IBRIMI 10:12 - Sümi Tiqhelimi Bible

¹² Ikemu kughou achineu hipau no alhokupuju ghenguno axinéqo ghakishi lakhi pe Alhou mülá keno, pa ye Alhou u ajeu küdau iqave ke,

BAIBEL (BSI)

¹² Ikemu Khristo no axine ghenguno ghuthu lakhi aghashivekeu huye alhokupuju ghengunoke, eno tishive puzu pano Alhou u-ajeu iqave.

Sumi Naga CL (Re-edited) Bible (BSI)

¹² Ikemu kughou Khristo no axine ghenguno alhokuthu ghenguno pephe tsüve keno, pa no Alhou u ajeu iqave,

IBRIMI 10:12 ပူးပေါင်းရင်းမြစ်များ

Mark 16:19

Ampeu Jisü no panongu pütsa tave kethiu, pa ye kungugha lo saikuve eno Alhou u ajeu iqave.

Rommi 8:34

Tishiaye khuu no ningu kiléqhive kulupu kea? Khuu nomu kumoe. Khristo Jisü khuu thive keno—eno tilikhi kumo no khuu akithí lono xüputhuve keno—pa ye Alhou u ajeu küdau iqa no ningu ghenguno alakipiu shi ghi inikhu tsü acheni.

Ephesiami 5:2

eno Khristo no ningu kimiye no pa likhi pa ikhiphe pesü ningu ghenguno Alhou lau axokütsüngü kümlagho eno aghakishi lakhi shi tsüve keu toi, kikimiye lono xüche lo.

Kolosiami 3:1

Tishiaye nongu ye Khristo gholo xüputhuvea ke ghenguno, nongu mlo pesü kunguu Khristo no Alhou u ajeu iqa akeu thimeqo shou belo.

IBRIMI 1:3

Anu ye Alhou juküvü yebide akeu eno Alhou lhoaye athoshi pephe-piye akeu ke. Eno pa tsa küká vechewo thowkha kümtsü puqhe pe acheni. Pa no ningu xinéqo shikimtheve kethiu, pa ye kungugha lo Akughushu Lhou u ajeu küdau iqave ke.

IBRIMI 10:10

Eno Alhou pulou vechewo ningu ye Jisü Khristo phimpi pe ghuthukhavi lono alhokupuju ghenguno aghakishi shive keu vechewo akimthe shiluvae.

IBRIMI 10:14

Kughengu pa ye aghakishi lakhi vechewo khunoqo pe akimthe shivea keno panongu ghenguno alhokupuju ghenguno kupukülaive tsüke.

IBRIMI 5:1

Achinetomiqo shou atou kümtsü timiqo dolo no kishe cheni eno timiqo züqhu shi aghò jeliqo pe Alhou mülá keqo ghola vehu eno axinéqo ghenguno aghakishi shipe nike süküsü shi cheni.

IBRIMI 5:3

Hi ghenguno pa ye pa likhi pa xinéqo ghenguno eno timiqo xiné ghenguno ghí aghakishi tsü moayesave cheni ke.

IBRIMI 7:27

Achinetomiqo shou atou kütamiqo toi pa ye tsalà kipetsü atüghishi pa xiné ghenguno eno tithiu no timiqo xinéqo ghenguno aghakishi pesü Alhou mülá kepu vehu kühae. Pa ye kughou pa likhi pa ikhiphe pe tsüve keno tile no ghuthukhavi lono kümtsü xinéqo ghenguno aghakishi shive tsüke.

IBRIMI 8:1

Ningu no kiu piani keno akimiji akhotou ye hipau ke: Ningu ye achinetomiqo shou atou lakhi ani, pa ye kungugha lo Anguagha küká lakhü lo au ajeu küdau iqa ani,

IBRIMI 9:12

Pa ye anetsü ngò amishitiqo jì vechewo ilo ke kumoe; ikemu pa ye ghuthukhavi kümtsü ghenguno pa likhi pa jì vechewo Akimthe Nguno Akimtheu-a lo ilo ke, tishi keu lono lhokta xakulu ithulu ke.

IBRIMI 9:14

Tishiaye Khristo jì khikhi lhokta Ghungu vechewo tukutiye kühamithe no pa likhi pa pesü Alhou mülá keu ye khikuto lo ningu pelo xü akeu Lhou qe penike ghenguno ningu pelo akithí lo sawuve chekeu lau no ningu lolo kighithiqo shikimthe tsülu nani kea!