IBRIMI 11:7 - Sümi Tiqhelimi Bible

⁷ Noah ye aküpülü vechewo ithumla aphi keu thime ghili pesü kughou pikichi keno akimthe sükümsa vechewo pa kibolomi xalu nike ghenguno ashuka mülà ke. Aküpülü vechewo pa no ayeghiqha kiléqhive ke eno iqemo keu küpülü vechewo achipiumikucho mheghi kiyighiu shilu ke.

BAIBEL (BSI)

⁷ Akupulu lono Noha ye ighinikeulo kiushini chekeno pano ithumlano akemu Alhou no pa kutughukeu chilu puzu aghokulushi ashukaki lakhi shipeqhi eno pa ngo pa kibolomiqo xakulupu shilue. Hipau lono pano ayeghiqhami kuchopu akipimi shivetsu eno akupulu vechewo amikucho shiluche keu mheghi ithulukemi shilue.

Sumi Naga CL (Re-edited) Bible (BSI)

⁷ Aküpülü lono Noah ye ithumla aphi keu vehu Alhou no pa kütüghü kelo pa kibolomi xalu niye msaighü qhiyi ashukaki mlae. Hipau vecheo pa no ayeghiqha kipimi piye eno aküpülü vecheo amikucho ithulu chekeu mheghi kiyighiu shilue.

IBRIMI 11:7 ပူးပေါင်းရင်းမြစ်များ

MATTHEW 2:12

Eno Herod lau idewo pemo nike Ampeu no asamou no panongu pikichive kehu, panongu ye alaghi kütau lono pano ghakhu lo idewove.

MATTHEW 24:15

“Ikehu kughou nongu no ‘aphikümqhüpu tipau küghüküghaleive pe chekeu,’ khikhi Daniel tungkupuu no pipüani keno, tipau no akimthe-a lo puthugho aghí keu ithulu aye (phi akemi no hi ithilo)

MATTHEW 24:25

Julo, I no ashe-azü shi nongu vilo pivae.

MATTHEW 24:38

Azü no yimi keu tsalà ighi mphi zülo, timiqo ye chu-shoa, külakupu shia eno külakupu tsüae, eno tiye Noah no ashuka lo ilove keu tsalà kutólo tishi ake;

MATTHEW 3:7

Ikemu kughou Phariseemi ngò Sadduceemiqo kutomo no pa no baptiz shi akeu-a küdau chekeu ithulu keno, pa no ishi panongu vilo pi: “Nongu apighitiqo! Khuu no nongu pelo Alhou loghukighide chekeu lono polu penike pikichive kea?

Luke 17:26

“Noah ghuloki lo toi, Timi Nu ghuloki lo ghí tishi nani.

Rommi 1:17

Kughengu atsakiviu lono Alhou chipiumikucho pephe-piyevae. Achipiumikucho tiye atüghi lono ashekha kutólo aküpülü vechewo ke, tiye hitoi yèpüa keu toi ke: “Amikuchomi ye aküpülü vechewo xülu nani.”

Rommi 10:6

Ikemu aküpülü vechewo achipiumikucho shilu chekeu lo ishi yèpüani: “O mlo lo ishi pi kevilo, ‘Khuu no atsütsǘ lo ikuluni kea?’ ” (tiye Khristo aqhou saikighi kepu shi)

Rommi 3:22

Alhou chipiumikucho hipau ye Jisü Khristo pülü kemi kümtsü lau aküpülü akeu vechewo tsüpüani ke. Tighenguno Jewmi ngò Jewkumomi dolo kiumu kütüqü keu küha,

Rommi 4:11

Eno pa ye aphighüyiko-küghá shimphi züu no aküpülü vechewo achipiumikucho chishida keu michi shi aphighüyiko-küghá ikhilu ke. Tishiaye, pa ye aphighüyiko ghamo namu pülü chekemiqo kümtsü papù ke, tishi keu vechewo panoqo pelo achipiu mikuchomi kepi kihi kulupu shipe niye ke.

Rommi 4:13

Abraham eno pa nuli-kughukoqo ye ayeza vechewo pa ye ayeghiqha mheghi kiyighiu shi nani kepi Alhou no piqhipüa keu ighílu ke kumoe, ikemu aküpülü lono achipiumikucho shilu chekeu vechewo no ke.

Rommi 9:30

Tishiaye ningu ye kiu pìní kea? Jewkumomi khunoqo no achipiumikucho phumo keno panongu ye aküpülü vechewo achipiumikucho ithuluvae;

Galatiami 5:5

Kughengu ningu ye Aghungu vechewo aküpülü lono ningu no laju achekeu achipiumikucho hu khekulhoshi anike.

FILIPIAMI 3:9

eno pa gholo küqhaluve niye ke. Ayeza papelu keu vechewo I likhi I chipiumikucho shilu keu kumo kemu Khristo shou pülülu keu lono achipiumikucho akeu hu ke—achipiumikucho tiye aküpülü vechewo Alhou lau no ighi cheni.

IBRIMI 11:1

Tishiaye aküpülü ye ningu no laju akeu shou pülübe keu ngò ningu no ithumla keu shou pülüqhiyi keu ke.

IBRIMI 12:25

Nongu ye khuu no atsa pi cheni keno pa milimo nike jukuto lo. Kughou ayeghi lo khuu no panongu pikichi keno pa milive keu lo ghí pokajo mülave aye, ningu ye kíshi no khuu kungugha lono ningu pikichi cheni keno pa lau no tsüghüsü wuve no polu nani kea?

IBRIMI 5:7

Jisü no ayeghi lo xü ake ghuloki lo, pa ye shishe qa eno anhezü-piji ghi khuu no akithí lono pa xalu nani keno pa lau akighini gholo no qhüiniju puku ke, eno pa no Alhou sümsa ghi aqhokighe shikeu ghenguno pa kighini chilutsü ke.

IBRIMI 8:5

Panongu ye akimthe-a lo hukuthu kümlà shi cheni ke eno tiye kungugha lo kiu ani keno tipau kíshi shikeu eno tipau yekükhü ke. Hi ghenguno Moses ye kughou pa no puloshoqhi-chebo shiqhepuku niye shi akeno pa no ishi pikichi ke: “Nongu ye thowkha kümtsü naghuto lo puloshoqhi-chebo ghola nongu pìyeve ketoi shini ke jukuto lo.”

1 Peter 3:20

tiye khaghi Noah ghuloki lo ashuka mülà akelo Alhou no kutuukulu shi khe akelo agholumove kemiqo ke. Ashuka tipau lo timi aghulo, aqó lo pano tache, likhi azü lono xalu ke,

2 Peter 1:1

Yesǜ hipau ye Simon Peter, Jisü Khristo qeu eno apostol lakhi no, Khunoqo ningu Lhou eno Xakuluu Jisü Khristo chipiumikucho vechewo ningu toi aküpülü ithuluve no akughupu shi ani keno tipaqo lau yèlu ani:

2 Peter 2:5

kughou pa no alhou kümthamiqo lau atshünazü kuqo süghi püzü khaghi yeghilomiqo kipimí qhitsümo no Noah, achipiumikucho kükütsüu lakhi, eno kütami tsüní süsholu aye;

2 Peter 3:6

Azü hipaqo vechewo tipau ghuloki lo ayeghiqha ghí yimive no kütsakungove ke.