IBRIMI 12:14 - Sümi Tiqhelimi Bible

¹⁴ Timi kümtsü sasü külakishi shi no akimthe shi xü nikeu thowkha lo pükapütsa alo; kughengu akimthe shimo kelo ye khuu nomu Ampeu ithumla nani.

BAIBEL (BSI)

¹⁴ Timi kumtsu sasu kulashi anikeu pukaputsalo eno akimtheshi xunikeu pukaputsalo, kughengu tipau kuhakeloye khunomu Ampeu ithumla nani.

Sumi Naga CL (Re-edited) Bible (BSI)

¹⁴ Timi kümtsü sasü külashi eno akimtheshi ani keu pükapütsa lo, kughengu ti kühake loye khunomu Ampeu ithumla nani.

IBRIMI 12:14 ပူးပေါင်းရင်းမြစ်များ

Mark 9:50

“Amitì ye aloe, ikemu amitì no aküqhü kühave aye tiye kíshi no itaghi qhü kitheluve nani kea? Nongu dolo amitì küqhü toi alo, eno lakhi no lakhi sasü alokughuno shikile alo.”

Luke 1:75

aküxü kupuju akimthe eno amikucho shi pa qe peniye ke.

Rommi 12:18

Eno tolu ke thaqhülo O shelo timi kümtsü sasü külashi ghi xülo.

Rommi 14:19

Tighenguno ningu ye kiu no alokiqi eno shikumto kilé keu süghi cheni keno tipau shini ke ghenguno thowkha lo pükapütsa mülà ani nolo.

Rommi 6:22

Ikemu itehi ye nongu ye axiné lono kuqhopheve no Alhou qüaxemiqo shivae, nongu no alá shilu keu hu no akimthe lo sawu cheni, eno ashekha lo tiye lhokta küxü ithulu cheni.

1 Kor. 1:10

Athiküzümi eno achelimiqo, I no ningu Mpeu Jisü Khristo je lono nongu kümtsü pelo nongu no pikeu lo lakhi no lakhi gholo puloküqha tsü eno nongu dolo kijethave keu shimo no amlo eno akükümsü lo kupukülai shi küqhalu penike qhüiniju ani.

1 Kor. 13:12

Kughengu itehi ningu ye ahiju lakhi lo yekibide likhi ithulu akeu toi anike; ikemu hithiu ningu ye agi no agi kinheqhi ghi ithuluve nani. I no itehi ithi akeu ye kupukülai khamphi ke; ikemu hithiu ye thowkha kümtsü kupukülai ithive nani, eno tiye Alhou no kupukülai ni ithi akeu toi ke.

2 Kor. 6:17

Tighenguno, “Panoqo lau no ipeghivelo eno kütüta shivelo, ipi Ampeu no pike. Mithekumo thimeqo bu kevilo, eno I no nongu ikhilu nani.”

2 Kor. 7:1

Tighenguno kimiye chekemi shompamiqo, ningu ye pikiqhi hipaqo ani kehu Alhou gihu keu ghenguno thowkha lo akimthe kupukülai shini ke aphimpi ngò aghungu shikuchubeve chekeqo thime kümtsü lau no ningu likhi ningu shikimtheveni nolo.

Galatiami 3:21

Tighenguno, ayeza ye Alhou’w pikiqhiqo lakichile keshea? Khilemu tishimoe! Kughengu aküxü tsükulupu ghenguno ayeza tsüpüaghi ke aye, achipiumikucho ye mütsüqhei no ayeza vechewo ighini cheke.

Ephesiami 5:5

Nongu ye hipau vehu lo mütsüqhei lo: Xüküpsami, mithekumomi momu alakiminemi ye ajulho kümlamí ke, timi hitoi kemi ye Khristo eno Alhou kükaphu lo amheghi ighí müla nani.

FILIPIAMI 3:12

Ni ye hipaqo kümtsü ithuluve ake kumoe, momu I kimiji toluvea ke kumoe, ikemu ni ye hipaqo pesü iw shiluve nike pükapütsa cheni, kughengu Khristo Jisü no I pesü paw shiluvea ke.

1 Thes. 3:13

Pa pelo nongu mlo shikumto tsü peniu, tishianguno Ampeu Jisü no paw akimthemiqo kümtsü sasü ighi kelo ningu Papù eno Alhou zülo tukutiye küha no akimthe shi ighilu peniye ke.

1 Thes. 4:7

Kughengu Alhou no ningu kulù keu ye ningu pelo mithekumo lo xüpe niye ke kumoe, ikemu akimthe shi xüpe niye ke.

1 Thes. 5:15

Khumu alhoküsa pesü alhoküsa lochile pemo nike jukuto lo, eno alhokuthu lo kiu no kütami eno kümtsü kivipu keno tipau shini keu pükapütsalo.

1 Tim. 6:11

Ikemu no Alhou’w timio, hipaqo kümtsü lono pove lo eno achipiumikuchou, Alhou sükümsa, aküpülü, kikimiye, kutuukulu eno mütshaivü keu phulo.

2 Tim. 2:22

Lhothemi shi akelo küsakügha kümlà shinishi chekeu lono pove lo eno amlo kimthe shi no Ampeu vilo khu chekemiqo gholo küqha no achipiumikucho, aküpülü, kikimiye eno aloino keu phulo.

IBRIMI 12:10

Ayeghi lo apùnoqo ye ado kitila ghenguno panongu no akiviu ipi kümsü akeu kiqi lono ningu ghasü cheni ke; ikemu Alhou ye ningu kivipu ghenguno ghasü cheni ke, tishianguno ningu pelo pa kimthe lo küsajelu peniye ke.

IBRIMI 9:28

Khristo ye timi kutomo xiné peve tsüní ke ghenguno ghuthu lakhi aghakishi shike; eno pa ye ghuthu akiniù ipeghi nani, axiné puluve tsü nike ghenguno kumo, ikemu khunoqo no pa ngokhe ani keno panongu lau xakulu süghitsü nike ghenguno ighi nani.

1 Peter 3:11

Panongu ye küsakügha lau no tsüghüve no akivi kümlà shi moayesa; panongu ye külakishi phu eno tipau pape moayesae.

1 Peter 3:13

Tsalá nongu no akivi kümlà shini keu lo minemighei aye khuu no nongu shipüsani kea?

2 Peter 3:11

Thime kümtsü hipau ghola lono kütsakungove nani ke ghenguno, nongu ye kiutoi kemi timi shi aghí moayesa kea? Nongu no khekulhoshi Alhou tsalà ighi niye akeu khe ake dolo nongu ye akimthe eno Alhou sümsa keu küxü xü moayesa ke. Atsala tipau lo ye ami no atsütsǘ lo akeqo pitive no shipühave nani, eno thime jeliqo ye akülǘ no pitikümlave nani.

2 Peter 3:18

Ikemu ningu Mpeu eno Xakuluu Jisü Khristo’w küpükini eno pa kighithi lono thuwu alo. Itehi eno alhokupuju lo pa juküvü shilo! Amen.

3 John 1:11

Kimiye chekeu I küsàu, kiu no küsakügha keno tipau kishishi kevilo ikemu kiu no akivi keno tipau kíshi shilo. Khukhumu akivi shikeu ye Alhou lau no ighi kemi ke. Khukhumu kiu no küsakügha keno tipau shikeu ye Alhou ithulu mphie.