pa juküvü shitsü keno pa shou pülü ke, ike tighenguno nongu küpülü eno lajupu ye Alhou lau anike.

1 Peter 2:25

Kughengu “nongu ye ambe no kawuve ake toi ke,” ikemu itehi nongu ye Ambe Kheu eno nongu ngulhoqo Jukükütsüu lau ideghivae.

1 Peter 5:4

Eno kughou Ambe khemi shou Atou no ipeghini keno, nongu ye khilemu ighüyive chemo keu juküvü kütsükuqho ithulu nani.