IBRIMI 12:24 - Sümi Tiqhelimi Bible

²⁴ nongu ye Jisü puloshoqhi akitheuw alakipiu eno Abel jì nguno akiviu shi atsa piche keu küzüteve keu jì lau ighivae.

BAIBEL (BSI)

²⁴ Nongu Puloshoqhi Akitheu kimekutsuu Jisu lau eno Abel jih nguno kupuqhiyi pipuakeu kuzutepuku keu jih lau ighi ani.

Sumi Naga CL (Re-edited) Bible (BSI)

²⁴ Nongu ye puloshoqhi akitheu lacheu Jisü lau, eno Abel ji nguno akiviu tsape pikeu shikimthekütsü ji lau ighi ani.

IBRIMI 12:24 ပူးပေါင်းရင်းမြစ်များ

IBRIMI 9:15

Hi ghenguno Khristo ye puloshoqhi akitheuw alakipiu ke, tishianguno khunoqo kulùvea keno panongu pelo piqhipüa keu lhokta mheghi ighílu peniye ke—kughengu panongu pelo puloshoqhi atüghiu qholo axiné shive keqo lono kuqhophe nike ghenguno pa ye xakipheu lakhi shi thive ke.

IBRIMI 11:28

Pa ye aküpülü vechewo Hechekulu ghulhu eno ajì hu pesü pepimhe ke, tishi keu vechewo anu punú tüghiu kütsave chekeu pelo Israelmiqow anu punú tüghiu bupemo niye ke.

IBRIMI 11:4

Aküpülü vechewo Abel ye Cain nguno akiviu shi akümlagho pesü Alhou lau süghi ke. Pa ye Alhou no pa kümlaghoqo kivi ghili pi kelo no aküpülü vechewo amikuchomi kepi sheqhe ke. Eno Abel ye thive aghí namu ishi kutólo pa kümlà no aküpülü vechewo ningu pütsa cheni ke.

IBRIMI 8:6

Ikemu kuchou lo ye pichebekümlà Jisü no ithulu keu ye panongu lau pichetsü keu nguno akiqheu ke kughengu Jisü no puloshoqhi khipauw alakipiu shi ani keno tiye puloshoqhi aqau nguno akiqheu ke, kughengu puloshoqhi akitheu ye pikiqhi akiviuqo shou shiqhepuku pe püani ke.

1 Tim. 2:5

Kughengu Alhou lakhi likhi ani eno Alhou ngò timi dolo alakipiu lakhi ani, tiye Khristo Jisü timi hu ke.

MATTHEW 26:28

I jì hipau ye puloshoqhi jì ke, eno hiye timi kutomo pelo axiné qhikütsü ithulu peniye peleve keu jì ke.

MATTHEW 23:35

Eno tisheno ayeghi lo amikuchomiqo jì peleve keu, Abel amikuchou ghiqhi keu jì lono wo Berekiah nu Zechariah khuu nongu no Achineki ngò akümlá-khache dolo no ghiqhi pìthíve keno ti kutólo ghenguno nongu shou aghime ikughi nani.

Luke 22:20

Tipau gholau no aghulhu chuve kethiu pa no ajikhu ikhilu no pi, “Ajikhu hipau ye I jì vechewo puloshoqhi akitheu shiluve keu ke eno hiye nongu ghenguno peleve keu jì ke.

1 Peter 1:2

Apù Alhou lokütsü vechewo kisheluve kemiqo, Aghunguw shikimthe keu kümlà vechewo Jisü Khristo gholu peniye eno pa jì no küzüteve kemiqo: Küpükini eno aloino keu no kupukuno shi nonguw shilu peniu.

IBRIMI 10:22

ningu Alhou lau amikucho mlo eno aküpülü vechewo pülüqhiyi süghi chekeu pesü kupunú wuni nolo, kughengu ningu mlo ye alolo kighithi shikipimi lono shikimthevea ke eno ningu phimpi ye azü kütsüghǘ no küzüteve no qhukimthevea ke.

IBRIMI 9:21

Hipau ghola lono, pa no ajì pesü puloshoqhi-chebo ngò tipau chine-chiniqo kinikujo lo peitha chekeu thime kümtsü shou küzüte puku ke.

IBRIMI 13:20

Itehi ye alokughuno tsü chekeu Lhou, ambeqo Kheu akijeu, khuu lhokta puloshoqhi jì vechewo akithí lono Jisü xüchile saighi keno,

IBRIMI 7:22

Ashoqhi hipau ghenguno Jisü ye puloshoqhi akiviuw pimhekütsü sükushou shivea ke.

Luke 11:51

tiye Abel ghiqhi keu jì lono wo Zechariah khuu akümlá-khache ngò akimthe-a küma dolo no ghiqhive keu jìw bemakho ye hipau tiqheli no pù nani. Iyei, I no nongu vilo piani, hipau tiqheli no tipaqo kümtsü bemakho pù nani.

Mark 14:24

Jisü no panongu vilo pi, “I jì hipau ye puloshoqhi jì ke eno hiye timi kutomo ghenguno peleve keu jì ke.

IBRIMI 8:8

Ikemu Alhou no timiqo gholo akipimí phulu no pi: “I no Israel timiqo ngo Judahmiqo gholo puloshoqhi akithé lakhi shini keu tsalaqo cheni, ipi Ampeu no shuphe ke.

Galatiami 3:20

Lakipiu lakhi ye amqo kini dolo puloküqhalu pe nikeu ghenguno avehupu shi cheni. Ikemu Alhou ye lakhi kehu, kughou pa no Abraham lau pikiqhi shi keno pa ye lakipiu avehupu shimo ke.

IBRIMI 8:13

Puloshoqhi hipau “akitheu,” ipi kulùve keu vechewo pa no puloshoqhi aqau ye qhivae; eno kiu qhivea püzü peithamovea keno tiye ado kushuwa kumo lo hauve nani.

IBRIMI 9:19

Kughou Moses no azakütsü yeza kümtsü timiqo vilo shuphevetsü keno, pa no amishitsü eno aneqo jì gholo azü, huchuhuyi keu amhiyeho eno ailo lokaqo pesü liküküzü kaku ngò timiqo kümtsü shou küzüte ke.