IBRIMI 10:11 - Sümi Tiqhelimi Bible

¹¹ Atsala kipetsü achineu lakhi ye puthugho no achineye kümlàpuqo shi acheni; anguno-anguno pa ye aghakishi atho khikhi khilemu axinéqo ikhipe wuvelu chemo keno tipau pesü mülá acheni.

BAIBEL (BSI)

¹¹ Judami achinemino tsalakipetsu puthughono pa kumlapu shi acheni eno lhoxu heqhipe mllakeu hipaphi likhi pesu anguno anguno mlla acheni, ikemu tipaqoye khilemu axineqo ikhisuwuve tsumlae.

Sumi Naga CL (Re-edited) Bible (BSI)

¹¹ Achinemi no tsalakipetsü puthugho no pa kümlapu shi acheni eno khilemu axine peve tsümlani keu ghakishi pesü anguno anguno tsü acheni.

IBRIMI 10:11 ပူးပေါင်းရင်းမြစ်များ

IBRIMI 10:1

Ayeza ye akivi thime ighi niye shi akeu yekükhü likhi ke—ayeza likhi ye kuchou kühae. Hi ghenguno ayeza ye khunoqo no ampe atsütsǜ lo ide-ide tamo no aghakishi athoshi pesü Alhou mülá nike kupunú ighi acheni keno panongu pelo khilemu kupukülailu pe müla nani.

IBRIMI 10:4

Amishitsü eno anetsüqo jì no axinéqo ikhipe wuve tsüní keu ye shikümlapu ke.

IBRIMI 5:1

Achinetomiqo shou atou kümtsü timiqo dolo no kishe cheni eno timiqo züqhu shi aghò jeliqo pe Alhou mülá keqo ghola vehu eno axinéqo ghenguno aghakishi shipe nike süküsü shi cheni.

IBRIMI 7:27

Achinetomiqo shou atou kütamiqo toi pa ye tsalà kipetsü atüghishi pa xiné ghenguno eno tithiu no timiqo xinéqo ghenguno aghakishi pesü Alhou mülá kepu vehu kühae. Pa ye kughou pa likhi pa ikhiphe pe tsüve keno tile no ghuthukhavi lono kümtsü xinéqo ghenguno aghakishi shive tsüke.

IBRIMI 8:2

eno pa ye timi no mülà keu akimthe-a kumo püzü Ampeu no puloshoqhi-chebo kuchou mülà tsü keu akimthe-a lo achinetou shou atou kümlà shi acheni.

IBRIMI 8:4

Tsalá pa no ayeghi lo aghí ke aye, pa ye achinemi lakhi shimoni cheke, kughengu ayeza no kiche tsüpüa keu toi aghò pesü Alhou mülá chekemi achinemiqo kutomo ake.