IBRIMI 10:34 - Sümi Tiqhelimi Bible

³⁴ Nongu ye akughuki lo akemiqo gholo imeküqha ke eno nonguw tinhemüghaqo ikhiluve tsü kelo alokivishi ke, kughengu nongu ye nolikhi no ghenguno tinguno amheghi akiviu eno pepushu nikeu ani kepi ithi ake.

BAIBEL (BSI)

³⁴ Nonguno akughumi sasu imekuqhae eno kughono nongu wu tinhemgha kumtsu sukisheluvetsu keno nongu mlo hauvemono kutuuluveke, kughengu nonguye kuakini akiviu khikhino alhokupuju ache nani keno tipau achephikepi nonguno ithi akehue.

Sumi Naga CL (Re-edited) Bible (BSI)

³⁴ Nongu no akughumi gholo ime küqha, eno alokivishi no küakini ghi sükishe luvetsü peke, kughengu nongu ye küakini akiviu eno pülhapuju acheni keu thime aphi kepi nongu no ithi ake.

IBRIMI 10:34 ပူးပေါင်းရင်းမြစ်များ

MATTHEW 19:21

Jisü no khochile, “Nono kupukülai shinishi aye, wolo eno O mheghi kümtsü jeve no pesü kumlhomiqo tsüvelo, eno no ye kungugha lo akiní ania ke. Tisheno ighi püzü I papelo.”

Luke 10:42

ikemu thime lakhi likhi avehupu shi ani. Mary ye kiu no akiviu keno ti kisheluvea, eno tiye li lau no ikhisüwuve mülae.”

Luke 12:33

Nonguw küakiniqo jeve lo eno kumlhomiqo tsülo. Nongu ghenguno pisabo pepüha müla keu kutolu lo, kungugha lo akiníbo ye khilemu kühavemo nani, tile ye küpkami mu aphivilo ighi müla eno amilamu chupüha müla nani ke.

Luke 9:25

Timi lakhi no ayeghiqha kuchopu paw shive aghí namu pa likhi pa küxü pühave momu xamlave aye kiu alá ani kea?

Apostolmi 21:33

Zatsüu no iqhoghi püzü pa küghaluve eno ayikichhe kini pesü pa tshüvelo pi azah tsüve. Tisheno pa no Paul vilo pa ye khuu eno kiu shive keno iniju.

Apostolmi 28:20

Hipau ghenguno I vilo nongu sasü kusho no nongu pütsa lo pike. Kughengu Israelmi’w lajupu akeu ghenguno ni ye ayikichhe hipau lo ani.”

Apostolmi 5:41

Apostolmiqo no Jewmi Hoho qhive, eno panongu ghí Jisü je ghenguno kujomza keu ghime shini keu aküzüpushi aghí kepi alokivishi wuve.

2 Kor. 5:1

Kughengu ningu no ithi akeu no ningu no ayeghi lo ngo chekeu ki shipüsave aye ningu ghenguno Alhou lau no ighi keu ki lakhi anie, tiye kungugha lo lhokta ki lakhi ke eno aki tipau ye timi u no mülà keu kumoe.

Ephesiami 3:1

Hi ghenguno ni Paul ye nongu Jewkumomiqo je ghenguno Khristo Jisü’w akughumi shike.

Ephesiami 4:1

Tishiaye ni Paul, Ampeu ghenguno akughumi lakhi shi akeu no, nongu pelo nongu kulùve keu qhemi aküzüpushi xü penike nongu hakite ani.

Ephesiami 6:20

kughengu ni ye atsakiviu ghenguno ayikichhe no tshüpe akemi lashikami lakhi ke. I pelo msàmo no I no pi moayesa keu toi piphelu apenike inikhu tsü alo.

FILIPIAMI 1:7

I no nongu kümtsü ghili hipau ghola lono kümsü akeu achipi ke, kughengu nongu ye I mlo lo ani, ike I tsüghape aghina momu atsakiviu süsho eno shikumto aghí namu nongu kümtsü no I gholo Alhou’w küpükini küsaje anike.

Kolosiami 1:5

aküpülü eno kikimiye ye nongu ghenguno kungugha lo lajupu pekütsü pe püakeu lono qò ipeghi anike eno nongu lau atsakiviu kükütsü sütsa kuchou khikhi nongu lau ighi keno tile no nongu ye

1 Tim. 6:19

Hitoi shikeu lono panongu no pano sala kungu lo akinikhuki pekütsü pesü püalu nani eno tipau no ighi nikeu tiqheli ghenguno aboqha kumto shilu nani, tishianguno panongu pelo khipau no kuchou küxü keno tipau küxü tsüqüluve peniye ke.

2 Tim. 1:16

Ampeu pelo Onesiphorus kibolomi shou kimiyekini pìye tsü peniu, kughengu ado kutomo lono pa no I lopivi tsüke eno I no akughu shi akeu ghenguno kujo keu shimo ke.

2 Tim. 2:9

hi ghenguno ni ye ayeza heküxami lakhi toi aghime shi ayikichhe no tshüpe anie. Ikemu Alhou tsa ye ayikichhe pe tshüve mülae.

2 Tim. 4:8

Itehi I ghenguno achipiumikucho kütsükuqho khikhi qhipüani keno achipiu Xaküthau Ampeu no tipau tsalà lono qesaxu I tsü nani. Eno I likhi kumo ikemu pa ikighi khekulhoshi akemiqo ghí kümtsü tsü nani.

IBRIMI 11:16

Tishini ke züqhulo, panongu ye aghakhu akiviu kümsü acheni ke—kungugha toi keu. Tighenguno Alhou ye panongu Lhou ipi kuni keu lo kujomo ke, kughengu pa ye panongu ghenguno mishighüna kutò pe qhive no ake.

IBRIMI 13:14

Kughengu ningu ye hilehi alhokuthu aní keu mishighüna küha ke, ikemu ningu ye mishighüna ighi niye akeu ghenguno huqhe anike.

IBRIMI 13:3

Akughumi gholo nongu ghí akughu shiküqha akeshi tamo no panongu kümsülulo, eno khunoqo pishi-puju acheni keno O likhi nono ime akeshi kümsülulo.

IBRIMI 9:15

Hi ghenguno Khristo ye puloshoqhi akitheuw alakipiu ke, tishianguno khunoqo kulùvea keno panongu pelo piqhipüa keu lhokta mheghi ighílu peniye ke—kughengu panongu pelo puloshoqhi atüghiu qholo axiné shive keqo lono kuqhophe nike ghenguno pa ye xakipheu lakhi shi thive ke.

James 1:2

I thiküzümi eno I chelimiqo, kugho-kughomu nongu no pekuju jeli sholu kelo tiye akiqheu lokiqi kepi kümsülo,

1 Peter 1:4

eno khilemu tsümavemo, shikuchubevemo momu kühavemo nikeu mheghi lakhi pe ningu tsüke. Amheghi hipau ye nongu ghenguno kungugha lo qhipüani ke,

1 John 3:2

Kimiye chekemi shompamiqo, itehi ningu ye Alhou nuliqo ke, eno ningu ye kiu shive nani keno tipau pephe-piye mphie. Ikemu kughou Khristo ipeghini keno ningu ye pa toive nani kepi ningu no ithi ani, kughengu pa ye kiutoi keno ningu no ithulu nani.