IBRIMI 10:22 - Sümi Tiqhelimi Bible

²² ningu Alhou lau amikucho mlo eno aküpülü vechewo pülüqhiyi süghi chekeu pesü kupunú wuni nolo, kughengu ningu mlo ye alolo kighithi shikipimi lono shikimthevea ke eno ningu phimpi ye azü kütsüghǘ no küzüteve no qhukimthevea ke.

BAIBEL (BSI)

²² ninguno amlo-pu puzu mutsuqheyi keu kupulu shino alhoksa-lotsuh launo ningu mlo shikimtheve eno azu kimthe pesu ningu phi-ashi qhuveno Alhou lau kupununi nolo.

Sumi Naga CL (Re-edited) Bible (BSI)

²² ningu kuchou mlo xapu tsaqüi keu küpülü qhini, alhoksa lotsü lono ningu mlo shikimtheve no azü kütsüghü pesü ni phimpi qhuve püzü Alhou kupunu wuni nolo.

IBRIMI 10:22 ပူးပေါင်းရင်းမြစ်များ

MATTHEW 3:11

“Nongu mlo pebide penike ghenguno ni ye azü pesü nongu baptiz shitsü ani. Ikemu khuu I shelo cheni keno pa ye I nguno akumtou ke, ni ye pa pukhukuqhomu pe küzü kumoe. Pa no Aghungu Kimthe eno ami pesü nongu baptiz shitsü nani.

Luke 1:1

Timi kutomo no ningu gholo thime shikupuve keqo kihikülai yèpeqhi nikeu shiju ke.

John 3:5

Jisü no khochile, “Kuchou no I no O vilo pìní, azü eno Aghungu lono punú kithemo kelo ye khunomu Alhou kükaphu lo ilo müla nani.

John 8:9

Ikelo tilehi chikulumiqo dolo kichimiqo paghi no atüghishi püzü lakhi-khi no wokhave püzü ashekha lo totimi puthugho akeu ngo Jisü likhive.

Apostolmi 22:16

No ye itehi kiu ngokhe ani kea? Ithulo eno pa jeku ghi baptiz shive no O xinéqo qhukimthevelo.’

Apostolmi 8:21

No ye hipau kümlà lo O vehupu momu O saje kühae, kughengu O mlo ye Alhou zülo achipi shi amoke.

1 Kor. 6:11

Ike nongu khami ye hitoi xüche ke. Ikemu nongu ye qhukimthevae, nongu ye shikimthevae, nongu ye Ampeu Jisü Khristo je lono eno ningu Lhou Ghungu vechewo achipikaluvae.

2 Kor. 7:1

Tighenguno kimiye chekemi shompamiqo, ningu ye pikiqhi hipaqo ani kehu Alhou gihu keu ghenguno thowkha lo akimthe kupukülai shini ke aphimpi ngò aghungu shikuchubeve chekeqo thime kümtsü lau no ningu likhi ningu shikimtheveni nolo.

Ephesiami 3:12

Pa gholo xüküqha pe akeu ghenguno eno pa lau aküpülü akeu vechewo ningu ye ighümo no pülükibe shi Alhou lau wulu nani.

Ephesiami 5:26

Khristo no hipau shikeu ye pa tsa vechewo azü pesü akukuhou qhukimtheve no li pelo akimthe shipe niye ke,

Ephesiami 6:5

Aqüaxemiqo, nongu no Khristo gholu chekeu toi agigihu eno sükümsa gholo amikucho mlo xapusü ayeghi lo nongu mpemiqo ghokulu shilo.

1 Tim. 4:2

Shiküka hitoi keqo ye kühakügha kimkimiqo lau no ighi cheni. Panongu lolo kighithi ye ayì külǘ no pitive keu toivae.

Titus 3:5

pa no ningu xaluve ke, tiye ningu no amikucho kümlà shikeu ghenguno kumoe ikemu paw kimiyekini ghenguno ke. Qhukimthe keu lono punú kithe keu eno Aghungu Kimthe lono shikithe keu vechewo pa no ningu xalu ke,

IBRIMI 10:1

Ayeza ye akivi thime ighi niye shi akeu yekükhü likhi ke—ayeza likhi ye kuchou kühae. Hi ghenguno ayeza ye khunoqo no ampe atsütsǜ lo ide-ide tamo no aghakishi athoshi pesü Alhou mülá nike kupunú ighi acheni keno panongu pelo khilemu kupukülailu pe müla nani.

IBRIMI 10:19

Tighenguno, athiküzümi eno achelimiqo, ningu ye Akimthe Nguno Akimthe-a lo ilolu nikeu pülübe ani, tiye Jisü jì vechewo,

IBRIMI 11:28

Pa ye aküpülü vechewo Hechekulu ghulhu eno ajì hu pesü pepimhe ke, tishi keu vechewo anu punú tüghiu kütsave chekeu pelo Israelmiqow anu punú tüghiu bupemo niye ke.

IBRIMI 12:24

nongu ye Jisü puloshoqhi akitheuw alakipiu eno Abel jì nguno akiviu shi atsa piche keu küzüteve keu jì lau ighivae.

IBRIMI 4:16

Tishiaye ningu ye pülükibe àghi Alhou’w küpükini küká lakhü kupunú ighini nolo, tishianguno ningu no avehupu shike ghuloki lo ningu kuphulu nikeu kikimiye ngò küpükini ithulu kepu shini ke.

IBRIMI 6:11

Ningu ye nongu lakhi-khi pelo ashekha kutólo hitoi azükini pìye penishi ani, tishianguno nongu no kiu laju ani keno tipau kuchopu ithilu peniye ke.

IBRIMI 7:19

(kughengu ayeza ye kiumu kupukülai shitsümo ke), eno lajupu akiviu lakhi kilethi tsüke, tipau vechewo ningu ye Alhou lau kupunú wu chenie.

IBRIMI 9:10

Tipaqo ye chuqu-kusho eno chine-chini shikimthe keu jeliqo vehu likhi ke—hiye azah kithé do tomo ke kutólo ashou yezashi pepimhe akeu ke.

IBRIMI 9:19

Kughou Moses no azakütsü yeza kümtsü timiqo vilo shuphevetsü keno, pa no amishitsü eno aneqo jì gholo azü, huchuhuyi keu amhiyeho eno ailo lokaqo pesü liküküzü kaku ngò timiqo kümtsü shou küzüte ke.

James 1:6

Ikemu kughou nono khuni keno, no ye lipimo no pülü moayesa, kughengu timi khuu no lipi cheni keno pa ye amlhü no fu püzü tukucho keu züghi fukucho lakhi toi ke.

James 4:8

Alhou lau kupunú ighilo eno pa no nongu lau kupunú ighi nani. Nongu axinemiqo, nongu uqo mütsüvelo eno nongu mlo shikimthe lo, nongu amlo kini puche kemiqo.

1 Peter 1:2

Apù Alhou lokütsü vechewo kisheluve kemiqo, Aghunguw shikimthe keu kümlà vechewo Jisü Khristo gholu peniye eno pa jì no küzüteve kemiqo: Küpükini eno aloino keu no kupukuno shi nonguw shilu peniu.

1 Peter 3:21

eno azü hipau ye baptiz khikhi itehi nongu xalu ani keno tipau michi ke—tiye nongu phimpi lo axiné akeu shikimtheve keu kumoe ikemu Alhou lau mütsümishei keu alolo kighithi aní keu shoqhi ke. Hino Jisü Khristo’w xüleputhu vechewo nongu xalu cheni ke,